Danyeli 4:18 - Luganuzi Luswanu Kuli Wanhu Wose 2002

¹⁸ Baho mutemi Nebukadineza yakamutya Beliteshaza, “Ayino yo ndoto yono ndotile. Holeka lu Beliteshaza, wundolosezaje nhunizo ye ndoto yiyi. Hambi nha hasina yunji wa muli we mahala wa mu wutemi wangu, mono yasumile kundoloseza. Ninga agwe, kosuma kundoloseza, vyono muhe we milungu yono yelile yili muli gwegwe.”

Danyeli 4:18 ပူးပေါင်းရင်းမြစ်များ

Mwamulizo 40:12

Nayo Yusufu yakawa kumulonjela yuyo mwitumami yakutya, “Nhunizo yayo yoyi: Gagalya i manhambi madatu, vyo vilo vidatu.

Mwamulizo 41:15

Nayo Falawo yakamulonjela Yusufu yakatya, “Ane ndota ndoto, ninga hasina hamba munhu monga mono yasumile kundoloseza nhunizo yayo. Nane hulika zo lukumyo lwako, nha vyono agwe hono wulonjelwe ndoto hamba yiwe vyono yinha, kosuma du kuyilolosa nhunizo yayo.”

Mwamulizo 41:8

Wali weza kwela hakali mitondo, Falawo yali yazinguce muno muno. Ale, yakawa kulajiliza i waganga wose na we mahala wose wa mu yisi ya Misili waze kuli mwene. Nawo wali weza kuza, Falawo yakawalonjela ze zindoto zakwe, ninga hasina hamba monga mono yasuma kumuloloseza Falawo nhunizo ye zindoto zizo.

Isaya 19:3

Nowudumuciza wuhile we mahweso ge Wamisili, nolihodanga ne lihala lyawo. Nawo wolondola wutazi kuli vihwani vyawo, wokwitoweleza visangu mu waganga, wowuza mahweso kuli myuhe ye wafu.

Danyeli 1:20

Na muli nghani yo yose yo wizuce, yono mutemi yayiwuzaga, hamba nghani nghamu, wawa i wane, wakejela wo wena wizuce kali kumi kuciza waganga ne wahawi wa mu wutemi wakwe wose.

Danyeli 2:38

Yakutemya agwe muli wanhu wose we zisi zose za mono yinze, hamonga ne vilimu vya mu mbago ne zindeje. Alu agwe, wo mutwe awulya we zahabu.

Danyeli 2:7

Ninga wene wakamupitula mutemi wakamutya, “Gwe mutemi, hono wucilonjele i ndoto yako, nase co watumami wako, cokuloloseza nhunizo yayo.”

Danyeli 5:15

We mahala ne wahawi wose wacemwa, ho wasome mandiko agano no kundoloseza nhunizo yayo, ninga hamba si wasuma kuyimanya nhunizo yayo.

Danyeli 5:8

Baho wanhu we mahala wa mwi'kulu wo walongola, ninga hasina hamba yumonga muli wene, mono yasuma kugasoma mandiko gago, hamba kuyilolosa nhunizo yayo.

Amosi 3:7

U Muwaha siketumaga cinji co cose lono siyawagubuliye wetumami wakwe wawizi.