Danyeli 3:28 - Luganuzi Luswanu Kuli Wanhu Wose 2002

²⁸ Mutemi yakatya, “Yalumbwe Mulungu wa Shedilaki, Meshaki na Abedinego! Hambi nha kamutuma Malayika wakwe, kawaponya wawa wanhu wakwe, wono wakumwitumamila no kumwihuwila. Walema malajilizo gangu, wawa kwisuza wumi wawo. Wawona ciba wafwe, si nho kumuhemba mulungu yunji, langa Mulungu wawo du.

Danyeli 3:28 ပူးပေါင်းရင်းမြစ်များ

Mwamulizo 9:26

Kanyhi yakatya, “Nayo Semu, u Mulungu wangu yamulugutize Nayo Kanani yaweze muwanda wa Semu.

1 Zinghomo 5:20

Akuno wali wamwitumbiye Mulungu, wakamulomba yawapele wutazi. Nayo Mulungu yakawahulika wulombe wawo, yakawapela wusume wuwaha kuli Wahajili, hamonga ne wekalani wayawo wono vyali vilunzize nawo.

2 Zinghomo 20:20

No wusiku wali weza kwela, i mitondo yaco, hakali mitondo muno muno, i wanhu wose wakawa kubita ku nyika ya Tekowa. Nawo lono wali wakondya kwiwikaniza ho watuluce, mutemi Yehoshafati, yakawalonjela yakatya, “Anye nyo wanhu wa Yuda na Yelusalemi! Mumwitumbilaje Muwaha Mulungu, u Mulungu wenyu, kanyhi mweze mukamile. Kanyhi mwihuwile zinghani zono wawizi wakwe womulonjelenyi, nanye holeka motuga wuswanu.”

2 Zinghomo 32:21

Nayo Muwaha Mulungu yakawuhulika wulombe wawo, yakawa kumutuma malayika wakwe, yakabita yakawa kuwawulaga wasilikale wose we Ciashuli, hamonga ne walongola wawaha wose we lipuga lye wasilikale. Hodu, u mutemi wa Ashuli, yakawa kuwuya ku Ashuli ne cevu ciwaha. Na mwi'zuwa linji, lono yali yali mugati mu wuhembelo we milungu yakwe, i wanagwe we cilume wakenjila, wakawa kumuwulaga ne mimaje yawo.

Ezila 1:3

Mulungu yawe hamonga na nyenye wose mo wanhu wakwe. Alu mubite ku Yelusalemi, ho mukazenje kanyhi Nyumba yo Muwaha Mulungu, u Mulungu wa Isilayeli, hambi nha yo Mulungu mono kahembwagwa ku Yelusalemi.

Ezila 6:11

Nghonjeleza kulikangaza lilajilizo lili vyono hono yunji yakawanize wulajilize wuwu, ale, wusomolwe mucici wa mu nyumba yakwe, wuseswe wuwe lumambo lono lwina cisonje cikali, ho yakomanhilwe mu muwili wakwe. Ne kaya yakwe yinozwe yiwe cugulu.

Zabuli 103:20

Nanye nyo wamalayika mono muli vilungo, mumukumye Muwaha Mulungu, mukumyenyi anye mono mwibate ze malajilizo gakwe, mono mwibate ne nghani yakwe!

Zabuli 147:11

langa mwene kendezwaga, ne wanhu wono wamogopile, wanhu wono wetumbilaga lusungu lwakwe.

Zabuli 33:18

U Muwaha Mulungu, kawalanjililaga wose wono wakumuhulika, wanhu wose wono wetumbiye lusungu lwakwe.

Zabuli 33:21

Nase cisangalaye ku so mwene, kanyhi cilitumbiye litagwa lyakwe lyono lyelile.

Zabuli 34:22

Muwaha Mulungu kowaponya wanhu wakwe, na wose wono wakutiziza kuli mwene, si wolipicizwa yaye.

Zabuli 62:8

Nye nyo wanhu, mumwitumbile Mulungu nhondo zose, kanyhi mumulonjele ne visakwa vyenyu. Hambi Mulungu nha wo wutizizo wetu.

Wutuluce 20:5

Wulece kuvihemba hamba kuvitumamila, hambi ane no Muwaha Mulungu, u Mulungu wako, nha nili Mulungu wo wivu, Nane nghuwalipiciza wana wubi we walezi wawo, sunga ku lulelo lwe kadatu na lwe kane lwa wono wasulile.”

Isaya 12:2

Mulungu yo mhonelo yangu nomwitumbila mwene, hamba si nokogopa cinji yaye. Hambi Muwaha Mulungu, nha yo kamhelaga 'ne vilungo no wusume, kanyhi yo muponyi wangu.

Isaya 37:36

Lolulolulo malayika wo Muwaha Mulungu yakawa kubita ku nghambi ye Waashuli, yakawa kuwawulaga wasilikale we Waashuli waficile elufu yigana limonga na makumi munana na yihano. Na mwizuwa lye kejete, hakali mitondo muno muno, wasilikale wose we Waashuli wakawa wakondya kufwa!

