Danyeli 3:27 - Luganuzi Luswanu Kuli Wanhu Wose 2002

²⁷ Lulo, wose wa mwi'kulu, ne walongola wa mu matumbi, na wose wono wena wulajilize, hamonga ne wetumami wanji wose wo mutemi, wakekongholela hamonga, ho wawalanje wanhu wawa i wadatu wono hamba si watamiswe no moto yaye. Zimvwili zawo hamba sizatakamila, ne myenda nayo siyatakamila, hamba kutuga munungho du bwete we lyosi mu miwili yawo.

Danyeli 3:27 ပူးပေါင်းရင်းမြစ်များ

1 Watemi 13:28

Nayo yakatuluka yali mucanyha ye ndogowe, yakawagana muwili wo muwizi mono yakalawa ku Yuda, wuli mu nzila ne ndogowe hamonga ne simba, navyo vyo vimile baho du ha mhelo. Nalyo lisimba hamba si lyawulya u muwili wo muwizi, hamba kuyilya ndogowe yaye.

2 Watemi 19:19

Holeka aluno go Muwaha Mulungu go Mulungu wetu, cikukunena wuciponye mu miwoko ye Waashuli. Ne makungugo gose ga mononze, ho gomanya nha vyono yo gwegwe du wuli wene, go Muwaha Mulungu.”

Zabuli 83:18

Ho wamanye vyono yo gwegwe du wuli wene, go Muwaha Mulungu, Mulungu Mono Wulawiliciye mu yinze yose.

Isaya 26:11

Ne walugu wako nawo, hamba si wakumanya yaye nha vyono kowalipiciza. Gwe go Muwaha Mulungu, wuwakozaje cevu, wuwalece wenjile mu magayo go wulipicizwe wono wuwawikanizize. Ninga 'gwe, wuwalajile zo wendo wako kuli wanhu wako.

Isaya 43:2

Na kolo mukukola mu malenga matali, ane nowa nili hamonga nanye. Ne magayo genyu, hamba si gomugubizenyi yaye. Na kolo mukukola mu moto, hamba si mopya yaye, ne majelo mawaha muno, hamba si gomusumizenyi yaye.

Danyeli 3:21

Hobaho wakawawopa, nawo wali wavwalile viswanu zishati, ne zikanzo ne zikofiya, wakawa kuwagumila mwi'lambi lyo moto wono wukwaka hamonga na vyose vyono wali wavwalile.

Danyeli 6:23

Mutemi yakasangalala muno muno, yakalajiliza wamulavyanize Danyeli mu mhango. Hobaho wakamulavyaniza Danyeli kunze. Nayo Danyeli vyono yali yamwihuwiye Mulungu, yakejela yasina hamba nghomele yo yose mu muwili wakwe.

Danyeli 6:7

Ase wose mono cikulongoza mu wutemi wako, co walanjilizi, ne walongola ne walamuzi, ne wanyamhala wa mu matumbi, na wose wono wena wulajilize na wose wa mu wulongola wuwu, cilumbaniza vyono, Agwe go mutemi, yikunojeye wulavye wulajilize, kanyhi wuwutyatilile viswanu. Alu wulavye lilajilizo wutye, mu vilo makumi madatu, kusina munhu mono kosuma kulomba nghani yo yose kuli mulungu yunji, hamba kuli munhu yunji wo wose, langa hono si kwako du gwegwe go mutemi. No munhu wo wose mono kobena wulajilize wuwo, yimunojeye yagumilwe mu mhango yono yimemile zisimba.

Matayo 10:30

Ninga kulubavu lwenyu, sunga ne zimvili za mu mitwe yenyu mbalwe zose.

Metumo ge Watumwa 26:26

Gwegwe mutemi wuzimanyile zizi, holeka nosuma kulonga sina woga ha mwande yako. Nane manyile vyono, zizi zose zili calinze hali 'gwe, hambi nha hasina yinji yono yanozezwa kumhelo.

Metumo ge Watumwa 27:34

Holeka nghumunenenyi, mulye ndigwa, hambi nha yo mhonelo yenyu. Hambi nha hasina hamba luvwili lumonga lwa mu mitwe yenyu lono lokwajilila.”

Wahebelaniya 11:34

wayizimya myoto mikali, wakapona mu wuwulagwe no mumaje. Wali wasocele, ninga wakatuga vilungo. Wali wena inhumbula yono yisina woga mu wulugu, wakagasuma i malugu ge wajenzi.