Danyeli 4:34 - Luganuzi Luswanu Kuli Wanhu Wose 2002

³⁴ Mutemi yakatya, “Na lono myaka mupunghati yali yakondya kupuluta, nghenula meso gangu kucanyha, ne mahala gangu gakambuyila kanyhi, nghamulumba Mulungu Mono Yalawiliciye, nghamupela lilumbo no lukumyo mwene mono kekalaga cibitilila. “Mwene kolotema cibitilila. No wutemi wakwe hamba siwuladuma yaye.

Danyeli 4:34 ပူးပေါင်းရင်းမြစ်များ

2 Samwili 22:31

Nzila zo Mulungu, za mugoloka ne zinghani zakwe za mbeka. Mwene wo wutazi kuli wono wakutiziza kuli mwene.

1 Zinghomo 29:10

Mutemi Dawudi yakawa kumukumya Muwaha Mulungu ha mwande ye wanhu wose wono wali wehangulize baho, yakatya, “Gwe go Muwaha Mulungu, wo mulezi wetu Yakobo, Agwe yo gwegwe mono wunojeye lukumyo cibitilila ne cibitilila!

1 Zinghomo 29:13

Holeka alu Gwe go Muwaha Mulungu, cikukulumba kanyhi cikulilumba litagwa lyako lyono lyelile.

Jobu 1:21

Yakawa kutya, “Ane nalelwa sina cinji, kanyhi nolofwa sina cinji. Muwaha Mulungu yo yalavya, kanyhi Muwaha Mulungu yo yawusize, Litagwa lyo Muwaha Mulungu lilumbwe!”

Zabuli 10:16

Nayo Muwaha Mulungu, yo mutemi, cibitilila ne cibitilila! Ne makungugo gono si gamumanyile mwene, gokwajililila lukulu, hamba kwijela kanyhi mu yisi yakwe.

Zabuli 102:24

Gwe go Mulungu wangu, wulece kusola lulu lono nghali muzelelo. Gwe go Mulungu, yo gwegwe, mono kwikalaga cibitilila,

Zabuli 107:15

Holeka yiwanojeye wamulumbe Muwaha Mulungu, ku soko yo lusungu lwakwe lwinji, na ku soko ye mapoto gono yawatendela.

Zabuli 107:22

Wamulavizye vilavya hamonga ne lilumbo, wasimulile ze metumo gakwe ko wimbe we nyemo.

Zabuli 107:31

Holeka yiwanojeye wamulumbe Muwaha Mulungu, ku soko yo lusungu lwakwe lwinji, ku soko ye mapoto gono yawatendela.

Zabuli 107:8

Holeka yiwanojeye wamulumbe Muwaha Mulungu, ku soko yo lusungu lwakwe lwinji, ku soko ye mapoto gono yawatendela.

Zabuli 111:7

Metumo gakwe ga ling'ani, kanyhi ga mbeka. Ne mejizo gakwe gose nha mehuwilwa nhondo zose.

Zabuli 121:1

Ninuye meso gangu nanjile mu matunda, wutazi wangu wolawa hayi?

Zabuli 123:1

Nghulanjiliye go Muwaha Mulungu, agwe mono wikaye kuko ku wulanga kucanyha.

Zabuli 145:13

No wutemi wako, wo wutemi we cibitilila, no wulajilize wako, nha wikalaga cibitilila. U Muwaha Mulungu nha mwihuwilwa, mu wihuwizo wakwe, kanyhi yali lusungu mu nyituma yakwe.

Zabuli 146:10

Muwaha Mulungu yatemile cibitilila, Mulungu wako 'gwe go Sayuni, yo mutemi muli zindelo zose. Mumulumbe Muwaha Mulungu!

Zabuli 50:14

Lilumbo lyako, liweze lyo likumbiko lyako, kuli Mulungu wumufisilizize wilahe wako, u Mulungu Mono Yalawiliciye Muli Vyose.

Zabuli 66:7

Kagadimaga cibitilila kwe vilungo vyakwe. Mwene yo kagadimaga makungugo gose. No mubedegazi wo wose yalece kumupinga-pinga ku mwande.

Zabuli 7:17

Nane nomukumya Muwaha Mulungu, ku soko yo wuswanu wakwe, kanyhi nokwimba zo lukumyo lwakwe Muwaha Mulungu, u Mulungu Mono Yalawiliciye.

Zabuli 9:2

Nane nosecelela no kusangalala ku soko yako, nokwimba zo lukumyo lwako, 'gwe go Muwaha Mulungu Mono Wulawiliciye Muli Vyose.

Zabuli 92:1

Yo nghani swanu muno kukulumba agwe, go Muwaha Mulungu, kwimba so cogopo cako, 'gwe go Mulungu Mono Wulawiliciye.

