Danyeli 3:12 - Luganuzi Luswanu Kuli Wanhu Wose 2002

¹² Alu ko wali wanji wa muli Wayahudi, wono wuwawicile nha walongola mu yisi ya Babiloni, Shedilaki, Meshaki na Abedinego wono sunga nalu wakuwubedegala wulajilize wako gwe go mutemi. Siwakusaka kumuhemba mulungu wako, hamba kufugama ha cihwani cono wacisimya.”

Danyeli 3:12 ပူးပေါင်းရင်းမြစ်များ

Esita 3:8

Hamani yakawa yamutegulila zizi Mutemi Ahasuwelo, yakatya, “Moyili nghungugo yinji yono yiyagaye mu wutemi wako mu matumbi gose. Wono wena myoto yono yisimajiye ne myoto yetu, hamba si yihwanile ne myoto ye wanhu wanji wo wose. Hamonga na zizo, siwakwenda kwibata no kwituma wulajilize wa mu yisi yako. Nane nghwitumbila vyono, sikowawonela soni ho wapegwe wulipicizwe wanhu wawa.

Zimbazi 27:4

Likuwo si litetelaga, kanyhi lihodangaga. Ninga hamba nhavivyo, si lyokwihwana no munhu we mvivi.

Muganuzi 4:4

Kanyhi ngheyijiza vyono kumbe wuhidimbazi wose wo munhu, hamonga no wunghula wakwe wose wa mu witume wakwe, vilawililaga mu wiwonela wivu munhu na muyagwe. Ninga yiyo nayo yo nghani ya bwete du, hambi nha yinha wikataze we bwete du.

Danyeli 1:7

Baho u mulongola muwaha yakawacemela matagwa mapya. Danyeli yakamucemela lya Beliteshaza, Hananiya yakamucemela lya Shedilaki, Mishayeli yakamucemela lya Meshaki na Azaliya yakamucemela lya Abedinego.

Danyeli 2:48

Hobaho yakamuwika Danyeli yawe muwaha mwi'tumbi lya Babiloni, no kumuhumbiliza vipegwa viswanu. Kanyhi yakamuwika yawe yo muwaha muli we mahala wa mu wutemi wakwe.

Danyeli 2:49

Na Danyeli yakamulomba mutemi, yakawawika Shedilaki, Meshaki na Abedinego, nawo wawe wawaha wa mu zinghani zose za mu matumbi ga mu Babiloni. Ninga mwene Danyeli, yakajendelela kwikala mwi'kulu.

Danyeli 3:11

Na muli wose mono sikofugama no kucihemba cihwani cici, yimunojeye yagumilwe mwi'lambi lyo moto.

Danyeli 3:16

Shedilaki, Meshaki na Abedinego wakamupitula wakamutya, “Gwe mutemi, ase sicokwilewela co weneco.

Danyeli 3:29

Alu nane nghulajiliza vyono, munhu wo wose wa mu nghungugo yo yose, hamba wa mu lulelo lo lose, hamba wa mu milonjele yo yose, mono kolonga nghani yo yose yimbi kuli Mulungu wa Shedilaki na Meshaki na Abedinego, munhu yuyo kodumulwa vipiligwa piligwa, ne kaya yakwe yonozwa yiwe 'tongo. Ku soko nha kusina Mulungu yunji mono kosuma kuponya nhavivi.”

Danyeli 3:30

Lulo Mutemi yakawonjeleza lilumbo lyawo wa Shedilaki, Meshaki na Abedinego, wawe wawaha mu matumbi ga Babiloni.

Danyeli 6:13

Hobaho wakamulonjela mutemi wakamutya, “Danyeli yumonga wa muli wahamywa ku wulawilila Yuda, hamba si yakuwukumya wuwaha wako, hamba kuwibata no wulajilize wono walavya. Mwene kamuhembaga du Mulungu wakwe, nghanghulo yidatu nhondo zose.”

Danyeli 6:14

Lo lulo lulo mutemi yali yeza kuzihulika zizi, yakakalala muno muno, yakalondola nzila yo kumuponya Danyeli. Yakajendelela kuyilondola nzila, sunga ne lizuwa likaswa.

Metumo ge Watumwa 17:7

Nayo Yasoni kawenjiza mu kaya yakwe. Nawo wose, wakwituma vyono si vinojeye mu malajilizo ga Kayisali, wakutya ti, “Ko yuli mutemi yunji mono yakucemwa Yesu.”

Metumo ge Watumwa 5:28

“Ase camulemezenyi cagalanze, vyono mulecele lukulu kwijiziza mwi'tagwa lyo munhu yuyu, alu kumbe anye mwagatandaza imafundo genyu hanhu hose mu Yelusalemi, sunga nalu mukuhila kuciletela lilema lyo wufwe wo munhu yuyo.”