Danyeli 4:27 - Luganuzi Luswanu Kuli Wanhu Wose 2002

²⁷ Holeka Gwe mutemi, nghukunena wibataje nghani yangu yono nghukupela, nghutya nhavi, ‘Wulecele lukulu kwituma wubi, langa wanze kwituma ze ling'ani, kanyhi weze kuwawonela lusungu i waciwa.’ Baho ho kojendelela kwikala viswanu hamonga ne nyemo mu vilo vyose vyo wikale wako.”

Danyeli 4:27 ပူးပေါင်းရင်းမြစ်များ

Mwamulizo 11:4

Nawo wakeyitya, “Alenyi le ciyinzenjele co weneco likaya lyono lyowa lina no munala wono wofika ku wulanga, ho cisume kwitujila litagwa, kanyhi ho cilece kwiyagala mono'nze yose.”

1 Watemi 21:29

“Ale, wawona, vyono Ahabu yenenenyheza hali'ne? Alu vyono yakondya kwinenenyheza hali'ne, hodu nane sinowuleta wongomezwe mu cipango cakwe lono yakali mumi, langa wowa mu cipango co wikale we wanagwe, nane baho ho nolowuletela wongomezwe mu nyumba ya Ahabu.”

Zabuli 119:46

Kanyhi nowanziza watemi ze malajilizo gako, hamba si nowona cevu yaye.

Zimbazi 11:2

Ne wanhu iwedunhumuzi, wokozwa cevu kamonga. Ninga mahala gali muli wenenenyhezi.

Zimbazi 16:6

Holeka weze na cihuliko, kanyhi mwihuwilwa. Nayo Mulungu kokunenela wubi wako. Weze na cihuliko kuli Muwaha Mulungu wako, holeka nagwe si zokwijelela i zimbi.

Zimbazi 28:13

Na hono wujendelele kuwuhundika wubi wako, mbeka hamba si komoteswa mu mikalile yako. Holeka yikunojeye wunene wubi wako, wuwulece, nayo Mulungu kokuwonela lusungu.

Isaya 10:13

Nayo mutemi wa Ashuli, yakwilumba yakutya, “Ane nha nazituma zizo zose kwe vilungo vyangu nene no mweneco. Ane nili vilungo, kanyhi nina mahala, kanyhi nili musugu. Hambi nha nayiwusiza lukulu mipaka haciligati ye makungugo, nghasola sunga ne vinhu vyawo vyono wali wewutiye mu viwutwa vyawo. Nane nghawa nha nghambaku, nghawakanyanjiza i wanhu wono wekalaga mumo.

Isaya 47:10

“Hambi nha wawitumbila wubalya wako vyono wehwesaga nha hasina yunji mono yakukuwona. Ninga kumbe mahala gako hamonga no wizuce wako, vikakutonga vibi, nagwe baho, wukawa kwidunhumula no kwiyitya, ‘Ane yo nene du, na hasina yunji kanyhi mono yehwanile nene.’

Isaya 47:8

“Ale, wuhulicize ta zono nghukulonjela agwe go mwenda kwiyendeza go mweneco, mono kwihwesaga vyono wuli mu mulamu, na kanyhi wupolile. Kanyhi wukuwa kwilumba ti, wukutya agwe yo gwegwe du, hasina yunji mono yehwanile gwegwe. Na kanyhi kwihwesaga nha vyono si kolowa wuli mucekulu mufwile. Hamba kufwilwa ne wanago yaye.

Yelemiya 29:7

Mwitumaje ziswanu za mu makaya gago, kuko kono namunozenyi ho muwe wafungwa. Mugalombele kuli Muwaha Mulungu i makaya gago. Ku soko, hono gatuje wumoteswe, nanye nhavivyo mowa mwamoteswa.

Yelemiya 38:20

Ninga nane nghamutya, “Ng'o mutemi, si kosuma kwinjizwa mu miwoko yawo yaye. Ninga ane nghukunena wuyihulice nghani yo Muwaha Mulungu. Na zose zowa swanu du hali 'gwe, kokwiponya no wumi wako.

Ezekiyeli 18:7

Hamba si yamukonya munhu, langa yamulipa viswanu mono yamudayaga, hamba si yamuboka yunji sawo yakwe kwe vilungo. Kanyhi yawe yakuwalisa wono wadabuce, no kuwapela vivwalo wono wasakaze.

Ezekiyeli 29:3

Wumulonjele nha vyono u Muwaha Mulungu yakumulonjela zizi u mutemi we yisi ya Misili, yakutya, ‘Ane nili mulugu wako, agwe go lizoka liwaha, mono wugonile mugati ye likolongo. Mono wukwiyitya nha vyono likolongo lya Nile lyako, na vyono ati yo gwegwe mono walinoza.

Ezekiyeli 29:9

Nayo Misili, yolosigala yili bwete du musina cinji. Nagwe go yisi ya Misili, baho ho wulamanyila vyono ane yo nene Muwaha Mulungu. “Hambi agwe nha wali kutya, likolongo lye Nile lyako, ati kanyhi yo gwegwe mono walinoza.

