Danyeli 5:17 - Luganuzi Luswanu Kuli Wanhu Wose 2002

¹⁷ Danyeli yakapitula yakatya, “Gwe mutemi, vipegwa vyako wikalaje navyo du, hamba lunji wumupelaje munhu wo wose. Ninga ane, nokusomela bwete du mandiko gaga, no kukuloloseza ze nhunizo yayo, gwe go mutemi.

Danyeli 5:17 ပူးပေါင်းရင်းမြစ်များ

Mwamulizo 14:23

vyono sinosolela lukulu hamba luputi hamba musipi we cilatu, hamba cinhu cinji cako co cose, ho wulece kuza kuwona nha kotya ane ngolipa ku soko ye zisawo zako.

2 Watemi 3:13

Nayo Elisha yakamutya Yolamu u mutemi wa Isilayeli, “Wubite wukawawuze wawizi wono sogo Ahabu hamonga no nyina yako Yezebeli wawawuzaga.” Ninga Yolamu yakapitula yakatya, “Ng'o ye Elisha! Hambi Muwaha Mulungu nha kakondya kucitajila mu miwoko yo mutemi wa Mowabu.”

2 Watemi 5:16

Elisha yakamupitula yakamutya, “Nane nghukwilahiza kuli Muwaha Mulungu mumi, mono nghumwitumamila, nha vyono sinobocelela lukulu cihumbilizwa.” Nayo Naamani yakajela kumudindimiza Elisha ho yabocele, ninga hamba si yasuma yaye.

2 Watemi 5:26

Ninga Elisha yakamulonjela yakatya, “U muhe wangu wali wuli hamonga nagwe, na lono Naamani yali kutima mu mukukoteni wakwe yakukuhinjiliza, ane nghuwona. Ninga wumanye nha vyono, ali si yipango lyo kubocela mapesa, hamba vivwalo, hamba mizeyituni, hamba zabibu, hamba ngholo, hamba ng'ombe, hamba wetumami yaye!

Zabuli 119:46

Kanyhi nowanziza watemi ze malajilizo gako, hamba si nowona cevu yaye.

Danyeli 2:6

Ninga hono munonjele yiyo ndoto yangu, hamonga ne nhunizo yayo, nane nomupelenyi vihumbilizwa viwaha, hamonga ne lilumbo yiwaha. Holeka lu, munonjelaje ndoto yiyo ne nhunizo yayo.”

Danyeli 5:29

Lo lulo lulo Belishaza yakalajiliza wetumami wakwe, wamuvwalize Danyeli, kanzo ye citemi-temi ye liwala lyo lugandu, no kumuvwaliza mu singo luvumbe lwa zahabu lwe lilumbo. Yakamunoza yawe munhu we kadatu muli wono wena wulajilize wa mu wutemi wuwo.

Metumo ge Watumwa 8:20

Ninga Petelo yakamutya, “Mwajililane kuko hamonga ne mapesa gako, vyono wukwihwesa kosuma kugula i cipegwa co Mulungu na sawo.