Danyeli 3:24 - Luganuzi Luswanu Kuli Wanhu Wose 2002

²⁴ Mu cipango cico, Nebukadineza yakenuka mwi'goda ko wizine wuwaha. Yakawawuza wetumami wakwe yakawatya, “Mwene mbeka ciwawopa wanhu wadatu, ciwa kuwagumila mwi'lambi lyo moto?” Wakamupitula wakamutya, “Heya, vyo citendile gwe mutemi.”

Danyeli 3:24 ပူးပေါင်းရင်းမြစ်များ

2 Zinghomo 22:4

Yaketuma zimbi hali Muwaha Mulungu, vyono lono sogwe yakondya kufwa, mwene yakasola wanji wa mu mhuga yo mutemi Ahabu, yakawanoza wawe wo watazi wakwe mu zinghani, nawo wakamulongoza sunga ko ku wongomele.

Danyeli 3:17

Langa u Mulungu wetu mono cikumuhemba, yo kosuma kucitaza mwi'lambi lyo moto, hamonga na mu vilungo vyako.

Danyeli 3:23

Lulo Shedilaki, Meshaki na Abedinego, wali vyo wawopwe du, wakagumilwa haciligati ye lilambi lyo moto.

Danyeli 3:25

Kanyhi yakawatya, “Alu nhawule nghuwona wanhu wane, wono wakujendajenda mu moto? Kanyhi hamba siwawopwe yaye, hamba siwakulajila vyono watamiswe. No muyawo we kane, yakwijela kotya nha malayika.”

Danyeli 4:22

“Gwe mutemi, agwe yo gwegwe wo mubici wuwo mutali muno, kanyhi wuli vilungo. No wuwaha wako wuwiluce sunga ko ku wulanga, ne vilungo vyako vitandaye sunga mu yinze yose.

Danyeli 4:27

Holeka Gwe mutemi, nghukunena wibataje nghani yangu yono nghukupela, nghutya nhavi, ‘Wulecele lukulu kwituma wubi, langa wanze kwituma ze ling'ani, kanyhi weze kuwawonela lusungu i waciwa.’ Baho ho kojendelela kwikala viswanu hamonga ne nyemo mu vilo vyose vyo wikale wako.”

Danyeli 5:18

U Mulungu Mono Yalawiliciye, yo yamunoza sogo Nebukadineza yawe mutemi muwaha. Yakamupela ne nhojo ne lilumbo.

Danyeli 5:6

Hobaho wusu wakwe wukasininghala so woga, ne mafugamilo gakwe gakanza kucicima.

Danyeli 6:22

Mulungu kandetela Malayika mono kazidinda milomo zisimba, ho zilece kuhawanga. Kanoza nhavivyo, vyono kawona ane sina yisutya lyo lyose kuli mwene, hamba kuli'gwe, go mutemi.”

Danyeli 6:7

Ase wose mono cikulongoza mu wutemi wako, co walanjilizi, ne walongola ne walamuzi, ne wanyamhala wa mu matumbi, na wose wono wena wulajilize na wose wa mu wulongola wuwu, cilumbaniza vyono, Agwe go mutemi, yikunojeye wulavye wulajilize, kanyhi wuwutyatilile viswanu. Alu wulavye lilajilizo wutye, mu vilo makumi madatu, kusina munhu mono kosuma kulomba nghani yo yose kuli mulungu yunji, hamba kuli munhu yunji wo wose, langa hono si kwako du gwegwe go mutemi. No munhu wo wose mono kobena wulajilize wuwo, yimunojeye yagumilwe mu mhango yono yimemile zisimba.

Metumo ge Watumwa 12:13

Nayo Petelo yakakong'onha mulango, no mwitumami yumonga we cihinza litagwa lyakwe Loda, yakabita ku mulango kwidika.

Metumo ge Watumwa 26:13

Gwe go mutemi Agilipa, lono nali nili mu nzila mwipango lye saa sita ne misi, nghawona wuzelu wulawile ku wulanga, wucizize wumulice we lizuwa, wukamulicila kose kose nene na wono cajendana nawo.

Metumo ge Watumwa 26:27

Gwe mutemi Agilipa, wukuwehuwila wawizi hongo? Manyile vyono wukuwehuwila.”

Metumo ge Watumwa 9:6

Ninga winukaje wukenjile mwi'kaya, na kuko kolonjelwa yono yikunojeye witume.”

1 Samwili 17:55

Sawuli yali yeza kumuwona Dawudi yakubita vikehome na Goliyati, yakawa kumuwuza Abineli u mulongola we lipuga lye Wasilikale wakwe, yakatya, “Ati gwe Abineli, mwene mwana yuyu mwana nani?” Abineli yakamupitula Sawuli yakatya, “Agwe go Mutemi, hamba na nene mbeka si nimanyile.”