Danyeli 3:15 - Luganuzi Luswanu Kuli Wanhu Wose 2002

¹⁵ Ale, 'lu, hono muhulice mililo ye zindulele, ne zifilimbi, ne masumbi, ne mazeze, ne zindonondo, ne vidananda, hamonga ne mihilimo yose ye masumbi, hobaho mufugame no kucihemba cihwani. Hono mulece kunoza nhavivyo, mowopwa no kugumilwa mwi'lambi lyo moto. Mukwihwesa 'lo ko yuli mulungu yunji mono komuponyenyi?”

Danyeli 3:15 ပူးပေါင်းရင်းမြစ်များ

2 Watemi 18:35

Hamba nili 'lo, lono milungu ye zisi zizi, yono yasuma kuyiponya yisi yawo, ku wulawa mu miwoko yo mutemi wa Ashuli? Alu agwe, cicici cene cono cokunoza, sunga wihwese nha vyono Muwaha Mulungu kosuma kuyiponya Yelusalemi?”

Wutuluce 32:32

Ninga aluno go Muwaha Mulungu, ane nghukunena, wuwanenele wubi wawo. Na hono wulece kuwanenela, ale, nghukunena ciba nane wumhate mu citabu cako cono wuwandice wanhu wako.”

Wutuluce 5:2

Nayo mutemi yakawawuza yakatya, “Alo yuyo Muwaha Mulungu yo nani nayo? Hamba nosuma nhawule kumuhulika ho niwakombole Waisilayeli wabite? Ane si nghumumanya yaye yuyo Muwaha Mulungu, hamba si nosuma kuwalecela lukulu Waisilayeli wabite.”

Isaya 37:23

Alu mwene, wukwihwesa nani lo, mono wali kumutovulanga no kumwizwajiza? Agwe mbeka wawula cogopo kuli'ne, ane no Mulungu mono nelile wa Isilayeli.

Danyeli 2:47

Mutemi yakatya, “Mbeka Mulungu wako yo Muwaha muli milungu yose. Yo Muwaha Mulungu muli watemi, yo mwene kagubulaga calinze zono hundikwe. Alu nakondya kuzimanya zizi, hambi nha wakondya kundoloseza nghani yiyi yono yali hundikwe.”

Danyeli 2:9

nha vyono nomulipicizenyi anye wose wulipicizwe wono wiling'aniye, hono mulece kundoloseza i ndoto yiyo. Alu anye wose kumbe mwelumbaniza, ho munonjele zo walambi, akuno mukwihwesa nha vyono hanyuma nokawaniza wulonje wangu. Aluno mwamule munonjele ndoto yangu, nane ho nomanya vyono mbeka mosuma kunonjela ze nhunizo yayo.”

Danyeli 3:17

Langa u Mulungu wetu mono cikumuhemba, yo kosuma kucitaza mwi'lambi lyo moto, hamonga na mu vilungo vyako.

Danyeli 6:16

Hobaho mutemi yakalajiliza vyono Danyeli yebatwe. Hobaho Danyeli yakawa kwibatwa, yakagumilwa mu mhango ye zisimba. Mutemi yakamulonjela Danyeli yakamutya, “Ale, u Mulungu wako mono kumwitumamilaga nhondo zose, yo yuyo mono kokuponya.”

Danyeli 6:20

Yaza kufika ha mhango, yakacemeleza ko wukalale yakutya, “Danyeli, 'gwe go mwitumami wo Mulungu mumi! Wule, u Mulungu mono kumwitumamilaga kwe cogopo muno muno, kasuma kukuponya mu zisimba?”

Matayo 10:19

Holeka kolo wakumutegulenyi kuli mahakama, anye mulece kuwa na mahwele kuli zono molonga hamba lunji molonga nyhici, hambi nha mopegwa yono molonga mu cipango cico.

Matayo 27:43

Yali yamwitumbiye u Mulungu, akuno yakutya, ati u mwene yo Mwana wo Mulungu, ale ta, u Mulungu yamuponyaje, hono yawe yendezwe nayo.”

Maluko 13:11

Nawo kolo wakumwibatenyi, no kumutegulenyi kuli mahakama, mulece kutuga mahwele vyono molongaci, ninga i lipango lilyo kolo lyafika, ale mulonje co cose cono molopegwa, hambi nha si nyenye mono mololonga, langa yo Muhe Mono Yelile.

Luka 12:11

Na kolo wakumutegulenyi mu matang'anilo go wuhembelo, na kuli wawaha, ne watemi, muze mulece kwihwelela molopitula nhawule, hamba mololonga ci.

Luka 13:9

nawo hono wulele mikalo hanyuma, viswanu; ninga hono wulece kulela, langa ho kowutemanga.”

Metumo ge Watumwa 4:19

Ninga Petelo na Yohana wapitula wakawatya, “Ale mulonje, hono yo ling'ani hali Mulungu cimuhulicenyi nyenye si nho kumuhulika Mwene.

Metumo ge Watumwa 5:29

Ninga Petelo lono yali hamonga ne watumwa wayagwe, yakapitula, yakatya, “Cinojele cimuhulice Mulungu, si nhe wanhu.

Metumo ge Watumwa 6:15

Na wose wono wali wali baho he balaza, wakamulanga Sitefano, wakawuwona wusu wakwe weza winha wusu wa Malayika.