Danyeli 4:12 - Luganuzi Luswanu Kuli Wanhu Wose 2002

¹² Ne mahamha gayo, gali maswanu muno muno, nago gali gavunice mikalo, yono yali yikwiliye ku wulya wanhu wose we yinze. Vilimu vyose vya mu mbago, vikaceha mu mubeho wayo. Ne zindeje zikazenga manhuli gazo mu manhambi gayo, kanyhi ne viwumbwa vyose, vyalizaga mikalo yayo.

Danyeli 4:12 ပူးပေါင်းရင်းမြစ်များ

Jobu 12:24

Kawanozaga walongola wawo walelepa kawa kuwaleka wewajizwe, wayegayeje wajilile.

Jobu 14:7

U mubici wono wadumulwa, wukuwa wina witumbilo vyono wotula, no wumi wayo wuwuwuyile kanyhi.

Jobu 14:9

ninga kolo likumwajilwa malenga, lyotula du no kutuga mahamha.

I Cililo 4:20

Wakamusola u Wehele wo wumi wetu, u Mutemi, mono Muwaha Mulungu yamuhagula. U munhu mono cali cimwitumbiye, nha vyono yo kocitaza muli walugu wetu.

Ezekiyeli 17:23

Mwi'tunda litali muno, lya mu yisi ya Isilayeli. Naco copasicila manhambi, no kulela mbeyu, no kuwa mubici muhagata muswanu muno. Ne zindeje ze mawala gose zilekala mumo, zolowona wuceho mu mubeho wayo.

Ezekiyeli 31:17

Nayo vyabitana hamonga no mubici wuwo, sunga ko ku yisi ye wafu, vikekalane na wawo wono wakondya kuwulagwa. Na wose wono wali wekaye mu mubeho wayo haciligati ye makungugo.

Danyeli 4:14

Yakalonga kwe 'zi yiwaha yakutya, ‘Wudumulenyi mubici wuwu, mugapilulangaje ne manhambi gayo, muhepe ne mahamha gayo gose, muyiyagaze ne mikalo yayo; muviwinje ne vilimu viwuce mu mubeho wayo, hamonga ne zindeje zono zili mu manhambi gayo.

Matayo 13:32

Ne mbeyu yeneco yiyo yo ndodo muno muno si nhe zimbeyu zose, ninga kolo yacindika, yiwilukaga si nhe vilimwa vyose, no kuwa mubici, wono sunga ne zindeje za mucanyha, zikusuma no kuzenga i manhuli gazo mu manhambi gayo.”

Maluko 13:32

“Ninga kusina munhu wo wose mono yamanyile lizuwa hamba cipango cico vyono cokuza nili, hambe wamalayika wa ku wulanga, hambo mwana wo munhu, langa Baba yali wene du, yo yamanyile.

Maluko 4:32

Ninga kolo yahadikwa, yicindikaga no kuwa ibici iwaha kuciza mabici gose ga mu mugunda. Ne manhambi gayo gawezaga mawaha, sunga ne zindeje za mu mbago zisumaga kuzenga manhuli gazo mu mubeho wayo.”

Luka 13:19

Wihwanile ne mhece ya Haladali, yono munhu yunji yakayisola, yakayihadika mu mugunda wakwe, yikacindika, yikawiluka, wukawa mubici, ne zindeje za mucanyha zikazenga i manhuli gazo mu manhambi gayo.