Isaya 13:11

Muwaha Mulungu yakutya, “Ane nololeta wongomele mono yinze, nolowalipiciza ne wanhu wabi wose, ku soko yo wubi wawo. Nolowanyetya wose i wewoni, nolowalipiciza wose i wedunhumuzi, ne wakali.

Isaya 2:11

Kanyhi lizuwa likuza, lono wiwoni wo munhu wolomalika, no widunhumuzi wo munhu wolokongomezwa. No Muwaha Mulungu du, yo kolopegwa lukumyo yali wene.

Isaya 24:15

nawo wono wekaye ku lubavu lwa kucilima, wolomukumya mwene. Nawo i wanhu wono wekaye mu mwalambalo we lilenga, wolomukumya Muwaha Mulungu, u Mulungu wa Isilayeli.

Yelemiya 10:10

Ninga agwe go Muwaha Mulungu, nha yo gwegwe du, go Mulungu we mbeka, yo gwegwe du go Mulungu mumi, kanyhi yo gwegwe du go mutemi we cibitilila. Na lono wuwe wakolwa ne likuwo, i yinze yicicimaga, sunga ne makungugo, si gakuwa kusuma yaye kulikangalila likuwo lyako.

I Cililo 3:38

I ziswanu ne zimbi, zose zili mu wulajilize wakwe.

Danyeli 12:7

Nayo malayika yuyo, yakenula miwoko yakwe yose ku wulanga, yakelahiza mwi'agwa lyo Mulungu, mono kekalaga cibitilila. Nane nghamuhulika yakutya, “Yowa myaka midatu na nusu. Na kolo wugazwe we wanhu wo Mulungu wapuluta, baho na zizi zose zolowa zakondya kwijela.”

Danyeli 2:44

Na mu vilo vyo wutemi wuwo wose, Mulungu wa ku wulanga, kolowusimya wutemi wunji wono siwuladuma yaye, hamba kusumwa yaye. No wutemi wuwo, wolowongomeza wutemi wose, ninga wene wokwikala cibitilila ne cibitilila.

Danyeli 4:2

Hulicizenyi zinghani ze vitanjilo, ne mezino, zono u Mulungu mumi yandajiye.

Danyeli 4:26

Na zono Malayika yateye, nha vyono lisina lilekwe mu muhangha. Nhunizo yayo yoyi. Agwe kolowa mutemi kanyhi, wulaza kuwa wakondya kumanya vyono mbeka Mulungu yo yayitemile yinze yose.

Danyeli 4:3

Vitanjilo vyakwe nha viwaha, vyono Mulungu mumi yakucilajila! Ne mezino ge vilungo nha mawaha gono yakwituma. Mulungu yo Mutemi cibitilila, kanyhi yo kolotema mu zindelo zose.”

Danyeli 4:32

Nagwe kowinjilwa lukulu muli wanhu, wukekale ne vilimu vya mu mbago, kanyhi kowa kulya mahanze kotya ng'ombe sunga yipulute myaka mupunghati. Baho nagwe ho komanyila vyono, u Mulungu Mono Yalawiliciye, yo yatemile mu wutemi wose wa mu wanhu, kanyhi na vyono yo yadahile kumupela wutemi munhu wo wose mono mweneco komuhagula.”

Danyeli 4:36

“Na mwi'pango lilyo, mahala gangu gakambuyila kanyhi, hamonga ne lilumbo lyangu, no wutemi wangu, hamonga no lukumyo lo wutemi wangu, vyose vikambuyila. I wetumami wangu, hamonga ne wanhu we mahala wakambocela. Hobaho nghapegwa vilungo vyo wutemi, nawo wutemi wukawa ne vilungo ne lilumbo kuciza na ha mwamulizo.

Danyeli 5:18

U Mulungu Mono Yalawiliciye, yo yamunoza sogo Nebukadineza yawe mutemi muwaha. Yakamupela ne nhojo ne lilumbo.

Danyeli 5:21

Yakawinjilizwa, no kuwuswa mu wikalana ne wanhu, ne mahweso gakwe gakehwana na ge malimu. Yakawa kwikalana ne zinyhenje, yakalya mahanze nhe zing'ombe, yakawa yakugona cipwi mwi'wagalila lya mwi'lolo, yasina na co kumugubika muwili wakwe, ho yalece kudodowekwa ne buhe. Sunga nhondo, yakamanya vyono mbeka u Mulungu Mono Yalawiliciye, yo yatemile wutemi wose mu wanhu, kanyhi yadahile kumupela wutemi munhu wo wose mono mwene yakumuhagula.

