Danyeli 3:1 - Luganuzi Luswanu Kuli Wanhu Wose 2002

¹ Mutemi Nebukadineza yakanoza cihwani ca zahabu, cono cali cina wutali wa mita makumi mejete na mupunghati, no wugazi wa mita yidatu. Yakacisimya mwi'lolo lya Dula, mwi'tumbi lya Babiloni.

Danyeli 3:1 ပူးပေါင်းရင်းမြစ်များ

1 Watemi 12:28

Nayo yali yeza kwihwesa nhavivyo, hodu yakanoza vihwani vya ndama nyejete za zahabu, yakawalonjela wanhu wakwe yakutya, “Mwali kwikataza no muhinzo mutali muno wo kubita ku Yelusalemi, ku wuhembi. Ninga alu mulanje, 'nye nyo wanhu wa Isilayeli, ayi yo milungu yenyu yono yamuwusenyi ku Misili!”

Esita 1:1

Mutemi Ahasuwelo mu madaha lono yali yatemile, yali yatemile yisi yigana limonga na makumi mejete na mupunghati, ku wulawilila Indiya, sunga Kushi.

Zabuli 135:15

I milungu ye makungugo, nha milungu ya fweza na zahabu, minozwe ne miwoko ye wanhu.

Wutuluce 20:23

Holeka mulecele lukulu kwinozeza vihwani vye milungu ya fweza cihanje nane, hamba milungu ye zahabu.

Wutuluce 32:31

Ale, Musa yakawa kumubitila kanyhi Muwaha Mulungu, yakawa kumutya, “Gwe go Muwaha Mulungu, ane nghukalala muno muno, vyono wanhu awa wetuma wubi muno, hambi nha wenozeza weneco milungu yo wulambi ya zahabu.

Isaya 2:20

Ne lizuwa lilyo lilawa kuza, i wanhu wologagumilila mafuto ne mabudibudi, vihwani vyawo vye zahabu na vye zifweza, vyono wali wenozeze, ho wavihembe.

Isaya 30:22

Nanye movisola vihwani vyenyu vyose vyono vihiliwe fweza, hamonga na vyono vihiliwe zahabu, muwe kuvitaga kutali, nha cinhu ca cikomaza, akuno mukuzoza mukutya, “Wuce ha meso gangu!”

Isaya 46:6

Wanhu wawopolaga vifuko vyawo wawa kumwaga zahabu hasi, wakuwa kupima fweza mu vipimo. Hanyuma wawa kumutuga mutyani yawatyanile mulungu, hanyuma wawa kwinama ha mwande yo mulungu yuyo wawa kumuhemba!

Yelemiya 10:9

Hambi i vihwani vivyo, nha vihiliwe du fweza yono yikulawa ku Sipeyini, ne zahabu yono yikulawa ku Ufazi, nayo yo milimo ye watyani wanghula, yivwalile myenda ye liwala lyo lugandu, hamonga na ye liwala lidunghu, i myenda mihone ne wanghula.

Yelemiya 16:20

Alu mwene, mbeka u munhu kosuma kwinozeza mweneco milungu yakwe hongo? Na mbeka hamba si kosuma yaye. Na hono yayisese, ayo hamba si yowa milungu ye mbeka yaye.”

Danyeli 2:48

Hobaho yakamuwika Danyeli yawe muwaha mwi'tumbi lya Babiloni, no kumuhumbiliza vipegwa viswanu. Kanyhi yakamuwika yawe yo muwaha muli we mahala wa mu wutemi wakwe.

Danyeli 2:49

Na Danyeli yakamulomba mutemi, yakawawika Shedilaki, Meshaki na Abedinego, nawo wawe wawaha wa mu zinghani zose za mu matumbi ga mu Babiloni. Ninga mwene Danyeli, yakajendelela kwikala mwi'kulu.

