Danyeli 5:7 - Luganuzi Luswanu Kuli Wanhu Wose 2002

⁷ U mutemi Belishaza yakacemeleza kwe yizi yiwaha, waletwe, waganga ne walotezi, na we mahala go wizuce we zinyelezi ne watowa visangu. Nawo wali weza kuwa waletwa, mutemi yakawalonjela yakawatya, “Munhu wo wose, mono kosuma kusoma mandiko aga, no kunonjela nhunizo yayo, yuyo nomuvwika myenda ye citemi-temi, hamonga ne kanzo yo lugandu, no luvumbe lwe zahabu lwe lilumbo mu singo yakwe. Nayo kowa munhu we kadatu wa muli wono wena wulajilize mu wutemi wangu.”

Danyeli 5:7 ပူးပေါင်းရင်းမြစ်များ

Mwamulizo 41:8

Wali weza kwela hakali mitondo, Falawo yali yazinguce muno muno. Ale, yakawa kulajiliza i waganga wose na we mahala wose wa mu yisi ya Misili waze kuli mwene. Nawo wali weza kuza, Falawo yakawalonjela ze zindoto zakwe, ninga hasina hamba monga mono yasuma kumuloloseza Falawo nhunizo ye zindoto zizo.

Esita 3:1

Vyali vyeza kupuluta vilo vicefu, mutemi Ahasuwelo, yakamupela wuwaha munhu yunji mono yacemwaga Hamani, yakamupela wuwaha wa mu walongola wose. Hamani yakawa mulelwe na Hamedata Mwagagi.

Wutuluce 7:11

Nayo mutemi yakawa kuwacema wanhu we mahala, ne wahawi, hamonga ne waganga. Nawo ko wuganga wawo, wakanoza nhavivyo.

Zimbazi 1:9

Hambi mafundo gawo nha gokupela nyikala swanu. Gowa nha mukumbo we lihewa, mu mutwe wako, hamba nho mukufu wa mu singo yako.

Lwimbo Luswanu muno 1:10

Sunga ne zimvwili zako zikwijela swanu muno, zinojile mucanyha ye zinzagasa zako, lono zikuninyina mo mu singo, nha vibwe vyo wuguzi wukamu.

Isaya 47:13

Nalu nha weza wusina kanyhi vilungo ku soko yo wulanjizwe wono wukupegwa. Alu, wuwalekaje wawo waganga wako waze wakuponye, i waganga we zinyelezi, hamonga na wono wazandikaga zinghani za mu wulanga, nawo wakulonjele mu mwezi na mwezi, zinghani zono zokwijelela gwegwe.

Yelemiya 50:35

U Muwaha Mulungu yakutya nhavi, “Lifwa kuli Babiloni! Lifwa kuli wanhu wayo, hamonga ne watemi, ne wanhu wayo we mahala.

Ezekiyeli 16:11

Nghakuhamba ne vibwe vyo wuguzi wukamu, nghakuvwika bangili mu miwoko yako, no mukufu mu singo yako.

Danyeli 1:20

Na muli nghani yo yose yo wizuce, yono mutemi yayiwuzaga, hamba nghani nghamu, wawa i wane, wakejela wo wena wizuce kali kumi kuciza waganga ne wahawi wa mu wutemi wakwe wose.

Danyeli 1:4

Wawe wazelelo wono wena futa swanu, we mahala muno muno, kanyhi wono weyijize viswanu, wapelupelu ku wizuce, wono wasina hamba cilema mu miwili yawo. Ho wapegwe mulimo wo kuyidima nyumba yo wutemi. Nayo Ashipenazi yawalanjize no kusoma, no kwandika, mu nonga ye Cibabiloni.

Danyeli 2:2

Baho yakawacema watowa visangu, ne waganga, ne walotezi, hamonga ne wahawi, wose waze wamulonjele i nhunizo ye ndoto yiyo. Nawo wali weza kufika ha mwande yakwe,

Danyeli 2:27

Danyeli yakapitula yakatya, “Gwe mutemi, hasina muhawi, hamba mutowa cisangu, hamba we mahala go wizuce we zinyelezi, mono kosuma kuzilolosa zizi.