Danyeli 6:26

Nene Daliyo, nghumulajilizenyi anye wose wa mu wutemi wangu, vyono wanhu wose, munojeye mumogope no kumupela cogopo Mulungu wa Danyeli. “Mwene yo Mulungu mumi, Mono kolotema cibitilila. No wutemi wakwe, siwulahodanjika yaye, ne vilungo vyakwe sivyoloduma yaye.

Danyeli 7:14

Yakawa kupegwa vilungo ne lilumbo, hamonga no wutemi, i wanhu wose we zinghungugo zose, na we zimbeyu zose, na we milonjele yose, ho wamwitumamile mwene. Ne vilungo vyakwe vyokwikala cibitilila, no wutemi wakwe si wuladuma yaye.

Danyeli 7:27

Baho, i vilungo no wuwaha wo wutemi wose wa mono'nze, wolopegwa i wanhu wo Mulungu Mono Yalawiliciye. Ne vilungo vyo wutemi wawo, si viladuma yaye. Ne watemi wose wa mono'nze, wolowetumamila no kuwahulika.”

Danyeli 9:14

Gwe go Muwaha Mulungu, go Mulungu wetu, wali wiwikanize wucilipicize, na vyo wanoza. Hambi 'gwe nha kwitumaga ze ling'ani nhondo zose. Ninga ase hamba kukuhulika yaye.

Yona 1:14

Baho wakamulomba Muwaha Mulungu wakatya, “Gwe Muwaha Mulungu cikukulomba, wulece kuciwulaga ku soko yo munhu ayu Yona, mono ceza kumuwulaga! Hambi 'gwe Muwaha Mulungu nha kunozaga nha vyono gwegwe wendile, na vyose nha vyako.”

Mika 4:7

Wakawa wakusenzegula, kanyhi wali kutali no kwawo. Ninga hamba nhavivyo nowanozeza mwamulizo mupya wawo wono wasigala, nawo wowa likungugo yiwaha lye vilungo. Nane notema hali wene mwi'tunda lya Sayuni, ku wulawa mu vilo vivyo sunga cibitilila.”

Luka 1:33

nayo kotema mhuga ya Yakobo cibitilila, no wutemi wakwe si wulawa na ndumo.”

Luka 18:13

Ninga ayulya mutoweza kodi yakema kutali, hamba si yenda no kwinula meso gakwe ku wulanga, ninga yaketowa mu mhambaga ko wukalale, yakatya, “Gwe Mulungu wumbonele lusungu ane no mubi.”

Yohana 5:26

Nha vyono u Sogo yo munhu yo mwamulizo wo wumi, ale nhavivyo nayo yamupela Mwanagwe yawe mwamulizo wo wumi.

Wukumbucize wo Wulajilize 32:4

“Muwaha Mulungu yo mukamisi wenyu mono yali vilungo, mono si kasinjisikaga, kanyhi yali ling'ani muli zakwe zose. Mulungu wenyu mwihuwilwa kanyhi yo we mbeka.

1 Timoteyo 1:17

Ale, kuli mwene Mutemi we cibitilila na we sakalakale, mono sikawonagwa, umwene Mulungu we ciwene, lyeze lilumbo no lukumyo cibitilila na cibitilila! Heya.

1 Timoteyo 6:16

Umwene yali wene du yo kekalaga mumi cibitilila, kanyhi kekalaga mu wuzelu wono hasina munhu wo wose mono yadahile kuwusejelela. Hasina munhu mono yasuma kumuwona, hamba mono kosuma kumuwona. Kuli mwene lyeze yilumbo ne vilungo vye cibitilila! Heya.

Wugubule 10:6

yakelahiza mwi'tagwa lyo Mulungu mono kekalaga cibitilila ne cibitilila, u Mulungu mono yawumba wulanga ne vinhu vyose vyono vili mumo, sunga ne yinze na vyose vyono vili mumo, ne lilenga na vyose vyono vili mumo. Malayika yakatya, “I cipango co wulindila muno, alu camalika!

Wugubule 11:15

Hanyuma, nayo malayika wo mupunghati yakayitowa ndulele yakwe. Ne mazi mawaha gakahulikwa ku wulanga gakutya, “Alu u wutemi wa mononze, weza wo Muwaha wetu na Kilisito wakwe. Nayo kotema cibitilila ne cibitilila.”

Wugubule 4:10

awalya i wawaha makumi mejete na wane, nawo wakagwa ha mwande ya yuyo mono yekaye mwi'goda lyo wutemi no kumuhemba yuyo mono kekalaga cibitilila ne cibitilila, nawo wakuyiwika mikumbo yawo ha mwande ye ligoda lyo wutemi akuno wakutya,

Wugubule 4:9

Na lono viwumbwa vivilya vine vyembaga zinyimbo zo kumukumya, na ze cogopo, hamonga no kumulumba yuyo mono yekaye mwi'goda lyo wutemi, mono kekalaga cibitilila ne cibitilila,