Danyeli 6:10 - Luganuzi Luswanu Kuli Wanhu Wose 2002

¹⁰ Nayo Danyeli yali yeza kumanya vyono lilajilizo lilyo lyawicilwa ne citanjilo, yakawa kubita ku kaya yakwe. Na mu cinyumba ca kucanyha ku golofa ya mu kaya yakwe, cali cina madilisha gono vyali vidomile na Yelusalemi. Baho, yakafugama ha madilisha ge nyumba yakwe, vyono gali gali mwazi, yakamulomba Mulungu nghanghulo yidatu kwe zuwa, nha vyono yali yazoweye.

Danyeli 6:10 ပူးပေါင်းရင်းမြစ်များ

1 Watemi 8:30

Wuhulice wulombe wangu, hamonga no wulombe we wanhu wako, lono nawo wowa wakukulomba vidomile wusu wawo ne hanhu baha. Gwe go Mulungu mono wikaye kuko ku wulanga, wucihulice kanyhi wucinenele.

1 Watemi 8:38

wuwahulikaje wulombe wawo. Na hono hawe ho yuli yunji wa muli wanhu wako wa Isilayeli yena wusungu mu nhumbula yakwe, wagolole miwoko yawo wakulombe baha hono Nyumba yako,

1 Watemi 8:44

“Nagwe lono wukuwalajiliza wanhu wako wabite ku wulugu wakehome ne walugu wawo, na hono wakulombe wemile ho hose hono wowa, ninga wawe walilanjile likaya lili lyono walihagula, ne Nyumba yako yono nakuzenjela,

1 Watemi 8:54

Nayo Solomona yali yeza kukondya kumulomba Muwaha Mulungu, yakema ha mwande ye cikumbicilo, baho hono yali yafugame akuno yagoloye ne miwoko yakwe.

2 Zinghomo 6:13

(Solomona yanoza ne shaba, i hanhu hono henuce ho kulonjela, wima wayo mita monga na lobo, no wugazi wayo, mita nyejete na lobo mbavu zose. Yakahawika haciligati yo wuduwilo. Yakema mucanyha yayo, yakafugama ha mwande ye wanhu wose, yakayinyasula miwoko yakwe kucanyha.)

2 Zinghomo 6:38

Na hono yiwe mbeka, lono wali ku yisi yiyo, wema mu mbeka, kanyhi wanena no wubi wawo, ho wakulombe akuno wadomizye wusu wawo kono yisi yiyi yono wawapela i walezi wetu, mwi'kaya lilino lyono gwegwe walihagula, na kono Nyumba yako yiyi yono nakuzenjela,

Ezila 9:5

Cipango co wulavye we cilavywa ce cinyamihe cali ceza kufika nghenuka ne vivwalo vyono videmuce, nghafugama, nghalomba, akuno nimwaliye ne maganza gangu Muwaha Mulungu, u Mulungu wangu.

Nehemiya 6:11

Nane namupitula nghamutya, “Ane si nili munhu mono yinojeye nhize, mbite nghehundice mu Nyumba yo Mulungu. Agwe wukwihwesa vyono nosuma kwiponya so wihundika mu Nyumba yo Mulungu? Aa ng'o. Holeka ane sinonoza nhavivyo yaye.”

Zabuli 34:1

Ane nomukumya Muwaha Mulungu madaha gose, hamba si nolecela lukulu kulutambula lukumyo lwakwe.

Zabuli 5:7

Ninga ku so winji wo lusungu lwako, ane nosuma kwinjila mu Nyumba yako, nane nohemba mu Nyumba yako yono yelile kwe cogopo.

Zabuli 55:17

Ane nikalaga du nghulila ko wukalale, cinyamihe, hakali mitondo, na mu misi mugati, ninga mwene kolihulika lizi lyangu du.

Zabuli 86:3

Agwe yo gwegwe go Mulungu wangu, holeka wumbonele lusungu, ane nghukulilila misi yose.

Zabuli 95:6

Nzonyi cifugame no kumuhemba, cimufugamile Muwaha Mulungu, Muwumbi wetu!

Danyeli 6:13

Hobaho wakamulonjela mutemi wakamutya, “Danyeli yumonga wa muli wahamywa ku wulawilila Yuda, hamba si yakuwukumya wuwaha wako, hamba kuwibata no wulajilize wono walavya. Mwene kamuhembaga du Mulungu wakwe, nghanghulo yidatu nhondo zose.”

Danyeli 9:4

Nghamulomba Muwaha Mulungu, u Mulungu wangu, nghawunena u wubi we wanhu wangu. Nghalomba nghatya, “Gwe go Muwaha Mulungu, yo gwegwe Muwaha, nase cikogopile gwegwe du. Nagwe wibate ne cilagane cako, kanyhi wuli lusungu kuli wono wakwendile, no kwituma zono kulajilizaga.

Yona 2:4

Ane nghwihwesa nha vyono nakondya kuwuka ku wulawa ha mwande yako, hamba sinosuma yaye kuwuwona no wuhembelo wako kanyhi.

Maluko 3:3

Nayo Yesu yakamutya u munhu yuyo mono yali yena u muwoko wono wudejepe, “Wuze hano hono mwande!”

Luka 14:26

Munhu wo wose mono yakuza kuli nene, si kowa mwijizwa wangu, langa sunga yawe yanyendile nene si nha vyono yawendile u sogwe, no nyina, ne walumbuze, heya, sunga no wumi wakwe mweneco.

