Danyeli 5:21 - Luganuzi Luswanu Kuli Wanhu Wose 2002

²¹ Yakawinjilizwa, no kuwuswa mu wikalana ne wanhu, ne mahweso gakwe gakehwana na ge malimu. Yakawa kwikalana ne zinyhenje, yakalya mahanze nhe zing'ombe, yakawa yakugona cipwi mwi'wagalila lya mwi'lolo, yasina na co kumugubika muwili wakwe, ho yalece kudodowekwa ne buhe. Sunga nhondo, yakamanya vyono mbeka u Mulungu Mono Yalawiliciye, yo yatemile wutemi wose mu wanhu, kanyhi yadahile kumupela wutemi munhu wo wose mono mwene yakumuhagula.

Danyeli 5:21 ပူးပေါင်းရင်းမြစ်များ

Jobu 39:5

“Nani mono yazipela zi nyhenje welecele wo kwidimya zili wene, hamba nani mono yaziwopolela, ziwe kuyumba-yumba mu mbago?

Ezekiyeli 17:24

Ne mibici yose ya mu yisi, yolomanya vyono, ane yo nene Muwaha Mulungu, mono niyidumulangaga mibici mitali, no kuyinoza mibici midodo yiwiluce yiwe mitali. Niyinyazaga mibici yono yidedewaye. No kuyinoza mibici mikavu, yidedewale. Ane yo nene u Muwaha Mulungu, mono nizilonjile zizi, nane nozifisiliza zizo zose, nozituma nha vyono nonjile.”

Danyeli 4:14

Yakalonga kwe 'zi yiwaha yakutya, ‘Wudumulenyi mubici wuwu, mugapilulangaje ne manhambi gayo, muhepe ne mahamha gayo gose, muyiyagaze ne mikalo yayo; muviwinje ne vilimu viwuce mu mubeho wayo, hamonga ne zindeje zono zili mu manhambi gayo.

Danyeli 4:17

Awu wali wo wulamuzi wa Malayika yulya mono yali yewikanize so suguzi. Holeka 'lu, wanhu wose wamanye vyono, u Mulungu Mono Yalawiliciye, yo yatemile mu wutemi wose wa mu wanhu, nayo kamupelaga mono mweneco yendile kumupela. Kanyhi kawapelaga wutemi sunga na wono wasoceye.’ ”

Danyeli 4:22

“Gwe mutemi, agwe yo gwegwe wo mubici wuwo mutali muno, kanyhi wuli vilungo. No wuwaha wako wuwiluce sunga ko ku wulanga, ne vilungo vyako vitandaye sunga mu yinze yose.

Danyeli 4:25

Kolowingwa mu wikalana ne wanhu wayago, kolokwikalana ne malimu. Nagwe kolowa kulya mahanze nhe zing'ombe, kanyhi kolowa kugona mwi'hala caka, kono wubuhe wono wukulawa ku wulanga, wowa kukugwila sunga yipulute myaka mupunghati. Baho nagwe ho kolomanyila vyono, u Mulungu Mono Yalawiliciye yo yatemile mu wutemi wose wa mu wanhu. Kanyhi na vyono yo yadahile kumupela wutemi munhu wo wose mono mwene komuhagula.

Danyeli 4:26

Na zono Malayika yateye, nha vyono lisina lilekwe mu muhangha. Nhunizo yayo yoyi. Agwe kolowa mutemi kanyhi, wulaza kuwa wakondya kumanya vyono mbeka Mulungu yo yayitemile yinze yose.

Danyeli 4:34

Mutemi yakatya, “Na lono myaka mupunghati yali yakondya kupuluta, nghenula meso gangu kucanyha, ne mahala gangu gakambuyila kanyhi, nghamulumba Mulungu Mono Yalawiliciye, nghamupela lilumbo no lukumyo mwene mono kekalaga cibitilila. “Mwene kolotema cibitilila. No wutemi wakwe hamba siwuladuma yaye.

Danyeli 4:35

Mono yakuwalanga wanhu wa mono yinze kotya si cinji, Wamalayika ku wulanga ne wanhu wose wa kono'nze, wali mu wutonji wakwe. Hamba hasina yunji mono kobena wulajilize wakwe hamba kuziwuza zono mwene ketumaga.

Danyeli 4:37

Nene Nebukadineza, nghumulumbiza no kumupela cogopo, hamonga no lukumyo, u mutemi wa ku wulanga. Hambi zose zono ketumaga, nha za mbeka, kanyhi ze ling'ani. Kanyhi yo kamunyetyaga munhu wo wose mono yakwikumya.”

Danyeli 5:18

U Mulungu Mono Yalawiliciye, yo yamunoza sogo Nebukadineza yawe mutemi muwaha. Yakamupela ne nhojo ne lilumbo.