Danyeli 3:6 - Luganuzi Luswanu Kuli Wanhu Wose 2002

⁶ No munhu wo wose mono sikokwinama no kucihemba cihwani cico, munhu yuyo kogumilwa mwi'lambi lyo moto wono wukwaka muno muno.”

Danyeli 3:6 ပူးပေါင်းရင်းမြစ်များ

Mwamulizo 19:28

Nayo lono yali yemile baho, yaza kulanga lubavu lwa ku Sodoma na Gomola na ku lubavu lose lwe lilolo, yakezina muno muno kuwona lyosi lyono lyabitaga kucanyha, lyosi lyono linha lye nyanyilo yiwaha.

Wutuluce 20:5

Wulece kuvihemba hamba kuvitumamila, hambi ane no Muwaha Mulungu, u Mulungu wako, nha nili Mulungu wo wivu, Nane nghuwalipiciza wana wubi we walezi wawo, sunga ku lulelo lwe kadatu na lwe kane lwa wono wasulile.”

Isaya 44:17

Ne mabici ganji gono gasigaye go mubici wuwo du, kawa kusesa cihwani, na hanyuma yayo ati, kawa kucinamila no kucihemba. Kawa kucilomba yakutya, “Agwe yo gwegwe mulungu wangu, nghukulomba wumhonye!”

Yelemiya 29:22

Nawo i wanhu wono wasolwa nha wafungwa ku Yelusalemi, no kutegulwa ku Babiloni, hono wawe kusaka kumulijita munhu, wosuma kutya, ‘U Muwaha Mulungu yakutendele nha vyono yamutendela Zedekiya na Ahabu, wono u mutemi wa Babiloni, yawakasika mu moto wali nyumi!’

Danyeli 2:5

Mutemi yakawalonjela yakatya, “Ndoto yeneco nayisemwa, ninga nakondya kulamula vyono nyenye yo munojeye munonjele yiyo ndoto yangu, hanyuma munonjele ne nhunizo yayo. Na hono mulemegwe, modumulwa vibimha vibimha, nizinoze ne zikaya zenyu gawe matongo.

Danyeli 3:11

Na muli wose mono sikofugama no kucihemba cihwani cici, yimunojeye yagumilwe mwi'lambi lyo moto.

Danyeli 3:15

Ale, 'lu, hono muhulice mililo ye zindulele, ne zifilimbi, ne masumbi, ne mazeze, ne zindonondo, ne vidananda, hamonga ne mihilimo yose ye masumbi, hobaho mufugame no kucihemba cihwani. Hono mulece kunoza nhavivyo, mowopwa no kugumilwa mwi'lambi lyo moto. Mukwihwesa 'lo ko yuli mulungu yunji mono komuponyenyi?”

Danyeli 3:21

Hobaho wakawawopa, nawo wali wavwalile viswanu zishati, ne zikanzo ne zikofiya, wakawa kuwagumila mwi'lambi lyo moto wono wukwaka hamonga na vyose vyono wali wavwalile.

Danyeli 3:7

Ale, lo lulo lulo wakahulika masumbi galila, wanhu wose wakenama no kucihemba cihwani ce zahabu, cono mutemi Nebukadineza yacisimizye.

Danyeli 5:19

Nayo yali mogopwe ne wanhu wose we makungugo ne zimbeyu na we milonjele yose, wamogopaga muno muno no kucicima. Lono yasakaga kumuwulaga yunji, yamuwulagaga du. Na lono yasakaga kumuwopolela yunji yekale mumi, yamuwopolelaga du. Yawapelaga lilumbo wono yasakaga, na wono yasakaga kuwanyetye, yawanyetyaga.

Danyeli 6:7

Ase wose mono cikulongoza mu wutemi wako, co walanjilizi, ne walongola ne walamuzi, ne wanyamhala wa mu matumbi, na wose wono wena wulajilize na wose wa mu wulongola wuwu, cilumbaniza vyono, Agwe go mutemi, yikunojeye wulavye wulajilize, kanyhi wuwutyatilile viswanu. Alu wulavye lilajilizo wutye, mu vilo makumi madatu, kusina munhu mono kosuma kulomba nghani yo yose kuli mulungu yunji, hamba kuli munhu yunji wo wose, langa hono si kwako du gwegwe go mutemi. No munhu wo wose mono kobena wulajilize wuwo, yimunojeye yagumilwe mu mhango yono yimemile zisimba.

Matayo 13:42

no kuwatajila mwi'lamba lyo moto, na kuko wolowa kulila no kugwezula meno.

Matayo 13:50

No kuwagumila i wabi mwi'lamba lyo moto. Na kuko wowa kulila no kugwezula meno.”

Matayo 4:9

Setani yakawa kumutya Yesu, “Hono wufugamile, wuhembe, ale, ivinhu vivi vyose vyono wukuviwona, nokupela gwegwe viwe vyako.”

Maluko 6:27

Ale, umutemi yakamulajiliza umusilikale yakabita, yakamudumula mutwe Yohana mumo mu jela,

Wugubule 14:11

Lyosi lyo moto wo wugazwe wawo, lifunghaga cibitilila ne cibitilila. I wanhu wawo langa wono walihembaga lilimu lilyo hamonga ne cihwani calyo, kanyhi wakawicilwa ne citanjilo ce litagwa lyalyo, wawo wolowa wasina wucehe wo wose ku misi na ku cilo.

Wugubule 9:2

Ale, inyelezi yiyo yikalidigula lilyo i likombo lyo wuninyina, na mumo mwikombo mukalawa lyosi, likawa lyosi lye 'lambi yiwaha. Lizuwa no mwanya vikatukuwazwa no wutitu we lyosi lilyo lya mwikombo lyo wuninyina.