Luka 22:41

Yakatemanuka kuli wene yakabita wutali wa nghanzo ye'bwe lyono ligumiywe, yakafugama yakalomba, yakutya,

Metumo ge Watumwa 10:9

Imitondo yaco, lono wanhu wawalya i wadatu wali wakali mu muhinzo, ninga wali wali behi no kufika ku Yopa, Petelo yakabita kucanyha ku golofa mu saa sita ye misi, kulomba.

Metumo ge Watumwa 2:15

Wanhu awa nha si wagalile vyono mukuganiciza nyenye, hambi alu nha yikali saa tatu du ya hakali mitondo?

Metumo ge Watumwa 20:24

Ninga ane si nghuganiciza wumi wangu nha cinji cikamu kuli'ne, si nho wukondeleze wo muhinzo wangu, no witumami wono nabocela kuli Muwaha Yesu, kuluhomelela u Luganuzi Luswanu lwe lihewa lyo Mulungu.

Metumo ge Watumwa 20:36

Yaza kokondya kulonga zizi, Pawulo yakafugama, yakalomba hamonga na wose.

Metumo ge Watumwa 21:5

Ninga cali ceza kukwiza vilo vyetu vyo wikala baho, cikatuluka, cikajendelela no muhinzo wetu. Nawo wose, hamonga ne wagolece zawo, hamonga ne wana wawo, wakacisindiciza sunga kunze ye likaya. Caza kufika ha mwejelele we lilenga, cikafugama, cikalomba.

Metumo ge Watumwa 3:1

Izuwa linji Petelo na Yohana lono wenjilaga mu Nyumba yo Mulungu saa tisa ye misi, mu cidaha co kulombela.

Metumo ge Watumwa 4:29

Alu Muwaha wulanje wogofye wawo. Wucipelaje vilungo co wetumami wako ho ciyiganule nghani yako cisina woga.

Metumo ge Watumwa 5:20

“Bitenyi mukeme mu Nyumba yo Mulungu, mukawaganulile wanhu zinghani zose zo wumi wuwu.”

Metumo ge Watumwa 5:29

Ninga Petelo lono yali hamonga ne watumwa wayagwe, yakapitula, yakatya, “Cinojele cimuhulice Mulungu, si nhe wanhu.

Metumo ge Watumwa 7:60

Yakafugama yakabalaluka kwe yizi yiwaha, yakutya, “Gwe Muwaha wulece kuwahosa so wubi wuwu.” Yaza kondya kulonga zizi, hodu ho baho yakawa kufwa. Na Sawulo nayo yawona viswanu vyono wamuwulaje.

Metumo ge Watumwa 9:40

Baho Petelo yakawalavyaniza kunze wose, yakafugama, yakalomba. Hanyuma yakawa kuwupitucila u muwili wa malehemu Dolika, yakatya, “Tabita winuce.” Nayo yakanugula imeso gakwe, na yaza muwona Petelo, yakenuka yakekala.

Waefeso 3:14

Ku soko yiyo, holeka nane nghumufugamila u Sogo yo Munhu,

Wafilipi 1:14

Na wuwu wuwopwe wangu wawanoza we zindugu wenji wawe no wihuwilo muli Muwaha, sunga wakucila kuwa ne vilungo mu wuganula i nghani yo Mulungu wasina woga.

Wafilipi 1:20

U wuhile wangu no witumbilo wangu, ho ndece kulemwa mu wufisiliza u mulimo wangu, langa nojendelela kuwa na nhumbula yono yikamile mu mapango gose na ko muno mwipango lili, ho mu mikalile yangu yose, hono niwe nghali mumi hamba hono niwe nafwa, nimutujile Kilisito lilumbo.

Wafilipi 4:6

Mulece kwihwelela muli cinji co cose, langa mu wulombe wenyu, mumulombaje u Mulungu i visakwa vyenyu, mumulombaje akuno mukumulumba mu zinhumbula zenyu.

Wakolosayi 3:17

Na zose zono mukwituma, mu wulonje, hamba mu witume, mwitumilaje zose mwitagwa lyo Muwaha Yesu, akuno mukumulumbila u Mulungu Baba muli mwene.

Wahebelaniya 13:15

Ale nhondo, mu nzila ya Yesu, cimulavizyaje u Mulungu, likumbiko lyo lukumyo nhondo zose, wo wutya, u lukumyo lono lukuletwa ne wanhu wono wakulivumila litagwa lyakwe.

Wahebelaniya 4:16

Holeka cisejelele kwi'goda lye lihewa lyo Mulungu, cisina woga, ho ciwonelwe lusungu, kanyhi cilituje ne lihewa lyono lyosuma kucitaza mwidaha lono cikusaka u wutazi.

Wugubule 2:10

Ninga agwe wulece kuzogopa azilya zono zokuziza no kukutajila sunga na mu wugaye. Wuhulicize! Setani yakuhila yamujelenyi ko kuwatajila wanji wayenyu mu jela, nanye motuga magayo mu vilo yikumi. Holeka, mweze muli wehuwilwa kuli'ne, sunga ko ku wufwe, nane nomupelenyi wumi, co cihumbilizwa cenyu co wusume wenyu.’

Wugubule 2:13

Manyile kono wikaye. Agwe wikaye ku wikalo wuwaha wa Setani! Ninga hamba nhavivyo, wukali wibatiliye litagwa lyangu, hamba si wakana u wihuwilo wako wa kuli'ne, sunga na mu vilo vya Antipa, muhomelezi wangu mwihuwilwa, lono yawulajilwa i hanhu hono kekalaga Setani.