Danyeli 4:35 - Luganuzi Luswanu Kuli Wanhu Wose 2002

³⁵ Mono yakuwalanga wanhu wa mono yinze kotya si cinji, Wamalayika ku wulanga ne wanhu wose wa kono'nze, wali mu wutonji wakwe. Hamba hasina yunji mono kobena wulajilize wakwe hamba kuziwuza zono mwene ketumaga.

Danyeli 4:35 ပူးပေါင်းရင်းမြစ်များ

Jobu 23:13

Mwene si kapitukaga yaye, hamba hasina mono komwimila, ho yalece kwituma nha vyono yendile mwene.

Jobu 34:29

Na hono Mulungu yawe si yakusaka kwituma nghani yinji, alo nani mono kosuma kumuhosa. Na hono yawuhundice wusu wakwe, wanhu wowula wutazi.

Jobu 40:2

“Agwe Jobu wukwisumaniza no Mulungu mono yali vilungo alu wule, kozileka zizo zo wisumanizi wako, hamba komhitula?

Jobu 42:2

Gwe go Muwaha Mulungu, ane manyile vyono yo gwegwe du mono wuli vilungo, na kanyhi vyono wudahile kwituma nghani yo yose nha vyono wendile gwegwe du.

Jobu 9:4

Hambi Mulungu nha yo we mahala gose kanyhi yali vilungo, hasina munhu hamba monga, mono kosuma kwima ho visumanize nayo.

Zabuli 115:3

Mulungu wetu'se, yali ku wulanga, nayo mwene ketumaga zose, nha vyono yendile mweneco.

Zabuli 135:6

Mwene Muwaha Mulungu wetu, kanozaga nha vyono yendile mweneco, ku wulanga, hamba mono'nze, hamba mwi'lenga, sunga na mu visolo vyayo.

Zabuli 33:14

Nayo, ku wulawilila mwigoda lyakwe lyo wuwaha, yakuwalanga no kuwawona wanhu wose wono wekaye mononze.

Zabuli 39:5

Kumbe wunjelanizize vilo vicefu muno vyo wikale! No wumi wangu kumbe yo nghani ya bwete du hali'gwe, kumbe, mbeka, wanhu wose wehwanile cihumbi ce mbeho du.

Zabuli 49:1

Hulicizenyi zizi, anye nyo wanhu wose! Tejenyi makutu genyu, anye wose mono mwikaye mono'nze,

Zimbazi 21:30

I mahala go munhu, hamba lukumyo, hamba wizuce, si vyosuma kukutaza cinji, hono Muwaha Mulungu yo yalece kuwa hamonga nagwe.

Muganuzi 8:4

Nalyo lilajilizo lyo mutemi, nha yo nghani ye ndumilizo, nani kanyhi 'mbi mono kosuma kumuwuza yawe kutya, alu wukunoza nhawule.

Isaya 19:17

Nawo wanhu wa Misili, Yuda yowa kuwogofya muno muno mu mapango gose, kolo wakukumbucizwa zo wulipicizwe, wono Muwaha Mulungu we Mihanga yawawikanizize.

Isaya 26:9

Nane nikalaga nghukwihwesa gwegwe du cilo cose kwe nhumbula yangu yose, nagwe kolo wukuyiling'aniza yinze hamonga ne wanhu wayo, baho ho wolomanyila ze ling'ani yako vyono yinha.

Isaya 43:13

Ane nili Mulungu, na nojendelela vilo vyose kuwa yo nene du Mulungu. Na hasina munhu wo wose mono kokwiponya mu vilungo vyangu. Kanyhi hasina munhu wo wose mono kosuma kuzikawaniza zono nitumaga.”

Danyeli 6:27

Mwene kaponyaga no kudima, ketumaga mapoto no wizine ku wulanga na kono'nze. Kamuponya Danyeli, yalece kuwulagwa ne zisimba.”

Yona 1:14

Baho wakamulomba Muwaha Mulungu wakatya, “Gwe Muwaha Mulungu cikukulomba, wulece kuciwulaga ku soko yo munhu ayu Yona, mono ceza kumuwulaga! Hambi 'gwe Muwaha Mulungu nha kunozaga nha vyono gwegwe wendile, na vyose nha vyako.”

Metumo ge Watumwa 11:17

Alu hono Mulungu yawapela nhavivyo i wanhu wono si Wayahudi icipegwa ci cilya cono yacipela nase, lono camwihuwilila u Muwaha Yesu Kilisito, alu ane waco nili nani 'mbi, ho sume kumwimila Mulungu?”

Metumo ge Watumwa 4:28

Heya, wetang'anila ho wanoze zizilya, zono wetemezezya no kuziwikaniza kwe vilungo vyako, na ko wendo wako, ku wulawa mwamulizo.

Metumo ge Watumwa 5:39

Ninga hono wuwe wo Mulungu, si mosuma kuwemila ye, yilece kuwa na lunji muwe nha mukwihoma no Mulungu.” Wakawa kwilumbaniza nayo.

Metumo ge Watumwa 9:5

Nayo Sawulo yakawuza, yakatya “Gwegwe nani Muwaha?” Nalyo lizi lililya likapitula, “Yo nene Yesu mono wukungaza.

1 Wakolinto 10:22

Hamba cikuhila kumunoza u Muwaha yawone wivu? Hongo mukwihwesa ase cili vilungo si nho mwene?

1 Wakolinto 2:16

Nago i Mandiko Gono Gelile gakutya, “Yo nani mbi mono kosuma kugamanya i mahala go Muwaha? Yo nani 'mbi mono kosuma kumulanjiza?” Ninga ase, cina i lihala lya Kilisito.

Waefeso 1:11

Ivinhu vyose vinozezwaga mu wuhile no wulamuzi wo Mulungu, nayo u Mulungu yakacihagula ase, ho ciwe wanhu wakwe mu wendo wakwe, so wilunze wetu na Kilisito, ku soko yo wutemye wakwe wo wulawa mwamulizo.

Yoshuwa 2:2

Nayo mutemi wa Yeliko yakahulika vyono Waisilayeli wanji waza baho cinyele mu cilo cico, ho wayitandile yisi.

1 Samwili 3:18

Ale, Samwili yakawa kumuloloseza zose, si yamuhundika nghani hamba monga yaye. Eli nayo yakamupitula yakamutya, “Hambi nha yo Muwaha Mulungu, holeka kosuma kwituma nghani yo yose yono mweneco koyiwona swanu.”