Danyeli 5:23 - Luganuzi Luswanu Kuli Wanhu Wose 2002

²³ Nagwe wetuma zono si zikumwendeza Muwaha Mulungu wa ku wulanga, hambi nha kuvisola vikombe hamonga ne zibakuli, vyono sogo yavisola mu Nyumba yo Mulungu. Hanyuma gwegwe ne wawaha, ne wagolece zako, hamonga ne wajitulwa wako, muwa kuvitumamila so wung'wela divayi, akuno mukuyikumya milungu yono minozwe ne zahabu, ne fweza, ne shaba hamonga ne cuma ne mabici ne mabwe, milungu yono siyihulikaga hamba kuwona yaye, yono siyimanyile hamba cinji co cose. Hamba si wusacile kumupela lilumbo ne cogopo u Mulungu mono yena no muhe wako mu mawoko gakwe, na mono kakulongozaga muli zose zono wukwituma.

Danyeli 5:23 ပူးပေါင်းရင်းမြစ်များ

Mwamulizo 14:19

yakamulugutiza Abulamu yakutya, “U Muwaha Mulungu, mono yawunoza wulanga ne yinze, yamulugutize Abulamu!

Mwamulizo 2:7

Baho u Mulungu, yakasola lilongo, yakamuwumba munhu, yakawa kumuputila u muhe wo wumi mu mhula, nayo munhu yuyo yakawa ciwumbwa cumi.

2 Watemi 14:10

Alu Amaziya, mwene wedunhumula, vyono wawona wawasuma Waedomu hongo. Ane nghuwona vyono ciba wulece kwikumya, wucehe du ha kaya yako. Alu 'gwe nhawule wukusaka wiyambuze bwete, sunga wuwaletele wanhu wako wongomele wuwaha?”

Jobu 12:10

Kanyhi na vyono Mulungu yo yebate wumi we viwumbwa vyose, no wumi we wanhu wose wuli mu miwoko yakwe.

Jobu 31:4

Mulungu yazimanyile zose zono nitumaga, no kuziwona nghanzo zangu.

Zabuli 104:29

Na hono wihundice hadodo vivi du, hodu vyene vyagaya, na hono wuviwusize muhe wavyo wo wumi, hodu vyofwa lwa kamonga, no kuwuya mu manghundi mono vyalawilila.

Zabuli 115:16

Wulanga wose, yo sawo yo Muwaha Mulungu, langa yinze, yakawapela wanhu.

Zabuli 139:3

Kanyhi wukondizye kumbona, lono nili mu mulimo, hamba hono nyhehile, wuyimanyile nyipiganza yangu yose.

Zabuli 146:4

Hambi nha kolo wakufwa, wakugawuyila manghundi, kanyhi na mwizuwa lilyo mahweso gawo gakwajilila.

Zimbazi 20:24

Muwaha Mulungu, yo yaciwicila zinzila zetu, alu nani kanyhi, mono kosuma kuyimanya, nzila yo wumi wakwe mweneco?

Isaya 13:11

Muwaha Mulungu yakutya, “Ane nololeta wongomele mono yinze, nolowalipiciza ne wanhu wabi wose, ku soko yo wubi wawo. Nolowanyetya wose i wewoni, nolowalipiciza wose i wedunhumuzi, ne wakali.

Isaya 14:13

Wukawa wina wuhile wo kubita kucanyha ku wulanga, wukaliwice ligoda lyako lyo wutemi mucanyha ye zinyelezi zono zili kucanyha muno muno. Nagwe wehwesaga nha vyono kolowa wutemile na mu matunda gono gali kusumuka kono milungu yikongholelaga.

Isaya 2:12

Na mwizuwa lilyo Muwaha Mulungu u Mudaha vyose, u Mulngu we Mihanga, kolowanyetya wose we vilungo, na wose i wewoni, hamonga ne wevuni wose.

Isaya 33:10

Muwaha Mulungu yakugalonjela makungugo gose yakutya, “Ale nokwituma, ho nilajile vyono ane nina vilungo.

Isaya 37:19

Wakayikongoga ne milungu yawo, yono na mbeka si yali milungu yaye, langa gali vihwani vye mabici masese na vye mabwe, yono minoze ne miwoko ye wanhu.

Isaya 37:23

Alu mwene, wukwihwesa nani lo, mono wali kumutovulanga no kumwizwajiza? Agwe mbeka wawula cogopo kuli'ne, ane no Mulungu mono nelile wa Isilayeli.

Isaya 42:5

Mulungu yawumba wulanga, yakawa kuwutandaza, yakawa kuyisikamya yinze na vyose vyono vili mumo. Nayo yo kawapelaga wehele wanhu wose. Ninga aluno Muwaha Mulungu yakumulonjela mwitumami wakwe yakutya,

Yelemiya 10:23

Gwe go Muwaha Mulungu, ane manyile nha vyono hasina munhu hamba yumonga yaye, mono kewumipilaga mweneco. Hamba hasina munhu mono kawibatilizaga wumi wakwe mweneco.

Yelemiya 48:26

U Muwaha Mulungu yakutya nhavi, “Ale, muying'wesaje Mowabu, ying'we yigale. Hambi nha yakondya kumbedegala 'ne, Holeka ku soko yiyo, Mowabu yokwigalagaza mu madeko gayo, ne wanhu woyisekanga muno.

Yelemiya 50:28

(Ne wanhu wono wakutiza kuko ku Babiloni, no kuza ku Yelusalemi, wawo wo walalonga zose, nha vyono u Muwaha Mulungu u Mulungu wetu yakwilipiciza cilipicizo ku soko ya zono Babiloni yetuma mu Nyumba yiyi yo Mulungu.)

