Danyeli 5:28 - Luganuzi Luswanu Kuli Wanhu Wose 2002

²⁸ PELESI, wo wutya, wutemi wako wagawanulwa wapegwa Wamedi ne Wapelisiya.”

Danyeli 5:28 ပူးပေါင်းရင်းမြစ်များ

2 Zinghomo 36:23

“Awu wo wulajilize wangu ane Koleshi, u mutemi wa Pelisiya. U Muwaha Mulungu, u Mulungu wa ku wulanga, kanoza niwe mutemi we yinze yose. Kanyhi yanghomboye nene nimuzenjele ne Nyumba yakwe ku Yelusalemi mu Yuda. Holeka aluno, anye wose mono muli wanhu wo Mulungu, mubite kuko ku Yelusalemi, nayo Muwaha Mulungu, u Mulungu wenyu, yawezane nanye.”

Isaya 13:17

Muwaha Mulungu yakutya, “Nawasagahiza likuwo Wamedi, wabite wakayihome Babiloni. Kanyhi wene hamba si wolosaka fweza hamba zahabu yaye.

Isaya 21:2

Ane niwuwona wugubulilwe we metumo go wukali, wugubulilwe wo wugaluci no wongomezwe. Lipuga lye wasilikale wa Elamu, likuhoma! Lipuga lye wasilikale wa Mediya, nalyo ligapilime makaya! Alu langa Mulungu kogawusiza lukulu magazo gono galetwa na Babiloni.

Isaya 47:11

Holeka ku soko yiyo, magazo gokuziza, no wuganga wako hamba si wosuma kugemila yaye. No wongomele wokuziza nhinicizo nawo wowa wongomele wono wukali hamba nawulota yaye!

Yelemiya 25:13

Noloyilipiciziza Babiloni mu magazo gose gono nagalonga katali, nha vyono nalonga na Yelemiya, nha vyono nologaleta magazo gago muli zinghungugo zose. Nha cinji, i magazo gose gono gandicigwe mu citabu cicino.

Yelemiya 51:28

Mugawikanize makungugo so wulugu, wayihome Babiloni. Mutume wanhu wabite wakawalonjele sunga ne watemi wa Mediya, hamonga ne walongola wawo, ne wetumami wawo, ne wanhu wose wa mu zi'si za mu wutemi wawo.

Danyeli 2:32

Mutwe wayo wali wa zahabu nengu, mhambaga yayo ne miwoko yayo yali ya fweza, ciwino ne vima hamonga ne 'nda yayo, vyali vya shaba.

Danyeli 2:39

Na mu nyuma yako, kolotema mutemi yunji, mono sikolowa ne lilumbo liwaha nha vyono winha 'gwe. Hanyuma kanyhi wolokuza wutemi we kadatu, wo wutemi we shaba, wono wolotema yinze yose.

Danyeli 5:31

Hobaho Daliyo u Mumedi yakawusola wutemi wuwo, nayo lizika lyakwe yali yaficile myaka makumi mutandatu na myejete.

Danyeli 6:28

Nayo Danyeli yakamoteswa muno, mu vilo vyo mutemi Daliyo na Kulo u Mupelisiya.

Danyeli 6:8

Holeka 'lu, 'gwe mutemi, wulavye lilajilizo lili, wuliwicile ne citanjilo ho liwe ne vilungo, lilece kukawanika, nha vyono winha wulajilize we Wamedi ne Wapelisiya wono si wukawanikaga.”

Danyeli 8:20

“Alu, yiyilya nduwilu ye mahembe mejete yono wuyiwene, yiyo, wo wutemi wo Wumedi na Pelisiya.

Danyeli 9:1

Na mu mwaka mulongozi wo wutemi wa Daliyo, u mutemi we Wababiloni, wo lulelo lwe Cimedi, u mwana wa Ahasuwelo.

Metumo ge Watumwa 2:9

Muli'se, wanji Wapaliti na Wamedi na Welamiti, na wanji wanya ku Mesopotamiya, ku Wuyahudi, na Kapadokiya, Ponto, na Asiya,