Danyeli 4:19 - Luganuzi Luswanu Kuli Wanhu Wose 2002

¹⁹ Muli yiyo, Danyeli mono kanyhi yacemwaga Beliteshaza, yali yeza kuzihulika zizo, baho yakakangawala, yakanyamala cipango cidodo. Mutemi yakamulonjela yakamutya, “Beliteshaza, wulece kukangawala so ndoto yiyi hamonga ne nhunizo yayo.” Beliteshaza yakapitula yakamutya, “Gwe mutemi, ane nghwenda ndoto yiyi ne nhunizo yayo, yeze yili muli walugu wako yilece kuwa kuli'gwe.

Danyeli 4:19 ပူးပေါင်းရင်းမြစ်များ

Mwamulizo 31:35

Nayo Laheli yakamutya sogwe, “Gwe baba, nghukunena wunenele, kanyhi wulece kukalala, ane sinosuma kwinuka ha mwande yako, hambi nha nili mu vilo vyangu vyo mwezi.” Labani yakavilondola vihwani vye milungu yakwe, hamba kuviwona yaye.

Mwamulizo 32:18

Agwe wumutezaje nhavi, “Sawo yiyi, yo mwitumami wako Yakobo, kakuletela yiwe cipegwa cako gwegwe Esawu go muwaha wangu. Ninga mwene Yakobo yali mu nyuma yakuza.”

Mwamulizo 40:12

Nayo Yusufu yakawa kumulonjela yuyo mwitumami yakutya, “Nhunizo yayo yoyi: Gagalya i manhambi madatu, vyo vilo vidatu.

1 Watemi 18:7

Nayo Obadiya lono yali yali mu nzila yakubita, waketang'anila mu nzila nhinicizo na Eliya. Nayo Obadiya yali yeza kumumanya vyono yo Eliya, hodu yakenama hamwande ya Eliya, yakawuza yakutya, “Alu muwaha, yo gwegwe mbeka wuli Eliya?”

Wutuluce 32:32

Ninga aluno go Muwaha Mulungu, ane nghukunena, wuwanenele wubi wawo. Na hono wulece kuwanenela, ale, nghukunena ciba nane wumhate mu citabu cako cono wuwandice wanhu wako.”

Yelemiya 29:7

Mwitumaje ziswanu za mu makaya gago, kuko kono namunozenyi ho muwe wafungwa. Mugalombele kuli Muwaha Mulungu i makaya gago. Ku soko, hono gatuje wumoteswe, nanye nhavivyo mowa mwamoteswa.

Yelemiya 4:19

Nye nghuwona wusungu si! Hamba si nosuma kuwukangalila yaye! Nye nhumbula yangu si! Nhumbula yangu, nha yatowa muno! Nane hamba si nosuma kunyamala yaye. Hambi nha nghuhulika mazi ge zindulele hamonga ne mazozo go wulugu.

Danyeli 1:7

Baho u mulongola muwaha yakawacemela matagwa mapya. Danyeli yakamucemela lya Beliteshaza, Hananiya yakamucemela lya Shedilaki, Mishayeli yakamucemela lya Meshaki na Azaliya yakamucemela lya Abedinego.

Danyeli 2:26

Mutemi yakamutya Danyeli (Mono yacemwaga Beliteshaza). “Wudahile kunonjela ndoto yangu hamonga ne nhunizo yayo?”

Danyeli 2:37

Gwe mutemi, agwe yo gwegwe mono wuli mutemi muwaha muli watemi wose. Mulungu wa ku wulanga yakupela wuwaha no wusume, ne vilungo, hamonga ne lilumbo.

Danyeli 4:24

“Ne nhunizo yayo yoyi, Agwe mutemi, azi zo yakukulajila Mulungu Mono Yalawiliciye zono zokwijelela gwegwe ku mwande.

Danyeli 5:12

Mbeka yena wizuce no wumanye mu wulolosa zinhunizo ze zindoto, no kuzilolosa zinghani ze mafumbo, hamonga ne zinghani zose zono hundikwe. Holeka wutume yunji yakamulete Danyeli mono mutemi yamupela litagwa lya Beliteshaza, nayo kosuma kukulonjela nhunizo ya zizo zose.”

Danyeli 5:18

U Mulungu Mono Yalawiliciye, yo yamunoza sogo Nebukadineza yawe mutemi muwaha. Yakamupela ne nhojo ne lilumbo.

Danyeli 5:19

Nayo yali mogopwe ne wanhu wose we makungugo ne zimbeyu na we milonjele yose, wamogopaga muno muno no kucicima. Lono yasakaga kumuwulaga yunji, yamuwulagaga du. Na lono yasakaga kumuwopolela yunji yekale mumi, yamuwopolelaga du. Yawapelaga lilumbo wono yasakaga, na wono yasakaga kuwanyetye, yawanyetyaga.

Danyeli 7:15

No wugubulilwe wuwo wono nawuwona, wukanhinusa muno mu nhumbula yangu, nane nghagazika muno mu mutima wangu.

Danyeli 7:28

Awu wo mudumo we nghani yiyi. Ne nghani yiyi yikanyogofya muno, sunga no wusu wangu wukawa wusina nyemo. Ninga nghani yiyo, nghayiwika mu nhumbula yangu.

Danyeli 8:27

Nane Danyeli, nghakalala muno so zizo, nghatamwa no kutamwa vilo vinji muno. Nali neza kutuga ciba, nhondo ho nghawa kubita kuwituma mulimo wangu wono mutemi yali yamhelile niwe kuwituma. Ninga hamba nhavivyo, nghawizina muno wugubulilwe wuwo, nane si nasuma hamba kuwizuka yaye.

Habakuki 3:10

Ne matunda nago, kolo gakukuwona, gakucicima, ne malenga nago, gakumwajika ku wulawa ku wulanga, ne malenga gono gali hasi ye'si, gakukoloma hawaha.

1 Samwili 1:15

Nayo Hana yakamupitula yakatya, “Ng'o, ye, 'gwe mukohani ane, si ngalile yaye, hamba nghali si nang'wa divayi yaye! Langa nhumbula yangu yimemile wukalale. Nane nali nili muwulombe, nghumuwicila Muwaha Mulungu wugaye wangu.

1 Samwili 24:8

Hanyuma hadodo, Dawudi yakalawila mu mhango, nayo yakawa kwanza kucemeleza yakutya, “Gwe mutemi!” Nayo Sawuli yakapituka, nayo Dawudi yakagundama sunga ho hasi yakulajila cogopo cakwe kuli mutemi Sawuli.

1 Samwili 26:15

Dawudi yakamupitula yakatya, “Gwe Abineli, si yo gwegwe mono wuli munhu mutambule muli Isilayeli? Alu nhawule si wukusuma kumudima muwaha wako u mutemi? Kanyhi wumanyile vyono yunji kenjila mu nghambi lulu baha, ho yamuwulaje mutemi?

1 Samwili 3:17

Eli yakamutya Samwili, “Alu Muwaha Mulungu kakulonjela cici? Nghukunena wulece kuhundicila nghani hamba monga. Hambi u Muwaha Mulungu nha kokulipiciza ko wukali muno muno hono wulece kundoloseza zose zono yalonjile.”