Isaya 50:10

Nanye wose mono mumuhulice Muwaha Mulungu, no kuzihulika zinghani zo mwitumami wakwe, mumanye nha vyono mokola mu nzila yo wutitu tuku. Ninga anye mumwitumbile du Muwaha Mulungu mumwegamile Mulungu wenyu.

Danyeli 2:47

Mutemi yakatya, “Mbeka Mulungu wako yo Muwaha muli milungu yose. Yo Muwaha Mulungu muli watemi, yo mwene kagubulaga calinze zono hundikwe. Alu nakondya kuzimanya zizi, hambi nha wakondya kundoloseza nghani yiyi yono yali hundikwe.”

Danyeli 3:25

Kanyhi yakawatya, “Alu nhawule nghuwona wanhu wane, wono wakujendajenda mu moto? Kanyhi hamba siwawopwe yaye, hamba siwakulajila vyono watamiswe. No muyawo we kane, yakwijela kotya nha malayika.”

Danyeli 4:34

Mutemi yakatya, “Na lono myaka mupunghati yali yakondya kupuluta, nghenula meso gangu kucanyha, ne mahala gangu gakambuyila kanyhi, nghamulumba Mulungu Mono Yalawiliciye, nghamupela lilumbo no lukumyo mwene mono kekalaga cibitilila. “Mwene kolotema cibitilila. No wutemi wakwe hamba siwuladuma yaye.

Danyeli 6:16

Hobaho mutemi yakalajiliza vyono Danyeli yebatwe. Hobaho Danyeli yakawa kwibatwa, yakagumilwa mu mhango ye zisimba. Mutemi yakamulonjela Danyeli yakamutya, “Ale, u Mulungu wako mono kumwitumamilaga nhondo zose, yo yuyo mono kokuponya.”

Danyeli 6:26

Nene Daliyo, nghumulajilizenyi anye wose wa mu wutemi wangu, vyono wanhu wose, munojeye mumogope no kumupela cogopo Mulungu wa Danyeli. “Mwene yo Mulungu mumi, Mono kolotema cibitilila. No wutemi wakwe, siwulahodanjika yaye, ne vilungo vyakwe sivyoloduma yaye.

Matayo 4:10

Baho nhondo, Yesu yakamulonjela Setani yakatya, “Bita ko Setani! Hambi nha yandikwe vyono, ‘Komuhemba Muwaha u Mulungu wako, nagwe komwitumamila u mweneco yali wene du.’ ”

Metumo ge Watumwa 4:19

Ninga Petelo na Yohana wapitula wakawatya, “Ale mulonje, hono yo ling'ani hali Mulungu cimuhulicenyi nyenye si nho kumuhulika Mwene.

Metumo ge Watumwa 5:19

Ninga ne cilo, Malayika wo Muwaha yakadigula milango ye jela, yakawalavya kunze, yakatya,

Walumi 12:1

Holeka wandugu zangu, vyono u Mulungu yo wo lusungu lwinji, holeka nghumunenenyi ko mutima wangu wose, mwiyilavye nyenye mo weneco muwe likumbiko lyumi, lyelile, lyono likumunojeza u Mulungu. Na yiyi yo nzila yenyu yo kumuhembela mu wulunji.

1 Wakolinto 13:3

Na hono ndavye i sawo yangu yose no kuwapela waciwa, na hamba niwulavye muwili wangu wunyanywe mu moto, ninga hono niwe sina wendo, azo zose si zonghwila cinji yaye.

Wafilipi 1:20

U wuhile wangu no witumbilo wangu, ho ndece kulemwa mu wufisiliza u mulimo wangu, langa nojendelela kuwa na nhumbula yono yikamile mu mapango gose na ko muno mwipango lili, ho mu mikalile yangu yose, hono niwe nghali mumi hamba hono niwe nafwa, nimutujile Kilisito lilumbo.

Wahebelaniya 1:14

I Wamalayika, yo myuhe du yono yikumwitumamila u Mulungu, nayo u Mulungu kawatumaga ho wawataze wawalya wono wowubocela u wukombozwe.

Wahebelaniya 11:37

Watowangwa ne mabwe, wakademulangwa, wakawulagwa no mumaje. Wakawa kupilima-pilima wavwalile nyhingo ze zingholo ne zimhene, wakawa waciwa, wono wagazwa no kutendelwa vibi.

1 Petelo 1:21

Na mu nzila yakwe, anye mukumwihuwilo Mulungu mono yamuzukula muli wafu no kumupela lukumyo, holeka uwihuwilo no witumbilo wenyu wuli kuli Mulungu.

Wugubule 12:11

Nawo iwandugu zetu wakamusuma ku so sakami yo Mwana we ngholo, na kwe vilungo vye nghani yono wayiganula, kanyhi wawuwona no wumi wawo si cinji, hamba wafwe.