Danyeli 5:20 - Luganuzi Luswanu Kuli Wanhu Wose 2002

²⁰ Ninga 'lu, vyono yalajila wivuni no wukali, hamonga no wu wula cihuliko, hodu yakawa kuwuswa mu wutemi, no kuwajiliza mukumbo wakwe wo wutemi, yakalyajiliza ne lilumbo lyakwe.

Danyeli 5:20 ပူးပေါင်းရင်းမြစ်များ

2 Watemi 17:14

Ninga wene hamba si wahulika yaye, wakawa wasina cihuliko nhe walezi wawo, wono wali si wakumwihuwila Muwaha Mulungu, u Mulungu wawo.

2 Zinghomo 32:25

Ninga mwene Hezekiya yakamema wikumyi mu nhumbula yakwe, hamba kulajila lilumbo kuli Muwaha Mulungu muli zose zono Mulungu yamutendeye. Na ku soko yiyo, Muwaha Mulungu yakamukolelwa likuwo, hamonga ne wanhu wa Yuda na Yelusalemi.

2 Zinghomo 36:13

Ninga Zedekiya yakamubeza mutemi Nebukadineza, hamba yiwe Nebukadineza yakajela kumudindimiza yelahize mwi'tagwa lyo Mulungu, nha vyono kowa yali cihuliko kuli mwene. Zedekiya yakawa yasina hamba cihuliko, hamba si yenda ho yanene, yamupitucile Muwaha Mulungu, u Mulungu we Waisilayeli.

Wutuluce 18:11

Alu nane namanya nha vyono, u Muwaha Mulungu, yo Yalawiliciye kuciza milungu yinji yose. Hambi nha yawakomboza Waisilayeli, mu miwoko ye Wamisili wono wali kuwatendela vibi.”

Wutuluce 9:17

Ninga sunga nalu agwe wukali du wusina cihuliko, hamba si wukusaka no kuwakombola wanhu wangu wabite ng'o.

Wutuluce 9:7

Nayo mutemi Falawo yakawuza ho yamanye zono ziweye, nayo yakalonjelwa nha vyono, hasina mutugo hamba monga we Waisilayeli wono wufwiye. Ninga hamba nhavivyo, Falawo yikacila kuwa yisina cihuliko, hamba si yawakombola wanhu wabite yaye.

Zimbazi 16:18

Wiwoni, wulongozaga ku wuhodanjice. Nawo widunhumuzi kwi'fwa.

Zimbazi 16:5

Ninga Muwaha Mulungu, si yendile wanhu wedunhumuzi yaye. Holeka si komuleka munhu we nhavivyo yalece kulipicizwa.

Isaya 47:1

Muwaha Mulungu yakutya nhavi, “Gwe Babiloni, alu wuwuce mwi'goda lyako lyo wutemi, wutime wikale hasi mu muhangha. Halulongozi wali winha muhinza muswanu likaya lyono silisumwaga. Ninga aluno hamba si kocemwa kanyhi mupolo hamba wo wulenzi! Aluno, wawa muwanda!

Yelemiya 13:18

U Muwaha Mulungu yakanonjela kanyhi yakatya, “Wubite wumulonjele mutemi, hamonga no nyina, wawuce mu magoda gawo go wutemi. Hambi i vipombelo viswanu mu mitwe yawo, nha vyakondya kuwopozwa mu mitwe yawo.

Yelemiya 19:15

nha vyono u Muwaha Mulungu, u Mulungu wa Isilayeli katya nhavi, “Alu nane noliletela likaya lili, wulipicizwe wuwaha muno, hamonga ne vikaya vye behi behi, u wulipicizwe wono nali nawulonga. Hambi anye, nha muli wawanji muno, musina cihuliko, hamba si mosuma yaye kuzihulika zono 'ne nghuzilonga.”

Yelemiya 48:18

Anye nanye mono mwikaye ku Diboni, ale mutime muwuce mu nhojo yenyu, mwikale hasi mu manghundi, hambi u muhodanji nha yakondya kuza nayo yakondya kugaleka magomawakali gako gamwaguce.

Ezekiyeli 30:6

Muwaha Mulungu yakutya, “I wanhu wose wono vilunzize ne yisi ya Misili, wono wakulawa ku Migidodi, ku lubavu lwa kusumuka, hamonga na wono wakulawa ku Aswani, ku lubavu lwa kutakama, wawo wose wolowulajilwa ku wulugu. Ne lipuga lye wasilikale lyono yisi ya Misili yilitumbiye muno, nalyo lyokongomezwa lyose. Vyo nghutya ane no Muwaha Mulungu.

Ezekiyeli 31:10

“Alu ane no Muwaha Mulungu, nokulonjela zono zolowijelela u mubici wuwo wono wawiluka, wukafika ko ku mavunde. Vyono, mu nghango yono wacilaga kuwiluka, yo nghango kanyhi vyo wacilaga kwidunhumula so wutali wayo.

Danyeli 11:36

“Nayo mutemi wa Siliya, kolokwituma nha vyono kolowa yendile mweneco. Kolokwidunhumula, no kwiwona vyono mwene yo yeza muwaha kuciza milungu yose, kanyhi yamucizize sunga no Mulungu Mono Yalawiliciye. Nayo kolosuma kuzinoza zizo, sunga lidaha lifice lyono Mulungu kolomulipiciziza. Nayo Mulungu kolokwituma nha vyono yakondya kuwaga.

Danyeli 4:26

Na zono Malayika yateye, nha vyono lisina lilekwe mu muhangha. Nhunizo yayo yoyi. Agwe kolowa mutemi kanyhi, wulaza kuwa wakondya kumanya vyono mbeka Mulungu yo yayitemile yinze yose.

Danyeli 4:28

Zizi zose zikamwijelela mutemi Nebukadineza.

Danyeli 4:37

Nene Nebukadineza, nghumulumbiza no kumupela cogopo, hamonga no lukumyo, u mutemi wa ku wulanga. Hambi zose zono ketumaga, nha za mbeka, kanyhi ze ling'ani. Kanyhi yo kamunyetyaga munhu wo wose mono yakwikumya.”

Danyeli 8:8

Nayo mvulati, yikedunhumula muno muno, na ku soko yo widunhumuzi wayo, lihembe lyayo likawa kubeneka.

Luka 18:14

Nghumutyenyi, yuyo mutoweza kodi, yawuya kwakwe kuno yakondizye kwilamula no Mulungu. Ninga ayulya u Mufalisayo, si nhavivyo. Hambi muli wose mono yakwikumya mweneco, nha konyetywa na mono yakwinyetya yo kokumywa.

Wahebelaniya 3:13

Ninga mweze kwiyilanjiza nhondo zose, lono hakali kutegwa, “I zuwali,” muyenyu yunji yalece kukamufywa no wukoci wo wubi no kuwa ne cibede.

1 Samwili 6:6

Alu nhawule mweza musina cihuliko, nha vyono yali yenha u mutemi Falawo wa Misili ne Wamisili, wono wali wasina cihuliko? Mukumbucile vyono Mulungu yawanoza, sunga nhondo, wakawa kuwakombola Waisilayeli wawuce mu Misili.