Danyeli 3:17 - Luganuzi Luswanu Kuli Wanhu Wose 2002

¹⁷ Langa u Mulungu wetu mono cikumuhemba, yo kosuma kucitaza mwi'lambi lyo moto, hamonga na mu vilungo vyako.

Danyeli 3:17 ပူးပေါင်းရင်းမြစ်များ

Mwamulizo 17:1

Mu vilo vyono Abulamu yali yaficila myaka makumi cenda ne 'cenda, u Muwaha Mulungu yakamulawila, yakamutya, “Ane yo nene mono nili Mulungu u Mudaha Vyose. Holeka agwe wutyatye wutonji wangu du, ho wuwe wusina yilema.

Mwamulizo 18:14

Alu wule, wukwihwesa hoyili nghani yoyose yono siyisumice hali Muwaha Mulungu? Ale, ane nokuwuyila kanyhi ku mwaka kwinha vivi, no mugolece wako Sala kowa na mwana wa cilume.”

Jobu 34:29

Na hono Mulungu yawe si yakusaka kwituma nghani yinji, alo nani mono kosuma kumuhosa. Na hono yawuhundice wusu wakwe, wanhu wowula wutazi.

Jobu 5:19

Nayo vilo vyose kokuponya kali kenji mu magayo gako gose, na mumbali ye ndumilizo, u wubi si wokupamiza.

Zabuli 115:3

Mulungu wetu'se, yali ku wulanga, nayo mwene ketumaga zose, nha vyono yendile mweneco.

Zabuli 37:39

U Muwaha Mulungu kawaponyaga we ling'ani, no kuwadima mwipango lyo wugaye.

Zabuli 37:40

U Muwaha Mulungu kawatazaga no kuwaponya, kawaponyaga mu wanhu wabi, vyono nawo wamwitumbiye mwene.

Zabuli 73:20

Gwe go Muwaha Mulungu, kolo wukusinhuka, wene wakwajilila kamonga, hamba kukumbucilwa kanyhi, wawa kwihwana nha ndoto, zono munhu kazisemwaga, lono yakwinuka hakali mitondo.

Isaya 12:2

Mulungu yo mhonelo yangu nomwitumbila mwene, hamba si nokogopa cinji yaye. Hambi Muwaha Mulungu, nha yo kamhelaga 'ne vilungo no wusume, kanyhi yo muponyi wangu.

Isaya 54:14

Nagwe kosikamywa mu wiling'ano na mu ling'ani, nagwe hamba si kokwiwonelwa kanyhi hamba kuwa no woga yaye.

Yelemiya 1:8

Holeka wulece kuwogopa i wanhu wawo, hambi ane nha nowa hamonga nagwe ho nghudime. Vyo nghutya ane no Muwaha Mulungu.”

Yelemiya 15:20

Nane nokunoza wuwe nhe lijinji lya shaba muli wanhu wawa. Nawo wokwihoma nagwe, ninga si wokusuma yaye. Nane nowa hamonga nagwe ho nghudime no kukuponya.

Yelemiya 15:21

Nane nokuponya mu miwoko ye wanhu wabi, ne wanhu wagazi. Vyo nghutya ane no Muwaha Mulungu.”

Danyeli 3:26

Hobaho Nebukadineza yakenuka yakasejelela behi no moto, yakacemeleza kwe vilungo yakatya, “Shedilaki! Meshaki! Na Abedinego! Wetumami wo Mulungu mumi! Mulawile muze kuno!” Nawo wakalawaniza lwa kamonga.

Danyeli 4:35

Mono yakuwalanga wanhu wa mono yinze kotya si cinji, Wamalayika ku wulanga ne wanhu wose wa kono'nze, wali mu wutonji wakwe. Hamba hasina yunji mono kobena wulajilize wakwe hamba kuziwuza zono mwene ketumaga.

Danyeli 6:16

Hobaho mutemi yakalajiliza vyono Danyeli yebatwe. Hobaho Danyeli yakawa kwibatwa, yakagumilwa mu mhango ye zisimba. Mutemi yakamulonjela Danyeli yakamutya, “Ale, u Mulungu wako mono kumwitumamilaga nhondo zose, yo yuyo mono kokuponya.”

Danyeli 6:23

Mutemi yakasangalala muno muno, yakalajiliza wamulavyanize Danyeli mu mhango. Hobaho wakamulavyaniza Danyeli kunze. Nayo Danyeli vyono yali yamwihuwiye Mulungu, yakejela yasina hamba nghomele yo yose mu muwili wakwe.

Danyeli 6:27

Mwene kaponyaga no kudima, ketumaga mapoto no wizine ku wulanga na kono'nze. Kamuponya Danyeli, yalece kuwulagwa ne zisimba.”

Mika 7:7

Ninga 'ne, nomulanjilila Muwaha Mulungu, nomulindila Mulungu, mono komhonya 'ne. Nayo Mulungu wangu kohulika 'ne.

Luka 1:37

Hambi nha hasina yono si yisumikaga hali Mulungu.”

Metumo ge Watumwa 20:24

Ninga ane si nghuganiciza wumi wangu nha cinji cikamu kuli'ne, si nho wukondeleze wo muhinzo wangu, no witumami wono nabocela kuli Muwaha Yesu, kuluhomelela u Luganuzi Luswanu lwe lihewa lyo Mulungu.

Metumo ge Watumwa 21:13

Ninga mwene Pawulo yakapitula yakatya, “Alo mukusaka kunoza cici? Mukulila no kunyenyanga mutima wangu? Hambi ne nha nilumbiye si kuwopwa du, langa no kufwila kuko ku Yelusalemi, ku soko ye litagwa lyo Muwaha Yesu.”

Walumi 8:31

Hambi lu muli zizi, ho colonga citye wule kanyhi? Hono u Mulungu yali ku lubavu lwetu, alu nani kanyhi mono kocipingapinga?

2 Wakolinto 1:10

U Mwene yaciponya mu mbali mbaha ye lifwa, kanyhi yakali yakujendelela kuciponya, nase cimuwiciye u witumbilo wetu du, nha vyono kajendelelaga kanyhi kuciponya,

Wahebelaniya 7:25

Holeka u mwene, yadahile nhondo zose kuwaponezya lukulu wose wono wakumubitila u Mulungu muli mwene, hambi u mwene nha kekalaga cibitilila yakuwalombela hali Mulungu.

1 Samwili 17:37

Muwaha Mulungu mono yamhonya mu wulawa mu masimba ne madubu, yo yuyo kanyhi mono komhonya mu miwoko yo Mufilisiti yuyu.” Nayo Sawuli yakamupitula yakatya, “Ale, viswanu, ‘Alu wubite, no Muwaha Mulungu yawezane nagwe.’ ”

1 Samwili 17:46

Nagwe izuwalili du, u Muwaha Mulungu kokutajila mu miwoko yangu, ane nokusumiza nghudumule no mutwe wako. Kanyhi noyisola miwili ye wasilikale we Wafilisiti nizipele zindeje hamonga ne zinimu za mu mbago ziyilye. Ne yinze yose yimanye vyono kumbe Isilayeli wena Mulungu,