Danyeli 4:11 - Luganuzi Luswanu Kuli Wanhu Wose 2002

¹¹ Wukawahapa muno muno, wukapamiza sunga ko ku wulanga. Nawo wejelaga kuli wanhu wose wa mono yinze.

Danyeli 4:11 ပူးပေါင်းရင်းမြစ်များ

Mwamulizo 11:4

Nawo wakeyitya, “Alenyi le ciyinzenjele co weneco likaya lyono lyowa lina no munala wono wofika ku wulanga, ho cisume kwitujila litagwa, kanyhi ho cilece kwiyagala mono'nze yose.”

Ezekiyeli 31:12

Ne wanhu wakali muno wa muli we makungugo, wono wasina lusungu, wolowudumula wawugwise hasi. Ne manhambi gayo, hamonga ne vinhambi vyayo vyologwila mu matunda gose, na mu malolo ga mu'si. Ne makungugo gose gono gekalaga mu mubeho wayo, golowuka.

Ezekiyeli 31:5

Nawo vyono wamwajilwaga viswanu, holeka wukatalimha muno sinhe mibici yose. Ne manhambi gayo gakakangala no kutalimha muno.

Matayo 11:23

Nagwe go Kapelanawumi, wukwihwesa vyono kotegulwa sunga ku wulanga mbi? Aa, ng'o, langa kovulumuswa sunga kono kowali wafu! Ku soko i mapoto gono ganozezwa kuli'gwe, hono gali ganozezwe ku Sodoma, mhali likaya lilyo lili baho sunga nalu.

Wukumbucize wo Wulajilize 9:1

“Muhulicize! Anye nyo wanhu Waisilayeli! Alu izuwali mwasejelela ku wulowoka likolongo lya Yoludani, mwinjile mu yisi yono yikaye makungugo mawaha, kanyhi gali vilungo kumucizenyi. Ne makaya gawo mawaha, gazenjeywe majinji matali muno gono gaficile ko ku mavunde.