Danyeli 5:19 - Luganuzi Luswanu Kuli Wanhu Wose 2002

¹⁹ Nayo yali mogopwe ne wanhu wose we makungugo ne zimbeyu na we milonjele yose, wamogopaga muno muno no kucicima. Lono yasakaga kumuwulaga yunji, yamuwulagaga du. Na lono yasakaga kumuwopolela yunji yekale mumi, yamuwopolelaga du. Yawapelaga lilumbo wono yasakaga, na wono yasakaga kuwanyetye, yawanyetyaga.

Danyeli 5:19 ပူးပေါင်းရင်းမြစ်များ

2 Watemi 25:28

Yuyo Evilimelodaki, yakamutendela viswanu muno Yehoyakimu, yakamuwika mu mulimo we lilumbo yiwaha muno kuciza watemi wayagwe wose wono wali wafunjigwe hamonga nayo kuko ku Babiloni.

Zimbazi 16:14

No munhu we mahala, kajelaga muno kumusangalaza mutemi. Vyono hono mutemi yakolwe ne likuwo, ale, yunji kofwa.

Muganuzi 8:3

Wulece kuwuka musunho hali mutemi, hamba wulece kujendelela kwituma zono si zikwendeza, hambi mutemi, nha kanozaga nha vyono yendile mweneco.

Ezekiyeli 31:11

Holeka nane lu nawulema, nawuleka wusolwe no munhu muwaha wa muli we makungugo. Nayo kowulipiciza mubici wuwo mu nghango yo wubi wayo.

Danyeli 11:12

Nayo mutemi wa Misili kolokwidunhumula so wusume wakwe, hamonga no winji muno we wasilikale wa Siliya wono yawawulaje. Ninga hamba si kojendelela nhondo zose kuwa no wusume wuwo.

Danyeli 11:16

Nayo mutemi wa Siliya kolowatendela wanhu wa Misili, nha vyono kolowa yendile mweneco, na holowa hasina witazize. Kanyhi kolokwinjila mu yisi ye cilagane, no kuyitemela lukulu.

Danyeli 11:3

Hanyuma kanyhi, u mutemi we vilungo nayo kolokwinuka. Nayo kolotema kwe vilungo no kwituma nha vyono yakusaka mweneco.

Danyeli 11:36

“Nayo mutemi wa Siliya, kolokwituma nha vyono kolowa yendile mweneco. Kolokwidunhumula, no kwiwona vyono mwene yo yeza muwaha kuciza milungu yose, kanyhi yamucizize sunga no Mulungu Mono Yalawiliciye. Nayo kolosuma kuzinoza zizo, sunga lidaha lifice lyono Mulungu kolomulipiciziza. Nayo Mulungu kolokwituma nha vyono yakondya kuwaga.

Danyeli 3:29

Alu nane nghulajiliza vyono, munhu wo wose wa mu nghungugo yo yose, hamba wa mu lulelo lo lose, hamba wa mu milonjele yo yose, mono kolonga nghani yo yose yimbi kuli Mulungu wa Shedilaki na Meshaki na Abedinego, munhu yuyo kodumulwa vipiligwa piligwa, ne kaya yakwe yonozwa yiwe 'tongo. Ku soko nha kusina Mulungu yunji mono kosuma kuponya nhavivi.”

Danyeli 3:4

hobaho munya kulalika yakawalonjela wanhu kwe yizi 'waha yakatya, “Anye nyo wanhu we zinghungugo zose, na we zi ndelo zose, na we milonjele yose.

Danyeli 3:6

No munhu wo wose mono sikokwinama no kucihemba cihwani cico, munhu yuyo kogumilwa mwi'lambi lyo moto wono wukwaka muno muno.”

Danyeli 4:17

Awu wali wo wulamuzi wa Malayika yulya mono yali yewikanize so suguzi. Holeka 'lu, wanhu wose wamanye vyono, u Mulungu Mono Yalawiliciye, yo yatemile mu wutemi wose wa mu wanhu, nayo kamupelaga mono mweneco yendile kumupela. Kanyhi kawapelaga wutemi sunga na wono wasoceye.’ ”

Danyeli 4:19

Muli yiyo, Danyeli mono kanyhi yacemwaga Beliteshaza, yali yeza kuzihulika zizo, baho yakakangawala, yakanyamala cipango cidodo. Mutemi yakamulonjela yakamutya, “Beliteshaza, wulece kukangawala so ndoto yiyi hamonga ne nhunizo yayo.” Beliteshaza yakapitula yakamutya, “Gwe mutemi, ane nghwenda ndoto yiyi ne nhunizo yayo, yeze yili muli walugu wako yilece kuwa kuli'gwe.

Danyeli 4:22

“Gwe mutemi, agwe yo gwegwe wo mubici wuwo mutali muno, kanyhi wuli vilungo. No wuwaha wako wuwiluce sunga ko ku wulanga, ne vilungo vyako vitandaye sunga mu yinze yose.

Habakuki 2:5

Hamonga na zizo, divayi yajilizaga, no munhu mwidunhumuzi, si kekalaga vilo vinji. Mwene yewikanize kuwamela wanhu wanji nha vyono yinha yisi ye wafu. Holeka nayo si kegutaga yaye nha vyono linha lifwa, mwene kekongholelaga i makungugo gose, hamonga ne wanhu wose wawa nha sawo yakwe.

Yohana 19:11

Yesu yakamupitula yakatya, “Si wali wuwe no wulajilize wo wose kuli nene hamba hadodo, hono wali wulece kupegwa no Mulungu. Ku soko yiyo, yuyo mono yandavizye kuli gwegwe, kacila kuwa no wubi.”

Walumi 13:1

Yimunojeye munhu wo wose, yaweze ne cihuliko kuli walongola wono wena u wulajilize mu Selekali, hambi u wulajilize wose nha wulawaga kuli Mulungu, nawo iwalongola wono wena uwulajilize, wawicigwe no Mulungu.

Wugubule 5:9

Nawo wakemba u lwimbo aluno lupya. “Agwe yo gwegwe mono wunojeye wucisole citabu cico, no kubena vinamatizo vyayo. Vyono agwe wakondya kuwulagwa, wukamugulila Mulungu ne sakami yako, wose we zimbeyu zose, we zinonga zose, ne wanhu wose ne zinghungugo zose.