Yelemiya 50:29

“Walonjele i wanhu wo wupinde, wewikanize, wayihome Babiloni. Muwategule wanhu wose wono wamanyile kuwitumamila wupinde ne zisonga. Mulipilime likaya, kanyhi mulanjilile, mulece kumuleceleza yunji wo wose yatije. Mulilipicize ku soko ya zose zono lyetuma. Kanyhi mulitendele nha vyono lyene lyawatendela wanji. Hambi nha lyazinozaga zizo zose ko widunhumuzi hali 'ne, ane mono nelile wa Isilayeli.

Ezekiyeli 28:17

Agwe wedunhumulilaga wuswanu wako, ne lilumbo lyako likakunoza witume nghani zo wulele. Holeka ku soko ya zizo, nane nokugwisa ho hasi, nghulece wuwe suguzi kuli watemi wanji.

Ezekiyeli 28:2

“Gwe go munhu, alu, wumulonjelaje u mutemi we yisi ya Tulo, zono ane no Muwaha Mulungu nghumulonjela nghutya nhavi, Alu nha vyono wukwikumya, no kwiwona mu nhumbula yako nha vyono agwe wuli mulungu. Nalu ti, vyono wukwiwona nha wuli mulungu, holeka wikaye mwi'goda lyo wutemi, mu ciligati ye lilenga. Heya, kosuma nhawule kwihwesa wuli mulungu, kumbe nagwe ho wuli munhu du, hamba si wuli mulungu yaye.

Ezekiyeli 28:5

Wukwihwesa kanyhi nha vyono so mahala gako, wanoza wusuluza no kwitujila cambuzi ciwaha muno. Wedunhumula muno so wugoli wako!

Ezekiyeli 31:10

“Alu ane no Muwaha Mulungu, nokulonjela zono zolowijelela u mubici wuwo wono wawiluka, wukafika ko ku mavunde. Vyono, mu nghango yono wacilaga kuwiluka, yo nghango kanyhi vyo wacilaga kwidunhumula so wutali wayo.

Danyeli 11:12

Nayo mutemi wa Misili kolokwidunhumula so wusume wakwe, hamonga no winji muno we wasilikale wa Siliya wono yawawulaje. Ninga hamba si kojendelela nhondo zose kuwa no wusume wuwo.

Danyeli 4:37

Nene Nebukadineza, nghumulumbiza no kumupela cogopo, hamonga no lukumyo, u mutemi wa ku wulanga. Hambi zose zono ketumaga, nha za mbeka, kanyhi ze ling'ani. Kanyhi yo kamunyetyaga munhu wo wose mono yakwikumya.”

Danyeli 8:11

Hamba nhavivyo, likamwavufya u Muwaha we lipuga lya ku wulanga, likemila sunga ne vilavywa vye makumbiko ge nhondo zose, vyono wamulavizyaga, likayihodanga ne Nyumba yo Mulungu.

Habakuki 2:4

‘I wabi wose si wokwikala womi yaye, langa we ling'ani, wo wokwikala womi, hambi nha wehuwilwa kuli Mulungu.’ ”

Metumo ge Watumwa 17:25

Hamba si ketumamilwaga ne miwoko ye wanhu, yawe nha yanjiye cinji, hambi mwene nha kawapelaga wose wumi, no wehele, na vyose.

1 Wakolinto 8:4

Holeka kuli i zindigwa zono zikumbiciywe vihwani, ase cimanyile, vyono vihwani si cinji mono yinze, ase cimanyile vyono u Mulungu yo yumonga du.

1 Timoteyo 3:6

Kanyhi u munhu mono yakali nakangala mu wihuwilo, yalece kunozwa kuwa mulongola mwi kanisa, ho yalece kumema wiwoni, no kuling'anizwa nha vyono Setani yakaling'anizwa.

Wahebelaniya 4:13

Kanyhi hasina hamba ciwumbwa co cose cono cihundice hali Mulungu, ninga vyose vili calinze ha meso gakwe. Na ase wose cololonga hali mwene ze metumo getu munhu na lwakwe.

Wugubule 9:20

I wanhu wanji wono wasigala, wono si wawulagwa no wongomezwe wuwo, nawo hamba si wanena, no kuvileka vinhu vyono wali wavinozize kwe miwoko yawo weneco, langa wakajendelela du kuhemba masetani, ne vihwani vye zahabu, na vye fweza, na vye shaba, na vye mabwe, na vye mabici, vinhu vyono sivikusuma hamba kuwona yaye, hamba kuhulika, hamba kujenda.

Walamuzi 16:23

Lulo watemi we Wafilisiti wakekonghola ho wasangalale no kumulavizya mulungu wawo Dagoni yikumbiko, wakemba lwimbo alu, wakutya, “mulungu wetu kacipele wasume kuli mulugu wetu Samusoni!”

1 Samwili 17:26

Dawudi yakawawuza i wanhu wono wali wemile behi nayo yakawatya, “Ati, u munhu mono komuwulaga u Mufilisiti yuyu, yawakomboze ne Waisilayeli mu wulawa mu cevu cici, kotuga cici? Hamba nhavivyo mwene yuyu yo nani mwene u Mufilisiti mono si yalame, mono yakuwatovulanga lipuga lye wasilikale wo Mulungu mumi?”

1 Samwili 17:36

Ane nakondya kugawulaga masimba sunga ne madubu, holeka nomunoza nhavivyo no Mufilisiti yuyu mono si yalame, mono yakulitovulanga lipuga lye wasilikale wo Mulungu mumi.