Danyeli 4:4 - Luganuzi Luswanu Kuli Wanhu Wose 2002

⁴ Nene, Mutemi Nebukadineza nali nyhehile mu kaya yangu, nhulile mwi'kulu lyangu.

Danyeli 4:4 ပူးပေါင်းရင်းမြစ်များ

Isaya 56:12

Nawo mu wung'wela wawo wo wujimbi wakutya, ‘Nye, lecenyi ta wayangu, ciwung'we wujimbi zuwali nha vyono cosuma! Holeka mitondo kolo wela, lyowa lizuwa yiswanu si nhe zuwali.’ ”

Yelemiya 48:11

U Muwaha Mulungu yakatya, “Mowabu kekalaga yacehile du nhondo zose. Yakali si nasolwa hamba kamonga yategulwe ku wuhamywe. Mowabu yehwanile ne divayi yono yisunjile, yono yikali nayidwa mu wulawa mu ciya aci, yitajilwe kanyhi mu ciya cinji. Holeka ne ndaso yakwe, yikali nahodanjika, hamba mhunjile yakwe kukawanika yaye.

Ezekiyeli 28:17

Agwe wedunhumulilaga wuswanu wako, ne lilumbo lyako likakunoza witume nghani zo wulele. Holeka ku soko ya zizo, nane nokugwisa ho hasi, nghulece wuwe suguzi kuli watemi wanji.

Ezekiyeli 29:3

Wumulonjele nha vyono u Muwaha Mulungu yakumulonjela zizi u mutemi we yisi ya Misili, yakutya, ‘Ane nili mulugu wako, agwe go lizoka liwaha, mono wugonile mugati ye likolongo. Mono wukwiyitya nha vyono likolongo lya Nile lyako, na vyono ati yo gwegwe mono walinoza.

Danyeli 2:11

Holeka cono wukuwuza Gwe mutemi, co cinhu cikamu muno muno, cono hasina munhu mono kosuma kukunozeza, langa milungu du, nayo lu, ho siyikalaga muli wanhu.”

Danyeli 4:19

Muli yiyo, Danyeli mono kanyhi yacemwaga Beliteshaza, yali yeza kuzihulika zizo, baho yakakangawala, yakanyamala cipango cidodo. Mutemi yakamulonjela yakamutya, “Beliteshaza, wulece kukangawala so ndoto yiyi hamonga ne nhunizo yayo.” Beliteshaza yakapitula yakamutya, “Gwe mutemi, ane nghwenda ndoto yiyi ne nhunizo yayo, yeze yili muli walugu wako yilece kuwa kuli'gwe.

Danyeli 5:8

Baho wanhu we mahala wa mwi'kulu wo walongola, ninga hasina hamba yumonga muli wene, mono yasuma kugasoma mandiko gago, hamba kuyilolosa nhunizo yayo.

Zefaniya 1:12

“Mu cipango cico nolosola tala niyimulice Yelusalemi, niyiwone vyono yinha. Kanyhi nolowapezya iwanhu wewoni, wono weyitumbilaga weneco, wono wakwiyitya, ‘U Muwaha Mulungu, si konoza ziswanu hamba si konoza zimbi.’