Danyeli 5:6 - Luganuzi Luswanu Kuli Wanhu Wose 2002

⁶ Hobaho wusu wakwe wukasininghala so woga, ne mafugamilo gakwe gakanza kucicima.

Danyeli 5:6 ပူးပေါင်းရင်းမြစ်များ

Zabuli 22:14

Ane namalika nhe malenga gono gamwajice, ne mafupa gangu gose gatenguka, ne nhumbula yangu yeza nha kotya nha yono yenjeduce.

Zabuli 69:23

Meso gawo gatukuwikwe ho walece kuwona, ne migongo yawo wuyitimvye.

Isaya 35:3

Muyipele vilungo miwoko yono yisoceye, hamonga ne mafugamilo gono gakucicima so wusocele.

Isaya 5:27

Na holowa hasina hamba monga mono kolokatala, hamba kwikobala. Hamba hasina mono kolosinzila hamba kugona nhongo. Hamba mono musipi wakwe wolohogoha, hamba cilatu cakwe kutaguka.

Yelemiya 50:43

Nayo u mutemi wa Babiloni yakuzihulika zizi, ne miwoko yakwe yafwa yitenene. Ne magayo, gakondya kumwibata, genha go wusungu wo mucekulu mono yali mu nghunga yo lusawo.

Ezekiyeli 21:7

Nawo kolo wakukuwuza wakutya, nhawule lu wukugula, nagwe wuwalonjele nha vyono, wukugula ku soko ye zinghani zono zikuza. Na kolo zinghani zizo zikuza, i zinhumbula zawo zolomema woga, ne miwoko yawo yolonyenyanjika, no wusugu wawo wose wolomalika, ne mafugamilo gawo golocicima. Ne lipango lilyo lyaza, lyakondya kufika.” Vyo yakutya Muwaha Mulungu.

Ezekiyeli 7:17

Ne miwoko yawo yose yolotimba, ne magulu gawo golocicima.

Danyeli 2:1

Ale, mu mwaka we kejete wono Nebukadineza yali yakali mu wutemi wakwe, yalota ndoto. Ndoto yiyo yikamupela mahwele mawaha. Na mwi'zuwa lilyo, hamba si yasuma no kugona nhongo yaye.

Danyeli 3:19

Baho Nebukadineza yakakolwa ne likuwo muno, no wusu wakwe wukakununghala, yakawakolelwa likuwo yiwaha Shedilaki, Meshaki na Abedinego. Hobaho yakawalajiliza wanhu wakwe wonjeleze zingwagu, moto wuwe mukali muno kali mupunghati, kuciza vyono wakaga vilo vyose.

Danyeli 4:19

Muli yiyo, Danyeli mono kanyhi yacemwaga Beliteshaza, yali yeza kuzihulika zizo, baho yakakangawala, yakanyamala cipango cidodo. Mutemi yakamulonjela yakamutya, “Beliteshaza, wulece kukangawala so ndoto yiyi hamonga ne nhunizo yayo.” Beliteshaza yakapitula yakamutya, “Gwe mutemi, ane nghwenda ndoto yiyi ne nhunizo yayo, yeze yili muli walugu wako yilece kuwa kuli'gwe.

Danyeli 4:5

Na lono nali ngonile, nghalota ndoto, na mumo mu ndoto yangu, nghawona wugubulilwe wo kogofya muno.

Danyeli 5:5

Lo lulo lulo muwoko wa munhu wukejela, wukanza kwandika mwi'jinji lye likaya lyo wutemi lyono lihiliwe swakala, hanhu hono zitala zamulikaga viswanu. Nayo mutemi yakawuwona muwoko wuwo lono wandikaga.

Danyeli 7:28

Awu wo mudumo we nghani yiyi. Ne nghani yiyi yikanyogofya muno, sunga no wusu wangu wukawa wusina nyemo. Ninga nghani yiyo, nghayiwika mu nhumbula yangu.

Nahumu 2:10

Ninawi yahodangwa nha vyono yali yinojeye, alu yekala nyhiwa. Ne zinhumbula ze wanhu wayo, zenjilwa no woga, ne mafugamilo gawo gakucicima, ne vilungo vyeza musina, no wusu wawo wawomba so woga.

Wahebelaniya 12:12

Holeka muyinulaje i miwoko yenyu yono yidejepe, no kugasikamya mafugamilo genyu gono gatimbile.