Danyeli 3:26 - Luganuzi Luswanu Kuli Wanhu Wose 2002

²⁶ Hobaho Nebukadineza yakenuka yakasejelela behi no moto, yakacemeleza kwe vilungo yakatya, “Shedilaki! Meshaki! Na Abedinego! Wetumami wo Mulungu mumi! Mulawile muze kuno!” Nawo wakalawaniza lwa kamonga.

Danyeli 3:26 ပူးပေါင်းရင်းမြစ်များ

Mwamulizo 14:18

Nayo Melikizedeki u mutemi we likaya lya Salemu, mono yali yo mukohani wo Mulungu Mono Yalawiliciye, yuyo yakaleteleza no mukate ne divayi kuli Abulamu,

1 Watemi 8:51

Hambi wene nha wanhu wako wono wawawusa ku yisi ya Misili mwi 'lambi lyo moto.

Ezila 5:11

“Nawo wakacipitula wakatya, ‘Ase yo sese mono cili wetumami wo Mulungu wa ku wulanga ne yinze. Sunga nalulu kanyhi, cikuyizenga Nyumba yo Mulungu yono yali nzengwe ku wulawa mwamulizo no mutemi we Waisilayeli, mono yali yali vilungo mu myaka minji yono yapuluta, nayo yakayizenjela sunga ne majinji gayo.

Zabuli 66:12

Kuwaleka walugu wetu wacikanyanjile, cikolela mu moto na mu malenga. Ninga luno wakondya kucileta hanhu hono hapolile.

Isaya 28:16

Ninga 'lu, muhulicize zono Muwaha Mulungu yakumulonjelenyi yakutya, “Alu nane nghuwika mu Sayuni musinji wono wuli vilungo, kanyhi wukamile. Kanyhi nghuwika ne libwe lye nhuzi lyo wuguzi wukamu, lyono lyowa lyandicigwe zinghani azi, ‘Wihuwilo wono wukamile, wina no wukangalizi.’

Isaya 52:12

Ninga muhinzo wuwu, mowa musina soko yo kuwucila musunho, kanyhi mowa musina soko yo kwihema. Hambi u Muwaha Mulungu u Mulungu wenyu nha yo komutonjenyi no kumucitilenyi mbavu zose.

Yelemiya 11:4

Hambi nha co cilagane cono nacinoza ne walezi wawo, lono nawawusiza mu yisi ya Misili, mu yisi yono yali yinha nha moto mukali kuli wene. Nane nghawalonjela nha vyono wahulice 'ne no kwituma zinghani zose, zono nawalajiliza. Nane nghawaloloseza nha vyono, hono wazibate, wowa wanhu wangu, nane nowa Mulungu wawo.

Danyeli 2:47

Mutemi yakatya, “Mbeka Mulungu wako yo Muwaha muli milungu yose. Yo Muwaha Mulungu muli watemi, yo mwene kagubulaga calinze zono hundikwe. Alu nakondya kuzimanya zizi, hambi nha wakondya kundoloseza nghani yiyi yono yali hundikwe.”

Danyeli 3:17

Langa u Mulungu wetu mono cikumuhemba, yo kosuma kucitaza mwi'lambi lyo moto, hamonga na mu vilungo vyako.

Danyeli 4:2

Hulicizenyi zinghani ze vitanjilo, ne mezino, zono u Mulungu mumi yandajiye.

Danyeli 6:20

Yaza kufika ha mhango, yakacemeleza ko wukalale yakutya, “Danyeli, 'gwe go mwitumami wo Mulungu mumi! Wule, u Mulungu mono kumwitumamilaga kwe cogopo muno muno, kasuma kukuponya mu zisimba?”

Danyeli 6:21

Danyeli nayo yakamupitula yakamutya, “Gwe mutemi wuwumipe cibitilila!

Danyeli 7:25

No mutemi yuyo, kolomutovula Mulungu Mono Yalawiliciye no kuwewonela i wanhu wo Mulungu. Mutemi yuyo kolojela yawakawaniziza i wanhu wo Mulungu, u wulajilize wo wuhembi wawo, hamonga ne zisikukuu zawo. Nawo i wanhu wo Mulungu wolowa hasi yo wulajilize wakwe, myaka midatu na myezi mutandatu.

Metumo ge Watumwa 16:17

Hodu, muhinza yuyo, yakawa kumutyatya Pawulo na sese, akuno yakuzoza, yakutya, “Wanhu awa wo wetumami wo Mulungu Mono yalawiliciye Muli vyose, wono wakumuganulilenyi nzila ye mhonelo.”

Metumo ge Watumwa 16:37

Ninga Pawulo yakatya, “Ati wukutya cici? Ase cali cisina yisutya, ninga wacikuna viboko hamwande ye wanhu cikali naling'anizwa na kumbe ase cili wanhu we Cilumi. Kanyhi wacitajila mu jela, alu kanyhi wakusaka kucilavyaniza mu jela cinyele hongo? Si yosumika hamba hadodo. Yiwanojeye waze weneco bahano, wo wacilavye kunze.”

Metumo ge Watumwa 27:23

Ku soko Malayika wo Mulungu wangu, mono nimuhembaga, kema hali nene mu cilo ce zuwali,

Wagalatiya 1:10

Alu'mbi kanyhi nghusaka wukombolwe wa nani, we wanhu hamba wo Mulungu? Hamba nghusaka kuwendeza wanhu lo? Na hono noze nhavivyo, kwaco, ane si nali niwe mwitumami wa Kilisito.

Wukumbucize wo Wulajilize 4:20

Ninga anye muli wanhu mono mwawuswa ku Misili, mwi kongojelo lyono likwaka moto mukali. Yakamuletenyi, ho yamunozenyi muwe wanhu wakwe, nha vyono mwinha izuwali.

Yoshuwa 3:17

Lono wanhu walowokaga likolongo wakujenda hakavu, i wakohani nawo wali wemile muciligati ye likolongo lya Yoludani mu muhangha mukavu, akuno walidinghuye ne Lisanduku lye Cilagane, sunga lono i wanhu wose wali wakondya kulowoka.

Yoshuwa 4:10

Nawo wakohani, wakajendelela kwima haciligati ye likolongo lya Yoludani du, sunga milimo yose yikakondya yono Muwaha Mulungu yali yamulajiliza Yoshuwa yawalonjele wanhu wayitume. Na zizi zo Musa yali yalajilize kuli Yoshuwa. Baho wanhu wose wakeyoha mbela mbela wakalilowoka likolongo.

Wugubule 19:5

Hanyuma lizi likalawa mwigoda lyo wutemi, likutya, “Mumulumbo Mulungu anye nyo wetumami wakwe wose, na wose mono mumogopile, i wadodo ne wawaha.”