Danyeli 4:17 - Luganuzi Luswanu Kuli Wanhu Wose 2002

¹⁷ Awu wali wo wulamuzi wa Malayika yulya mono yali yewikanize so suguzi. Holeka 'lu, wanhu wose wamanye vyono, u Mulungu Mono Yalawiliciye, yo yatemile mu wutemi wose wa mu wanhu, nayo kamupelaga mono mweneco yendile kumupela. Kanyhi kawapelaga wutemi sunga na wono wasoceye.’ ”

Danyeli 4:17 ပူးပေါင်းရင်းမြစ်များ

1 Watemi 21:25

(Hali hasina munhu yunji wo wose, mono yeyendela mweneco kwituma zimbi hali Muwaha Mulungu, kotya Ahabu, mono Yezebeli mugolece wakwe, yamufwanghanaga.

2 Zinghomo 28:22

Na lono magazo gakwe Ahazi gacilaga kuwa mabi muno muno, nayo Ahazi ho yakacila muno kwituma wubi hali Muwaha Mulungu si nha halulongozi.

Zabuli 103:19

Nayo Muwaha Mulungu, yaliwicile ku wulanga, ligoda lyakwe lyo wuwaha, nayo yo yatemile muli vyose.

Zabuli 12:8

I wabi wakupilima hanhu hose, no wajilile wukulumbizwa muli wanhu.

Zabuli 9:16

U Muwaha Mulungu kelajila mu ning'aniza yakwe ye ling'ani, Ne wanhu wabi wegwiza weneco mu metumo gawo mabi.

Wutuluce 9:16

Ninga lu ho nghulajile vilungo vyangu, holeka nghuwicile sunga nalu wuli mumi, u lukumyo lwangu ho lusume kwijela mono'nze mose.

Isaya 6:3

Ne Wamalayika wawo wakawa wakwimba wakwiboceza, wakutya, “Welile, welile, welile! Go Muwaha Mulungu we mihanga. Ne yinze yose nha yimemile nhojo yako.”

Isaya 6:8

Hanyuma ya zizo, nghahulika Muwaha Mulungu yakutya, “Alu, nomutuma nani? Hamba nani mono kobita ku soko yetu?” Nane nghamupitula nghatya, “Nili baha! Wunhumaje nene.”

Ezekiyeli 25:17

Nowalipiciza ko wulipicizwe wuwaha muno, nowatacila ko wukali muno. Nawo woliwona likuwo lyangu vyono linha. Nhondo ho womanya vyono ane yo nene Muwaha Mulungu.”

Ezekiyeli 7:24

Ale, nane mwi'pango lilyo ho nilagaletela baha i makungugo mabi muno, gaze gazisole zikaya zenyu. Sunga ne wanhu wenyu we vilungo, wolowula vilungo lulo, kolo nawatuma makungugo waze wahavufye i hanhu henyu hono muhembelaga.

Danyeli 11:21

Nayo malayika yakajendelela kulolosa yakutya, “Nayo mutemi wa Siliya mono kotyatya, kolowa munhu mubi muno muno, mono kolowa yasina lilumbo lyono limunojeye yawe mutemi. Langa kolowa munhu mono yabedegaywe muno, ninga kolowusola wutemi mu nzila yo wiyendezi.

Danyeli 2:21

Umwene kakawanizaga vidaha ne mapango. Kawawikaga no kuwawusa watemi. Yo mwene mono kawapelaga wanhu wumanye no wizuce.

Danyeli 4:2

Hulicizenyi zinghani ze vitanjilo, ne mezino, zono u Mulungu mumi yandajiye.

Danyeli 4:25

Kolowingwa mu wikalana ne wanhu wayago, kolokwikalana ne malimu. Nagwe kolowa kulya mahanze nhe zing'ombe, kanyhi kolowa kugona mwi'hala caka, kono wubuhe wono wukulawa ku wulanga, wowa kukugwila sunga yipulute myaka mupunghati. Baho nagwe ho kolomanyila vyono, u Mulungu Mono Yalawiliciye yo yatemile mu wutemi wose wa mu wanhu. Kanyhi na vyono yo yadahile kumupela wutemi munhu wo wose mono mwene komuhagula.

Danyeli 7:25

No mutemi yuyo, kolomutovula Mulungu Mono Yalawiliciye no kuwewonela i wanhu wo Mulungu. Mutemi yuyo kolojela yawakawaniziza i wanhu wo Mulungu, u wulajilize wo wuhembi wawo, hamonga ne zisikukuu zawo. Nawo i wanhu wo Mulungu wolowa hasi yo wulajilize wakwe, myaka midatu na myezi mutandatu.

Walumi 13:1

Yimunojeye munhu wo wose, yaweze ne cihuliko kuli walongola wono wena u wulajilize mu Selekali, hambi u wulajilize wose nha wulawaga kuli Mulungu, nawo iwalongola wono wena uwulajilize, wawicigwe no Mulungu.

1 Wakolinto 1:28

Kanyhi u Mulungu yakazihagula zizilya zono hamba mu mahweso ge ciyinze-yinze, zikwijela vyono zisina cambuzi hamba hadodo kanyhi zibedegaywe muno muno, zo nghani zono si zali zili baho kulawa na katali, na mu nzila ya zizo, ho yasume kuziwusiza lukulu mu mahweso ge wanhu, izinghani zono wanhu wehwesaga vyono zina cambuzi.

1 Timoteyo 5:21

Nghukukong'onheza hali Mulungu, na hali Kilisito Yesu, na hali wamalayika wono welile, wukamise imalajilizo gaga wulece kuleka hamba limonga, kanyhi, pogola, wulece kumwendeza munhu wo wose muli zose zono kokwituma.

Wugubule 4:8

Ne viwumbwa vivyo vyose vyono vine, vyali vina mabawa mutandatu mutandatu, kanyhi vyali vimemile meso, mugati na mudeha. Navyo vikalaga vikwimba hamba kuceha cilo ne misi, vikutya, “Welile, welile, welile, yo Muwaha Mulungu u Mudaha vyose mono yali, mono hoyuli, na mono yakuza.”

1 Samwili 2:8

Kamwinulaga muciwa mu wulawa mu manghundi no kumminula mono yena wanjile mu wugazice wakwe. Kawa kuwekaza hamonga ne wawaha kawawika i hanhu ho lukumyo. Hambi u musinji we yinze, nha wakwe Muwaha Mulungu, nayo yayisimya yinze mucanyha yo musinji wuwo.