Danyeli 2:9 - Luganuzi Luswanu Kuli Wanhu Wose 2002

⁹ nha vyono nomulipicizenyi anye wose wulipicizwe wono wiling'aniye, hono mulece kundoloseza i ndoto yiyo. Alu anye wose kumbe mwelumbaniza, ho munonjele zo walambi, akuno mukwihwesa nha vyono hanyuma nokawaniza wulonje wangu. Aluno mwamule munonjele ndoto yangu, nane ho nomanya vyono mbeka mosuma kunonjela ze nhunizo yayo.”

Danyeli 2:9 ပူးပေါင်းရင်းမြစ်များ

1 Watemi 22:22

Muwaha Mulungu yakaliwuza yakatya, ‘Alo komukoca wuwe kutya nhawule?’ Nalyo licisi likapitula likatya, ‘Ane nobita nghawanoze wawizi wose wa Ahabu, walonje zo wulambi.’ Nayo Muwaha Mulungu yakalitya licisi, ‘Ale wubite wukamukoca, nitumbiye vyono komusuma.’ ”

1 Watemi 22:6

Hodu Ahabu yakawakonghola wawizi waficile magana mane, yakawawuza yakutya, “Ati, wulenyi, mbite nghayihome Lamoti, hamba ng'o?” Nawo wawizi wakamutya, “Heya wubite, hambi u Muwaha Mulungu nha kokupela wusume.”

Esita 4:11

Wulajilize wuwo watezaga, “Munhu wo wose we cilume hamba we cicekulu, mono kokwinjila mwi'wanza lyo wutemi no kumuwona mutemi, lono si yacemigwe, munhu yuyo yimunojeye yawulagwe. Wuwo wo wulajilize, ne wanhu wose wawumanyile, ku wulawilila kuli watazi wo mutemi, sunga na kuli wanhu wose wa mu zi'si zose, wazimanyile zizi. Ninga ho yili nzila monga ndodo, yono yidahile kupitula wulajilize wuwu. Nha cinji, hono mutemi yasole nghome yakwe ye zahabu, no kumusonha munhu wo wose, hodu munhu yuyo wumi wakwe wojendelela. Alu mwezi monga wapuluta ku wulawa vyono mutemi yasonha ane ne nghome yiyi.”

Zimbazi 12:19

No munhu mulambi, kekalaga vilo vicefu mono'nze. Ninga munhu mono kalongaga ze mbeka, kekalaga cibitilila.

Isaya 41:23

Kanyhi mucilonjele na zono zolokwijela hanyuma, nase baho ho comanyila vyono kumbe nanye muli milungu! Kanyhi mosuma kucinozeza nha vyono nyenye mwendile, hamba swanu, hamba kuciletela matamwa, mucimemye woga hamonga ne cogopo ca kuli'nye!

Isaya 44:25

Yo nene mono nivimilaga vitanjilo vye watowa visangu, no kuwapela lukwale i waganga, yo nene mono niwalambizaga we mahala, no kulajila vyono mahala gawo yo nghani ya wulele du.

Ezekiyeli 13:17

U Muwaha Mulungu kanyhi yakatya, “Alu 'gwe go munhu, luno ta, wuwalangaje i wacekulu wose wa mu wanhu wako, wono wawilaga. Wuwaling'anize nawo,

Ezekiyeli 13:19

Kanyhi mwakondya kumbedegala'ne hamwande ye wanhu wangu ku so wubocela shayili ndodo du yono yimemile mu maganza, hamonga ne vibegulwa vicefu vye mikate. Mukuwawulaga wanhu wangu wono si wanojeye kufwa. Mukuwaleka womi wono si wanojeye walekwe wekale womi. Na ku soko yiyo, mukuwakonga-konga i wanhu wangu, nawo wakumwitumbilenyi.”

Ezekiyeli 13:6

Hambi wugubulilwe wawo nha wugubulilwe wo wulambi du, no wuwile wawo wose nha wuwile wa bwete du. Ati wakwiyitya nha vyono wakuwila zinghani zangu, ninga 'ne no mweneco, ho si niwatumile yaye. Hamba nhavivyo wene wakwihwesa nha vyono zinghani zawo zowa za mbeka!

Danyeli 2:16

Lulo Danyeli, yakabita mbela mbela kulomba yatuje cilejeho cinji co kumuwona mutemi, ho yasume kumuloloseza mutemi i nhunizo ye ndoto.

Danyeli 2:21

Umwene kakawanizaga vidaha ne mapango. Kawawikaga no kuwawusa watemi. Yo mwene mono kawapelaga wanhu wumanye no wizuce.

Danyeli 2:8

Lulo, mutemi yakalonga yehindile yakatya, “Nakondya kumanya vyono mukusaka ho mutuje cilejeho. Hambi nha nakondya kulamula

Danyeli 3:15

Ale, 'lu, hono muhulice mililo ye zindulele, ne zifilimbi, ne masumbi, ne mazeze, ne zindonondo, ne vidananda, hamonga ne mihilimo yose ye masumbi, hobaho mufugame no kucihemba cihwani. Hono mulece kunoza nhavivyo, mowopwa no kugumilwa mwi'lambi lyo moto. Mukwihwesa 'lo ko yuli mulungu yunji mono komuponyenyi?”

Danyeli 5:28

PELESI, wo wutya, wutemi wako wagawanulwa wapegwa Wamedi ne Wapelisiya.”

Danyeli 5:31

Hobaho Daliyo u Mumedi yakawusola wutemi wuwo, nayo lizika lyakwe yali yaficile myaka makumi mutandatu na myejete.

Danyeli 7:25

No mutemi yuyo, kolomutovula Mulungu Mono Yalawiliciye no kuwewonela i wanhu wo Mulungu. Mutemi yuyo kolojela yawakawaniziza i wanhu wo Mulungu, u wulajilize wo wuhembi wawo, hamonga ne zisikukuu zawo. Nawo i wanhu wo Mulungu wolowa hasi yo wulajilize wakwe, myaka midatu na myezi mutandatu.

2 Wakolinto 2:17

Ase si cinha wanji wono wayinozezaga nghani yo Mulungu wusuluza. Ninga ase cikuyiganula inghani yo Mulungu kwe nhumbula nzelu hali Mulungu, mono cakondya kwilunza na Kilisito, kanyhi nhe wanhu wono watumigwe no Mulungu.