Yoweli 2:14

Na lunji Muwaha Mulungu wenyu, komukumbucilenyi no kukawaniza lihweso lyakwe, no kumulugutizenyi, hamonga no kumonjelezezenyi vilimwa vyenyu. Nanye ho mosuma kumulavivya vilavywa vyo wusaje ne divayi.

Amosi 6:13

Anye mono mukwilumba so wibata likaya lya Lodeba, mukwilumba mukutya, “Ase cali cili vilungo, lanje vyono cikasuma kulisola likaya lya Kalinayimu.”

Yona 3:9

Nha lunji Mulungu kowukawaniza wuhile wakwe, lunji kolileka likuwo lyakwe, nase ho cilece kufwa!”

Habakuki 1:11

I wanhu wawa wono i vilungo vyawo yo mulungu wawo, wopuluta musunho nha mbeho, hanyuma wawe kubita.”

Zefaniya 2:15

Azi zo zololijelela likaya lyono lina wiwoni wo kwiyitumbila vilungo vyalyo lyeneco, no kwihwesa vyono likaye lipolile. Ne wanhu wayo wakwihwesa vyono likaya lyawo lye 'waha kuciza makaya gose mono yinze yose. Na kumbe wo wambuce wa bwete, hambi nha holopituka hawe wikalo we zinimu za mu mbago! No munhu wo wose mono kokolela baho, kololihoweleza no kusinjisa mutwe wakwe.

Matayo 3:8

Ale, alu, mulajile mu metumo genyu, vyono mwanena mbeka mbeka.

Luka 11:41

Muwapelaje waciwa vinhu vyono vili mugati; na vinji vyose, vyowa vili ling'ani kuli'nye.”

Metumo ge Watumwa 24:25

Ninga Pawulo yaza kwamula kulolosa zo wiling'ano na zo wiyimile na ze ning'aniza yono yikuza, Feliki yakogopa muno yakatya, “Alu wubite, ninga nokucema kanyhi kolo natuga cilejeho.”

Metumo ge Watumwa 26:20

Ninga nghamula kamonga kuwaganulila wanya Damesiki na wanya Yelusalemi na wa mu yisi yose ya Yudiya, kanyhi na kuli wanhu we Makungugo ganji. Nghawaswaswaniza wamupitucile Mulungu, kanyhi walajile mu metumo gawo, vyono wakondya kupituka mu zinhumbula zawo.

Metumo ge Watumwa 8:22

Ale wunene wubi wako wuwu, wumulombe Muwaha, na lunji konenelwa lihweso lya mu nhumbula yako.

2 Wakolinto 5:11

Ale, ase ciyimanyile soko yo kumogopela u Muwaha, holeka ku soko yiyi, cikwihinda kuwakwega wanhu. U Mulungu yacimanyiye lukulu, nane nitumbiye vyono na nyenye nhavivyo mucimanyiye lukulu mu viselinji vyenyu.

Wagalatiya 5:13

Hambi anye mo wandugu zangu, nha mwacemelwa wulelele. Ninga u wulelele wuwo wulece kuwa cikojelo co kutemwa ne masulumizi ga mononze. Langa munojeye mweze kwiyitumamila mu wendo.

Wagalatiya 5:22

Ninga zono zikwijela so wutongwa no Muhe, wo wendo, nyemo, mulamu, wukangalizi, wuswanu, wucemezi, wihuwilwa,

Wagalatiya 5:6

Hambi hono ciwe cakondya kuwa muli Kilisito Yesu, kwalama hamba wula kwalama, mose musina cambuzi, i nghani yono yina cambuzi, wo wihuwilo wono wukwitumila mulimo mu wendo.

Waefeso 4:28

Mono yali muhizi, yalece kuhiza kanyhi, langa yanze kwituma i milimo miswanu kwe miwoko yakwe, ho yatuje cinhu co kumutuziza u muciwa.

Wukumbucize wo Wulajilize 24:13

Langa weze kumugomolela nhondo zose mu mapango ge cinyamihe, ho yefunice ne cilo. Nayo mbeka kokulumbiliza muno muno. No Muwaha Mulungu, u Mulungu wenyu, nayo kokwendezwa nagwe muno muno.

Wukumbucize wo Wulajilize 32:27

Ninga hamba nhavivyo, si nolowaleceleza i walugu wawo waze welumbe, wawe kutya wawasuma wanhu wangu. Na kumbe nene no mweneco yo nizinozize zizi zose.’

Wukumbucize wo Wulajilize 8:17

Holeka mulecele lukulu kwihwesa nha vyono, i vinhu vivyo vyose, mwavisawa kwe vilungo vyenyu ne mahala genyu nyo weneco.

1 Petelo 4:8

Ne nghani mbaha muno muno, mwiyendaje yendi-yendi kwe nhumbula yose, hambi uwendo nha wuhiliwizaga wubi winji.