Danyeli 5:13 - Luganuzi Luswanu Kuli Wanhu Wose 2002

¹³ Lo lulo lulo Danyeli yakaletwa ha mwande yo Mutemi, nayo mutemi yakamutya, “Yo gwegwe Danyeli, ayulya Muyahudi muhamywa, mono waletwa na baba ku wulawilila ku yisi ya Yuda lono baba yali mutemi?

Danyeli 5:13 ပူးပေါင်းရင်းမြစ်များ

Ezila 10:16

Ninga wono wali wali ku wuhamywe wono wawuya, wakalibocela lihweso lilyo. Hobaho Ezila u mukohani yakawahagula walongola, wa mu zindelo zose, yakawandika matagwa gawo. Na mwi'zuwa lilongozi lya mu mwezi we likumi, wakawa kwanza kuzityatilila no kuzilanga zinghani zizo.

Ezila 10:7

Nghani yiyi yikatandazwa hanhu hose, mu Yelusalemi na mu Yuda, vyono wose wono wawuya ku wulawa ku wuhamywe, yiwanojeye wekongholele ku Yelusalemi.

Ezila 4:1

I walugu wa Yuda na Benyamini, wali weza kuhulika vyono awalya wono wawuya ku Yelusalemi ku wulawilila ku wuhamywe, wakuyizenga kanyhi ha Yelusalemi Nyumba yo Muwaha Mulungu, u Mulungu we Waisilayeli.

Ezila 6:16

Hobaho i Waisilayeli, hamonga ne Wakohani, ne Walawi, na wose wono wawuya ku wulawilila ku wuhamywe, wakayisiwanula Nyumba yo Mulungu na nyemo mbaha muno.

Danyeli 1:1

Ale, mu mwaka we kadatu, wa mu wuteme wakwe Yehoyakimu mu yisi ya Yuda. Mutemi Nebukadineza wa ku Babiloni yakalipilima likaya lya Yelusalemi no kulihoma.

Danyeli 1:2

Muwaha Mulungu yakamutajila Yehoyakimu mu miwoko ya Nebukadineza, hamonga ne viya vinji vya mu Nyumba yo Mulungu. U mutemi Nebukadineza yakawasola wafungwa hamonga ne viya yakawa kuvitegula ku Babiloni, yono hanji yacemwaga shinali, yakaviwika mu vinyumba vye viwutwa vya mu nyumba ye milungu yakwe.

Danyeli 1:21

Danyeli yakajendelela kuwa kuko, sunga lono Kulo u mutemi wa Pelisiya yayihomela Babiloni no kuyisuma.

Danyeli 1:6

Na muli wawo wono wahagulwa, yali Danyeli, Hananiya, Mishayeli na Azaliya. Na wose wawa, wali wo mulango wa Yuda.

Danyeli 2:25

Lo lulo lulo Aliyoki yakamusola Danyeli, no kumutegula ha mwande yo mutemi Nebukadineza. Yakamulonjela mutemi yakatya, “Nghondya kumutuga yumonga wa muli Wayahudi i wahamywa, mono kosuma kukuloloseza Gwe mutemi i nhunizo ye ndoto yako.”

Danyeli 2:48

Hobaho yakamuwika Danyeli yawe muwaha mwi'tumbi lya Babiloni, no kumuhumbiliza vipegwa viswanu. Kanyhi yakamuwika yawe yo muwaha muli we mahala wa mu wutemi wakwe.

Danyeli 5:11

Hambi mu wutemi wako, nha mo yuli munhu yunji, mono yali hamonga ne myuhe ye milungu yono yelile. Lono u sogo mutemi Nebukadineza yali yatemile, munhu yuyo yalajila yihala yiswanu lyo wutanje, no wizuce ne mahweso, nha vyono milungu yikuwa kulajilwa. Lulo mutemi Nebukadineza u sogo, yakamunoza yawe yo muwaha we watowa visangu wose, ne wahawi, hamonga ne walotezi, na we mahala go wizuce we zinyelezi.

Danyeli 5:14

Nahulika vyono muhe we milungu yono yelile yili muli'gwe. Na vyono agwe wina wumanye no wizuce ne mahala.

Danyeli 5:18

U Mulungu Mono Yalawiliciye, yo yamunoza sogo Nebukadineza yawe mutemi muwaha. Yakamupela ne nhojo ne lilumbo.

Danyeli 5:2

Na lono wajendelelaga kung'wa, Belishaza yakalajiliza viletwe vikombe vya zahabu, na vye fweza, hamonga ne zibakuli, vyono u sogwe Nebukadineza yavisola wulawa mu Nyumba yo Mulungu ku Yelusalemi. Mutemi Belishaza, yakavisaka ho vize waving'wele divayi, mwene ne wawaha wose ne wagolece zakwe, hamonga ne wajitulwa wakwe.

Danyeli 6:13

Hobaho wakamulonjela mutemi wakamutya, “Danyeli yumonga wa muli wahamywa ku wulawilila Yuda, hamba si yakuwukumya wuwaha wako, hamba kuwibata no wulajilize wono walavya. Mwene kamuhembaga du Mulungu wakwe, nghanghulo yidatu nhondo zose.”

Danyeli 8:1

Na mu mwaka we kadatu wo wutemi wa Belishaza, nghawona wugubulilwe wunji kanyhi.

Danyeli 8:27

Nane Danyeli, nghakalala muno so zizo, nghatamwa no kutamwa vilo vinji muno. Nali neza kutuga ciba, nhondo ho nghawa kubita kuwituma mulimo wangu wono mutemi yali yamhelile niwe kuwituma. Ninga hamba nhavivyo, nghawizina muno wugubulilwe wuwo, nane si nasuma hamba kuwizuka yaye.

Yohana 7:1

Hanyuma ya zizi, Yesu yajendaga mu Galilaya, hamba si yendaga kujenda mu Yudiya, vyono i walongola we Wayahudi wahilaga kumuwulaga.

Yohana 7:3

Baho i wanduguze wakamutya, “Wuwuce bahano wubite ku Yudiya, iwejizwa wako ho wayiwone i milimo yono kwitumaga.