Danyeli 3:14

Yakawawuza yakawatya, “Shedilaki, Meshaki na Abedinego, ati zizi za mbeka, vyono anye mukulema kumuhemba mulungu wangu, no kucifugamila cihwani ce zahabu cono nacisimya?

Danyeli 3:30

Lulo Mutemi yakawonjeleza lilumbo lyawo wa Shedilaki, Meshaki na Abedinego, wawe wawaha mu matumbi ga Babiloni.

Danyeli 5:23

Nagwe wetuma zono si zikumwendeza Muwaha Mulungu wa ku wulanga, hambi nha kuvisola vikombe hamonga ne zibakuli, vyono sogo yavisola mu Nyumba yo Mulungu. Hanyuma gwegwe ne wawaha, ne wagolece zako, hamonga ne wajitulwa wako, muwa kuvitumamila so wung'wela divayi, akuno mukuyikumya milungu yono minozwe ne zahabu, ne fweza, ne shaba hamonga ne cuma ne mabici ne mabwe, milungu yono siyihulikaga hamba kuwona yaye, yono siyimanyile hamba cinji co cose. Hamba si wusacile kumupela lilumbo ne cogopo u Mulungu mono yena no muhe wako mu mawoko gakwe, na mono kakulongozaga muli zose zono wukwituma.

Danyeli 5:4

akuno wakuyilumba milungu yono yali minozwe ne zahabu, ne fweza, ne shaba, ne cuma, ne mabici ne mabwe.

Hoseya 2:8

Hamba si kosuma kumanya vyono, ane yonene mono namupela wuhemba, ne divayi, ne mafuta, ne zifweza zose, hamonga ne zahabu, vyono yetumamilaga mu wuhemba Baali.

Hoseya 8:4

“Wanhu wangu wakwihagulila watemi, ninga wakwituma zizi wali wene. Wakwiwicila wawaha hamba kwilumbaniza nane ng'o, wakusola fweza zawo na zahabu, wawa kunoza vihwani so wongomele wawo weneco.

Habakuki 2:19

Woyi hee kuli 'nye! Mono mulilonjelaga libici mukutya, “Usinhuce!” Hamba kwi'bwe lyono si likulonga mukutya, “Winuce!” Alo mukwihwesa vyono cihwani cosuma kumugubulilenyi nghani yo yose lo? Heya, cidahile kuwa cihiliwe ne fweza hamonga ne zahabu, ninga hamba nhavivyo vyo cisina wumi du.

Metumo ge Watumwa 17:29

“Ale, holeka hono ase cili wana wo Mulungu, si yicinojeye kumuganiciza u Mulungu nha cihwanicizo ca Zahabu, lunji Pesa, lunji yibwe lyono lisesigwe no kutajilwa wihambo ne wanhu.

Metumo ge Watumwa 19:26

Alu mosuma kuhulika no kwiwonelela moweneco zono Pawulo yakwituma, si baha du hono Efeso, langa sunga na mu Asiya yose nhavivyo. Mwene yawakwega wanhu no kuwapitula, sunga walumba vyono, milungu yiyo yono minozwe ne wanhu, si milungu hamba hadodo.

Wukumbucize wo Wulajilize 7:25

Muviticimizaje mu moto, i vihwani vye milungu yawo viseswe. Hamba mulecele lukulu kusulumila fweza, hamba zahabu, vyono vili muli vyene, mulecele lukulu kuvisola viwe vyenyu. Hono munoze nhavivyo, wowa mutego kuli'nye, hambi Muwaha Mulungu, nha siyawendile u wuhemba vihwani viseswe.

Wugubule 9:20

I wanhu wanji wono wasigala, wono si wawulagwa no wongomezwe wuwo, nawo hamba si wanena, no kuvileka vinhu vyono wali wavinozize kwe miwoko yawo weneco, langa wakajendelela du kuhemba masetani, ne vihwani vye zahabu, na vye fweza, na vye shaba, na vye mabwe, na vye mabici, vinhu vyono sivikusuma hamba kuwona yaye, hamba kuhulika, hamba kujenda.