Danyeli 4:13 - Luganuzi Luswanu Kuli Wanhu Wose 2002

¹³ “Na lono nali nghali ngonile nghwihwesa zo wugubulilwe wuwu, nghamuwona malayika yakutima yakulawilila ku wulanga, mono yali yewikanize so suguzi.

Danyeli 4:13 ပူးပေါင်းရင်းမြစ်များ

Jobu 12:24

Kawanozaga walongola wawo walelepa kawa kuwaleka wewajizwe, wayegayeje wajilile.

Zabuli 103:20

Nanye nyo wamalayika mono muli vilungo, mumukumye Muwaha Mulungu, mukumyenyi anye mono mwibate ze malajilizo gakwe, mono mwibate ne nghani yakwe!

Zabuli 89:7

Agwe wogopwe mu wihangulize wa wono welile, na wose wono wakupilime, wakukupela lilumbo, kanyhi wakogopile.

Danyeli 4:10

Nayo mutemi Nebukadineza yakamutya Beliteshaza, “Ane lono nali ngonile, natuga wugubulilwe, nghawona mubici mutali muno muno wono wali wuli haciligati ye yinze.

Danyeli 4:17

Awu wali wo wulamuzi wa Malayika yulya mono yali yewikanize so suguzi. Holeka 'lu, wanhu wose wamanye vyono, u Mulungu Mono Yalawiliciye, yo yatemile mu wutemi wose wa mu wanhu, nayo kamupelaga mono mweneco yendile kumupela. Kanyhi kawapelaga wutemi sunga na wono wasoceye.’ ”

Danyeli 4:23

Na lono agwe mutemi, wali wulanjiliye, Malayika yakatima kulawa ku wulanga, na hanyuma yakatya, ‘Dumulenyi mubici wugwe, hanyuma muwupilulaje. Langa mulece lisina mu muhangha. Muliwopeceze no munyolo we cuma, ne shaba yeze yipilime munyolo, mulilece kuko kwi'lolo lyono lina mahanze madece; Mumulekaje baho munhu yuyu, yatuje malenga ge buhe ya ku wulanga; Mumulece yekale hamonga ne malimu myaka mupunghati.’

Danyeli 4:5

Na lono nali ngonile, nghalota ndoto, na mumo mu ndoto yangu, nghawona wugubulilwe wo kogofya muno.

Danyeli 7:1

Ale, mu mwaka mulongozi wono Belishaza yali yatemile ku Babiloni. Nalota ndoto, na mu ndoto yiyo, nghawona wugubulilwe mu cilo cico. Nane nghawa kuyandika ndoto yiyo,

Danyeli 7:17

“Aga i malimu mane mawaha gono wukugawona, gago wo wutemi wune wono hanyuma wotema mono'nze.

Danyeli 7:23

Nayo munhu yuyo yakawa kundoloseza ze nhunizo yayo, yakatya, “Lilimu lilyo lye kane, wo wutemi we kane wono wolotema mono'nze, nawo wolowa wisimajiye no wutemi wunji wo wose. Nawo woloyitema yinze yose no kuyikanyanjila.

Danyeli 8:13

Hanyuma yayo, nghahulika malayika yakumuwuza malayika muyagwe, yakutya, “Alo zizi zono zijeye mu wugubulilwe, ho zojendelela sunga nili lo? Hamba wuwu wubi wono wukuwimila u wulavye we makumbiko, nawo wojendelela sunga nili? Ma, lipuga lya ku wulanga nalyo, hamonga ne Nyumba yo Mulungu, navyo ho vyojendelela kukanyanjilwa sunga nili?”

Zakaliya 14:5

Nanye molotiza mukolele mwi'lolo lilyo lyono lilitemanuye litunda hejete. Mulamanghaga nha vyono i wasogo zenyu wanozaga, mu vipango vye litulo lyono lyejela, mu vilo vyo mutemi Uziya wa Yuda. U Muwaha Mulungu wangu, mwene kolokuza hamonga ne wamalayia wakwe.

Matayo 25:31

“Mu cipango cono kolokuziza u Mwana wo Munhu mu lukumyo lwakwe, yena hamonga ne wamalayika wakwe, baho ho yalekala mwi'goda lyakwe lye nhojo, lyo lukumyo.

Maluko 1:24

yakazoza, yakutya, “Alu wina nghanici nase, agwe Yesu wa Nazaleti? Alo kuza ho wucongomeze? Nghumanyile vyono wuli nani, yo gwegwe mono welile wo Mulungu!”

Luka 4:34

“Gwe Yesu wa Nazaleti, cina nghanici nagwe? Alo kuza wucongomeze? Nghumanyile gwegwe yo nani, yo Gwegwe Mono welile wo Mulungu.”

Wukumbucize wo Wulajilize 33:2

“Muwaha Mulungu yaza he 'tunda lya Sinayi, yakelajila kotya yizuwa mu yisi ya Edomu, yakawabulilila wanhu wakwe mu wulawa mwi'tunda lya Palani. Ne wamalayika elufu yikumi, wakawa wali hamonga nayo. Na mu muwoko wakwe wo kulume, yakawa yebate moto wono wakaga.

Yuda 1:14

Nayo Enoci u kuku yetu wo mupunghati vyono yalawa Adamu, yawawilila i wanhu wawo yakutya, “Langa ta, u Muwaha yaza na maelufu ga wamalayika wakwe wono welile,

Wugubule 14:10

ale, u munhu yuyo, koying'wa divayi ye likuwo lyo Mulungu, divayi yono yakondya kujidilwa mu cikombe ce likuwo lyakwe, kanyhi hamba si hanza hanzwe ne malenga yaye. U munhu yuyo kogazizwa mu moto ne cibiliti, hamwande ye wamalayika wono welile na hamwande yo Mwana we ngholo.”