Danyeli 3:18 - Luganuzi Luswanu Kuli Wanhu Wose 2002

¹⁸ Na hono yalece kucitaza, ninga wutemi wako wumanye, vyono mbeka, ase sicosumila lukulu kumuhemba mulungu wako hamba si cocifugamila ne cihwani cako ce zahabu cono wacisimya.”

Danyeli 3:18 ပူးပေါင်းရင်းမြစ်များ

1 Watemi 19:14

Nayo Eliya yakapitula yakatya, “Gwe go Muwaha Mulungu, go Mulungu we mihanga, ane nhondo zose nali kukwitumamila gwegwe du wuli wene. Ninga i wanhu wa Isilayeli, wakondya kucibena cilagane cako na wene. Wavibenanga vikumbicilo vyako, wawawulaga ne wawizi wako, nane nasigala nili wene du. Nawo lu, wakunondola nane wambulaje.”

1 Watemi 19:18

Hamba nhavivyo, nane nosigaza wanhu elufu mupunghati mu Isilayeli, wono wanyogopile nene, kanyhi wono si wamuhembaga Baali, hamba kucinonela ne cihwani cayo.”

Jobu 13:15

Hambi witumbilo wangu wose nha wawuka, holeka hamba Mulungu yambulaje, ninaci? Nane nobita du nghamulonjele zangu.

Zimbazi 28:1

Nawo i wabi, watizaga wakumangha, na hono hasina munhu wo wose mono yakuwawinga. Ninga u munhu we ling'ani, yapetuce yenha simba.

Danyeli 3:28

Mutemi yakatya, “Yalumbwe Mulungu wa Shedilaki, Meshaki na Abedinego! Hambi nha kamutuma Malayika wakwe, kawaponya wawa wanhu wakwe, wono wakumwitumamila no kumwihuwila. Walema malajilizo gangu, wawa kwisuza wumi wawo. Wawona ciba wafwe, si nho kumuhemba mulungu yunji, langa Mulungu wawo du.

Walawi 19:4

Mulece kundeka no kuhemba milungu yo wulambi. Kanyhi mulecele lukulu kwinozeza milungu myenjedulwe no kuyihemba. Ane yo nene Muwaha Mulungu wenyu.

Matayo 10:28

Kanyhi mulece kuwogopa awalya wono wawulagaga u muwili du, na kumbe si wosuma kuyiwulaga nhumbula. Yili ciba muno hono mumogope ayulya mono kosuma kuwongomeza u muwili, hamonga ne nhumbula mu moto we gehena.

Matayo 10:39

Nayo mono yakuwibatiliza u wumi wakwe, yo kowajiliza, langa mono yakuwajiliza u wumi wakwe ku soko yangu, yuyo langa kowutuga.”

Matayo 16:2

Ninga Yesu yakawapitula, yakawatya, “Ilipango lye cinyamihe kolo lyafika, anye mutezaga, ‘Kowa kutulile vyono wulanga wudunghu!’

Metumo ge Watumwa 4:19

Ninga Petelo na Yohana wapitula wakawatya, “Ale mulonje, hono yo ling'ani hali Mulungu cimuhulicenyi nyenye si nho kumuhulika Mwene.

Wahebelaniya 11:25

Yakawona vyono yili ciba yagazanwe hamonga ne wanhu wo Mulungu, si nho kwiyendeza no wuswanu wo wubi kwa cidaha cidodo.

Yoshuwa 24:15

Na hono muwe si mukusaka kumwitumamila Muwaha Mulungu, ale muhagule zuwalili, mono momwitumamila. Hamba moyitumamila i milungu yono walezi wenyu wayihembaga ku Mesopotamiya, hamba milungu ye Waamoli wono na mu yisi yawo mo mwikaye. Langa ane na wa mu nyumba yangu, comwitumamila Muwaha Mulungu.’ ”

Wugubule 12:11

Nawo iwandugu zetu wakamusuma ku so sakami yo Mwana we ngholo, na kwe vilungo vye nghani yono wayiganula, kanyhi wawuwona no wumi wawo si cinji, hamba wafwe.