Danyeli 4:37 - Luganuzi Luswanu Kuli Wanhu Wose 2002

³⁷ Nene Nebukadineza, nghumulumbiza no kumupela cogopo, hamonga no lukumyo, u mutemi wa ku wulanga. Hambi zose zono ketumaga, nha za mbeka, kanyhi ze ling'ani. Kanyhi yo kamunyetyaga munhu wo wose mono yakwikumya.”

Danyeli 4:37 ပူးပေါင်းရင်းမြစ်များ

2 Zinghomo 33:19

Na vyono mutemi yalomba, na vyono Mulungu yakamupitula, hamonga du no wubi wono Manase yetuma, lono yali yakali si nanena, hamonga ne zimbi zose zono yetuma, ze hanhu ho wuhembelo we wanhu wono si wamumanyile Mulungu, ne vihwani vyo mulungu we cicekulu Ashela, vyono yasesa, hamonga ne vihwani viseswe, vyono yavihemba, lanje, zose zizo zandicigwe mu citabu ce zinghomo ze wawizi.

Esita 6:10

Lulo lulo mutemi yakamutya Hamani, “Ale mbela, wusole vivwalo vyo wutemi, hamonga ne Fwalasi, wukamupele Moledekayi u Muyahudi lilumbo lilyo. Wumunozeze zose zono wulonjile, yilece kucepuka hamba nghani monga. Komwagana mwene yali ahalya ha mulango we likaya.”

Zabuli 119:75

Nane manyile vyono wuling'anize wako, wo we ling'ani 'gwe go Muwaha Mulungu, na vyono kanyhi kundipiciza, vyono 'gwe wuli mwihuwilwa.

Zabuli 99:4

Gwe go mutemi mono wulawiliciye, go mwenda wiling'ano! Kuwukangaza wiling'ano muli Isilayeli, kuleta wiling'ano ne ling'ani.

Wutuluce 18:11

Alu nane namanya nha vyono, u Muwaha Mulungu, yo Yalawiliciye kuciza milungu yinji yose. Hambi nha yawakomboza Waisilayeli, mu miwoko ye Wamisili wono wali kuwatendela vibi.”

Wutuluce 8:4

Kanyhi gokutambala sunga na mu muwili wako gwegwe, ne wanhu wako, sunga ne wetumami wako wose.’ ”

Isaya 23:9

Ninga wumanye, vyono yo Muwaha Mulungu du we mihanga, yo yaziwika zizi. Yaziwika ho yawawusize lukulu cibede cawo wanhu wa Tulo, cibede cono cali ciwatumvizye, kanyhi ho yawanyetye ne wanhu wawo we lilumbo.

Isaya 5:16

Ninga Muwaha Mulungu, u Mudaha vyose; u Mulungu we mihanga kokumywa hambi nha kawulajilaga wuwaha wakwe, muli ze ling'ani zono ketumaga, kanyhi kegubulaga zo wele wakwe, mu nzila yo kuwaling'aniza wanhu wakwe.

Yelemiya 50:29

“Walonjele i wanhu wo wupinde, wewikanize, wayihome Babiloni. Muwategule wanhu wose wono wamanyile kuwitumamila wupinde ne zisonga. Mulipilime likaya, kanyhi mulanjilile, mulece kumuleceleza yunji wo wose yatije. Mulilipicize ku soko ya zose zono lyetuma. Kanyhi mulitendele nha vyono lyene lyawatendela wanji. Hambi nha lyazinozaga zizo zose ko widunhumuzi hali 'ne, ane mono nelile wa Isilayeli.

Ezekiyeli 16:56

Ninga wule, agwe Yelusalemi, si wayisekaga Sodoma mu vilo vivilya, lono wali wukali mu wiwoni wako,

Ezekiyeli 16:63

Nane baho, ho nolomunenelenyi i masutya genyu gose gono mwetuma. Ninga anye molowa mugakumbuciye no kukolwa cevu, hamba no kulonga cinji kanyhi.” Vyo yakutya u Muwaha Mulungu.

Danyeli 4:26

Na zono Malayika yateye, nha vyono lisina lilekwe mu muhangha. Nhunizo yayo yoyi. Agwe kolowa mutemi kanyhi, wulaza kuwa wakondya kumanya vyono mbeka Mulungu yo yayitemile yinze yose.

Danyeli 4:3

Vitanjilo vyakwe nha viwaha, vyono Mulungu mumi yakucilajila! Ne mezino ge vilungo nha mawaha gono yakwituma. Mulungu yo Mutemi cibitilila, kanyhi yo kolotema mu zindelo zose.”

Danyeli 4:34

Mutemi yakatya, “Na lono myaka mupunghati yali yakondya kupuluta, nghenula meso gangu kucanyha, ne mahala gangu gakambuyila kanyhi, nghamulumba Mulungu Mono Yalawiliciye, nghamupela lilumbo no lukumyo mwene mono kekalaga cibitilila. “Mwene kolotema cibitilila. No wutemi wakwe hamba siwuladuma yaye.

Danyeli 5:4

akuno wakuyilumba milungu yono yali minozwe ne zahabu, ne fweza, ne shaba, ne cuma, ne mabici ne mabwe.

Matayo 11:25

Mwipango lilyo Yesu yakatya, “Nghukulumba 'gwe Baba, go Muwaha wo wulanga ne yinze, hambi nha kuwahundika we mahala i zinghani zizi, langa wukawagubulila i wana wadodo.

Metumo ge Watumwa 17:24

U Mulungu mono yawumba yinze, na vyose vyono vili mumo, yo Muwaha wo wulanga ne yinze, si kekalaga mu nyumba zo Mulungu zono zinozwaga ne miwoko ye wanhu.

Wukumbucize wo Wulajilize 32:4

“Muwaha Mulungu yo mukamisi wenyu mono yali vilungo, mono si kasinjisikaga, kanyhi yali ling'ani muli zakwe zose. Mulungu wenyu mwihuwilwa kanyhi yo we mbeka.

Wugubule 15:3

Nawo wembaga u lwimbo lwa Musa u mwitumami wo Mulungu, no lwimbo lo Mwana we ngholo, wakutya, “Muwaha Mulungu, u Mudaha vyose i metumo gako ga wizine muno muno! Gwe go Mutemi we makungugo, zinzila zako zo zo wiling'ano kanyhi za mbeka!

Wugubule 16:7

Hanyuma nghahulika lizi kulawa mu cikumbicilo, likutya, “Heya go Mulungu u Mudaha vyose, i ning'aniza yako yo ye mbeka kanyhi ye ling'ani.”

1 Samwili 2:3

Mulecele lukulu wulonji wenyu wo wiwoni, munyamalile lukulu ne zinghani zenyu zo widunhumuzi, Hambi u Muwaha Mulungu, nha yo Mulungu mono yazimanyile zose, Nayo kaling'anizizaga muli zono wanhu wakwituma.