Danyeli 3:10 - Luganuzi Luswanu Kuli Wanhu Wose 2002

¹⁰ Gwegwe go mutemi walavya lilajilizo, vyono, hono munhu wo wose yahulice lizi lye ndulele, ne zifilimbi, ne masumbi, ne sinjila ne ndonondo ne vidananda ne mihilimo yose ye masumbi vyeza kutowa, yimunojeye yafugame hasi, no kucihemba cihwani ce zahabu.

Danyeli 3:10 ပူးပေါင်းရင်းမြစ်များ

1 Zinghomo 15:16

Dawudi yakawalajiliza i walongola we Walawi, wawawice Walawi wanji mu mulimo wo kwimba, hamonga no kutowa zing'oma ne masumbi ne zindonondo ne zimbilili na nyemo mbaha.

1 Zinghomo 15:28

Nhavivyo Waisilayeli wose, wakawa wali hamonga, wakalitegula Lisanduku lye Cilagane sunga ko ku Yelusalemi, wena nyemo mbaha, hamonga ne mazi ge zindulele, ne misesele, wakwimba ne mazi mawaha ne zimbilili hamonga ne zindonondo.

2 Zinghomo 29:25

Nayo mutemi Hezekiya, yakazinoza zose nha vyono Muwaha Mulungu yamulajiliza mutemi Dawudi, muli Gadi u muwizi wo mutemi, kanyhi na muli muwizi Natani. Hezekiya yakawawika Walawi mu Nyumba yo Mulungu, hamonga ne watowa masumbi, ne ndonondo ne misesele.

Zabuli 94:20

Agwe si kokwilumbaniza ne mahakimu, wono si watyatyaga ze ling'ani, wono wawuwikaga wulajilize mu nzila, yo kuwutetela wubi.

Wutuluce 1:16

“Kolo mukwinjila mu mulimo wenyu wo kuwataziliza wacekulu we Cihebelaniya lono wakusawa, muwawulagaje wana wose we cilume wono wakulelwa, langa wana we cicekulu, mulece kuwawulaga yaye.”

Wutuluce 1:22

Nayo Falawo yakawalajiliza wanhu wakwe yakawatya, “Mwana we cilume wowose we Cihebelaniya mono kolelwa, mumutagaje mwi'kolongo lya Nile, langa i wana we cicekulu, muwalekaje mulece kuwawulaga.”

Muganuzi 3:16

Hamonga na zizo, nakondya kucimanya cinhu cinji kanyhi mononze, vyono i hanhu hono wulanjiliye vyono kowona i mbeka ne ling'ani, kumbe 'lu wavu wo wutemile.

Isaya 10:1

Woyi hee kuli'nye! Mono si mukunoza ling'ani langa mukuwewonela wanhu wangu.

Danyeli 3:11

Na muli wose mono sikofugama no kucihemba cihwani cici, yimunojeye yagumilwe mwi'lambi lyo moto.

Danyeli 3:15

Ale, 'lu, hono muhulice mililo ye zindulele, ne zifilimbi, ne masumbi, ne mazeze, ne zindonondo, ne vidananda, hamonga ne mihilimo yose ye masumbi, hobaho mufugame no kucihemba cihwani. Hono mulece kunoza nhavivyo, mowopwa no kugumilwa mwi'lambi lyo moto. Mukwihwesa 'lo ko yuli mulungu yunji mono komuponyenyi?”

Danyeli 6:12

hodu wakekongholela wose hamonga, wakatuluka kumusonjeza Danyeli kuli mutemi, wakatya, “Gwe mutemi, wawicila citanjilo mwi 'lajilizo, vyono, mu vilo makumi madatu kweze kusina munhu wo wose mono komulomba mulungu yunji, hamba munhu yunji, hono si kuli 'gwe du. Na hono yejele munhu mono si kokamisa lilajilizo lili, yuyo yagumilwe mu mhango yono yimemile zisimba.” Mutemi yakawapitula yakawatya, “Heya, ne lilajilizo vyo likutya, vyono wulajilize we Wamedi ne Wapelisiya si wukawanikaga.”

Amosi 6:5

Anye mono mwendile kutula zinyimbo, nha vyono Dawudi yanoza, no kwimba hamonga ne mazi ge masumbi.

Yohana 11:57

Iwakohani wawaha hamonga ne Wafalisayo, wali walajilize vyono, hono munhu yawe yamanyile Yesu hono hoyuli, ale yawalonjelaje, ho wamwibate.