Danyeli 5:12 - Luganuzi Luswanu Kuli Wanhu Wose 2002

¹² Mbeka yena wizuce no wumanye mu wulolosa zinhunizo ze zindoto, no kuzilolosa zinghani ze mafumbo, hamonga ne zinghani zose zono hundikwe. Holeka wutume yunji yakamulete Danyeli mono mutemi yamupela litagwa lya Beliteshaza, nayo kosuma kukulonjela nhunizo ya zizo zose.”

Danyeli 5:12 ပူးပေါင်းရင်းမြစ်များ

Zabuli 16:3

Kuli ze milungu yo wulambi yono yili mononze, ane nehwesaga vyono yili vilungo!

Zimbazi 12:26

U munhu we ling'ani, yo kawezaga mutonji wo muyagwe. Ninga zinzila zo munhu mubi, ziwatongaga ku wajilile.

Zimbazi 17:27

No munhu mono kewonaga yali mu mbeka, si kalonganjikaga nghani nyinji yaye mapango gose. Ne wanhu wono wendile kwikala no mulamu, wena wizuce we mbeka.

Ezekiyeli 28:3

Kanyhi agwe, wukwihwesa nha vyono wina mahala menji si nha Danyeli, na vyono hasina nghani yo yose ye cinyele, yono yowa hundikwe hali'gwe.

Danyeli 1:17

Mulungu yakawapela wawo wazelelo wane wizuce wuwaha, hamonga no wumanya mahala, na mu wumanya kusoma no kwandika. Hamonga na zizo, Danyeli yakapegwa wizuce wo kulolosa zinhunizo ze zindoto no wugubulilwe we hayo hayo.

Danyeli 1:7

Baho u mulongola muwaha yakawacemela matagwa mapya. Danyeli yakamucemela lya Beliteshaza, Hananiya yakamucemela lya Shedilaki, Mishayeli yakamucemela lya Meshaki na Azaliya yakamucemela lya Abedinego.

Danyeli 2:26

Mutemi yakamutya Danyeli (Mono yacemwaga Beliteshaza). “Wudahile kunonjela ndoto yangu hamonga ne nhunizo yayo?”

Danyeli 4:19

Muli yiyo, Danyeli mono kanyhi yacemwaga Beliteshaza, yali yeza kuzihulika zizo, baho yakakangawala, yakanyamala cipango cidodo. Mutemi yakamulonjela yakamutya, “Beliteshaza, wulece kukangawala so ndoto yiyi hamonga ne nhunizo yayo.” Beliteshaza yakapitula yakamutya, “Gwe mutemi, ane nghwenda ndoto yiyi ne nhunizo yayo, yeze yili muli walugu wako yilece kuwa kuli'gwe.

Danyeli 4:8

Lulo lulo Danyeli yakawa kuza, (mono yakucemwa Beliteshaza, litagwa lyo mulungu wangu.) Kanyhi muli mwene wikaye muhe we milungu yono yelile. Nane hobaho nghamuloloseza ze ndoto yangu yono nghalota. Nghamutya,

Danyeli 5:14

Nahulika vyono muhe we milungu yono yelile yili muli'gwe. Na vyono agwe wina wumanye no wizuce ne mahala.

Danyeli 5:16

Alu nahulika vyono agwe wukusuma kuzimanya zinghani zono hundikwe, sunga no kuzilolosa zifumbo. Alu, hono wusome mandiko aga, no kundoloseza nhunizo yayo, kovwalizwa myenda ye citemi-temi yono miswanu, ne kanzo ye liwala lyo lugandu, kanyhi kovwalizwa no luvumbe lwe lilumbo mu singo yako. Nagwe kowa yo we kadatu muli wono wena wulajilize mu wutemi.”

Danyeli 6:3

Danyeli yakalajila witumami wuswanu kuciza wawaha wayagwe, hamonga ne walongola. Na vyono yalajila milimo miswanu kuciza wayagwe, ku soko yiyo, mutemi yakawona viswanu yamunoze yawe yo muwaha mu wutemi wakwe wose.

Danyeli 6:4

Hobaho i walongola, hamonga ne wawaha, wakalondola nzila yo kuluhodanga lukumyo lwa Danyeli mu mulimo wakwe. Ninga si wasuma, hambi Danyeli nha yali mwihuwilwa, kanyhi siyetumaga nghani 'mbi hamba yisutya lyo lyose.

Wakolosayi 1:29

Holeka ku soko yiyo, ane nghwituma mulimo akuno hidimbaye mu vilungo vya Kilisito vyono vikwituma muli nene.