Danyeli 3:25 - Luganuzi Luswanu Kuli Wanhu Wose 2002

²⁵ Kanyhi yakawatya, “Alu nhawule nghuwona wanhu wane, wono wakujendajenda mu moto? Kanyhi hamba siwawopwe yaye, hamba siwakulajila vyono watamiswe. No muyawo we kane, yakwijela kotya nha malayika.”

Danyeli 3:25 ပူးပေါင်းရင်းမြစ်များ

Jobu 1:6

Ne lizuwa lyali lyeza kufika, lyono lyali linojeye i viwumbwa vya ku wulanga, vilajile hali Muwaha Mulungu, kumbe nayo Setani yali yali mu ciligati yawo.

Jobu 38:7

Hakali mitondo muno ya mwizuwa lilyo, zinyelezi zemba hamonga, ne viwumbwa vyose vya ku wulanga, vikemba na mazi mawaha ne nyemo.

Jobu 5:19

Nayo vilo vyose kokuponya kali kenji mu magayo gako gose, na mumbali ye ndumilizo, u wubi si wokupamiza.

Zabuli 34:7

Nayo malayika wo Muwaha Mulungu, kawadimaga wose wono wamogopile, kanyhi kawaponyaga mu zimbali.

Zimbazi 30:4

Alo nani 'mbi mono yagatema mahala ga ku wulanga? Hamba nani mono yasuma kuyifumbata mbeho mu muwoko wakwe? Hamba mono yasuma kugavunga malenga mu citema? Hamba mono yawika mipaka ye yinze nani? Alo yo nani mwene, hono wumumanyile? Ne litagwa lyo mwanagwe nani?

Isaya 43:2

Na kolo mukukola mu malenga matali, ane nowa nili hamonga nanye. Ne magayo genyu, hamba si gomugubizenyi yaye. Na kolo mukukola mu moto, hamba si mopya yaye, ne majelo mawaha muno, hamba si gomusumizenyi yaye.

Yelemiya 1:19

Holeka wene wolewana nagwe, ninga si wokusumila lukulu. Hambi ane nha nowa nili hamonga nagwe ho nghudime. Vyo nghutya ane no Muwaha Mulungu.”

Yelemiya 1:8

Holeka wulece kuwogopa i wanhu wawo, hambi ane nha nowa hamonga nagwe ho nghudime. Vyo nghutya ane no Muwaha Mulungu.”

Yelemiya 15:21

Nane nokuponya mu miwoko ye wanhu wabi, ne wanhu wagazi. Vyo nghutya ane no Muwaha Mulungu.”

Danyeli 3:18

Na hono yalece kucitaza, ninga wutemi wako wumanye, vyono mbeka, ase sicosumila lukulu kumuhemba mulungu wako hamba si cocifugamila ne cihwani cako ce zahabu cono wacisimya.”

Danyeli 3:24

Mu cipango cico, Nebukadineza yakenuka mwi'goda ko wizine wuwaha. Yakawawuza wetumami wakwe yakawatya, “Mwene mbeka ciwawopa wanhu wadatu, ciwa kuwagumila mwi'lambi lyo moto?” Wakamupitula wakamutya, “Heya, vyo citendile gwe mutemi.”

Danyeli 3:28

Mutemi yakatya, “Yalumbwe Mulungu wa Shedilaki, Meshaki na Abedinego! Hambi nha kamutuma Malayika wakwe, kawaponya wawa wanhu wakwe, wono wakumwitumamila no kumwihuwila. Walema malajilizo gangu, wawa kwisuza wumi wawo. Wawona ciba wafwe, si nho kumuhemba mulungu yunji, langa Mulungu wawo du.

Danyeli 6:23

Mutemi yakasangalala muno muno, yakalajiliza wamulavyanize Danyeli mu mhango. Hobaho wakamulavyaniza Danyeli kunze. Nayo Danyeli vyono yali yamwihuwiye Mulungu, yakejela yasina hamba nghomele yo yose mu muwili wakwe.

Maluko 16:18

Na hono webate nzoka, hamba kung'wa cinji co cose cono cina sumu, sicowatamisa yaye.” Kanyhi wowawicila miwoko yawo i watamwa, nawo watamwa wopona.

Luka 1:35

Malayika yakapitula yakamutya, “U Muhe mono yelile kokuziza, ne vilungo vyo Mulungu Mono Yalawiliciye vyokusiciliza. Holeka mwana mono kolela, kocemwa Yelile, Mwana wo Mulungu.

Metumo ge Watumwa 28:5

Ninga Pawulo yakayikung'unhila nzoka mu moto, hamba si yawa cinji.

Walumi 1:4

na ku soko yo wele wakwe wo Wulungu, yahomelelwa kwe vilungo viwaha vyono, u mwene yo Mwana wo Mulungu, ku so wuzuce wa muli wafu.

1 Petelo 3:13

Nani 'mbi mono komutendelenyi anye vibi, hono muzikamise zo wituma ziswanu?