Danyeli 2:48

Hobaho yakamuwika Danyeli yawe muwaha mwi'tumbi lya Babiloni, no kumuhumbiliza vipegwa viswanu. Kanyhi yakamuwika yawe yo muwaha muli we mahala wa mu wutemi wakwe.

Danyeli 2:6

Ninga hono munonjele yiyo ndoto yangu, hamonga ne nhunizo yayo, nane nomupelenyi vihumbilizwa viwaha, hamonga ne lilumbo yiwaha. Holeka lu, munonjelaje ndoto yiyo ne nhunizo yayo.”

Danyeli 4:14

Yakalonga kwe 'zi yiwaha yakutya, ‘Wudumulenyi mubici wuwu, mugapilulangaje ne manhambi gayo, muhepe ne mahamha gayo gose, muyiyagaze ne mikalo yayo; muviwinje ne vilimu viwuce mu mubeho wayo, hamonga ne zindeje zono zili mu manhambi gayo.

Danyeli 5:11

Hambi mu wutemi wako, nha mo yuli munhu yunji, mono yali hamonga ne myuhe ye milungu yono yelile. Lono u sogo mutemi Nebukadineza yali yatemile, munhu yuyo yalajila yihala yiswanu lyo wutanje, no wizuce ne mahweso, nha vyono milungu yikuwa kulajilwa. Lulo mutemi Nebukadineza u sogo, yakamunoza yawe yo muwaha we watowa visangu wose, ne wahawi, hamonga ne walotezi, na we mahala go wizuce we zinyelezi.

Danyeli 5:15

We mahala ne wahawi wose wacemwa, ho wasome mandiko agano no kundoloseza nhunizo yayo, ninga hamba si wasuma kuyimanya nhunizo yayo.

Danyeli 5:16

Alu nahulika vyono agwe wukusuma kuzimanya zinghani zono hundikwe, sunga no kuzilolosa zifumbo. Alu, hono wusome mandiko aga, no kundoloseza nhunizo yayo, kovwalizwa myenda ye citemi-temi yono miswanu, ne kanzo ye liwala lyo lugandu, kanyhi kovwalizwa no luvumbe lwe lilumbo mu singo yako. Nagwe kowa yo we kadatu muli wono wena wulajilize mu wutemi.”

Danyeli 5:29

Lo lulo lulo Belishaza yakalajiliza wetumami wakwe, wamuvwalize Danyeli, kanzo ye citemi-temi ye liwala lyo lugandu, no kumuvwaliza mu singo luvumbe lwa zahabu lwe lilumbo. Yakamunoza yawe munhu we kadatu muli wono wena wulajilize wa mu wutemi wuwo.

Wuwale 22:17

Nane nokupela cihumbilizwa ciwaha muno, kanyhi nokunozeza cinhu co cose cono kosaka. Holeka dedede nghukunena, wuze wundijitile wanhu wawa.”

Wuwale 22:7

Nawo Wamowabi hamonga ne Wamidiyani, wakasoleleza hamonga ne malipo so gago malijito, wakawa kubita kuli Balamu, wakawa kumulonjela zose zono Balaki yawatumile kuli mwene.

Wuwale 24:11

Hodu lu wuwuce na baha, wuwuye kwenyu! Ane nali nehuwiza nha vyono nokupela cihumbilizwa, ninga alu Muwaha Mulungu yakwimila ho wulece kucituga.”

1 Samwili 17:25

akuno wakwilonjela weneco wose wakutya, “Ta mumuwonaje. Muhulice ta ne zinhovu zakwe! Ninga mutemi Sawuli yakondya kwihuwiza nha vyono komupela cipegwa ciwaha muno muno, u munhu mono komuwulaga munhu yuyu Goliyati. Kanyhi nha vyono mutemi komukombolela u mwanagwe we cicekulu vitole no munhu yuyo. Kanyhi nha vyono si kowadaya walipe kodi mhuga yose yo sogwe yo munhu yuyo.”