Danyeli 2:5 - Luganuzi Luswanu Kuli Wanhu Wose 2002

⁵ Mutemi yakawalonjela yakatya, “Ndoto yeneco nayisemwa, ninga nakondya kulamula vyono nyenye yo munojeye munonjele yiyo ndoto yangu, hanyuma munonjele ne nhunizo yayo. Na hono mulemegwe, modumulwa vibimha vibimha, nizinoze ne zikaya zenyu gawe matongo.

Danyeli 2:5 ပူးပေါင်းရင်းမြစ်များ

2 Watemi 10:27

Wakavitakamiza vyose, i masumbili hamonga sunga ne nyumba yeneco yo wuhembelo wa Baali, wakayinoza cikawa coloni sunga nalu.

Ezila 6:11

Nghonjeleza kulikangaza lilajilizo lili vyono hono yunji yakawanize wulajilize wuwu, ale, wusomolwe mucici wa mu nyumba yakwe, wuseswe wuwe lumambo lono lwina cisonje cikali, ho yakomanhilwe mu muwili wakwe. Ne kaya yakwe yinozwe yiwe cugulu.

Zabuli 50:22

“Ale ta mwihwesaje viswanu ze nghani yiyi, anye wose mono mumbedegaye, ale mwilanjililaje, ane nomongomezenyi wose, hamba hasina mono kosuma kumuponyenyi yaye.

Zabuli 58:7

Wajililile lukulu nhe malenga, gono gang'welelaga hasi mu muhangha, wawe nhe mahanze, wakanyanjilwe, wanyale.

Danyeli 2:12

Na so nghani yiyo, mutemi yakakolwa ne likuwo, no kulajiliza we mahala wose wa mu yisi ya Babiloni wawulagwe.

Danyeli 3:29

Alu nane nghulajiliza vyono, munhu wo wose wa mu nghungugo yo yose, hamba wa mu lulelo lo lose, hamba wa mu milonjele yo yose, mono kolonga nghani yo yose yimbi kuli Mulungu wa Shedilaki na Meshaki na Abedinego, munhu yuyo kodumulwa vipiligwa piligwa, ne kaya yakwe yonozwa yiwe 'tongo. Ku soko nha kusina Mulungu yunji mono kosuma kuponya nhavivi.”

Danyeli 4:9

“Gwe Beliteshaza go muwaha we watowa visangu, ane manyile vyono u muhe we milungu yono yelile yili muli 'gwe, na vyono kanyhi, wuzimanyile na zono zihundicigwe zose. Alu ayi yo ndoto yangu yono ndotile, nane nghusaka wunonjele nhunizo yayo.”

Wukumbucize wo Wulajilize 13:16

Hanyuma wukonghole sawo yawo yose ya mwi'kaya lilyo, wuyilundice yose hamonga mu nzila, hanyuma wuyikongoje no moto hamonga ne likaya lyayo, viwe cilavywa kuli Muwaha Mulungu, u Mulungu wenyu. Nalyo likaya lilyo likale vye 'tongo cibitilila, na hamba si lyolozengwa kanyhi.

Yoshuwa 6:26

Lulo Yoshuwa yakawelahiza, yakawatya, “Munhu wo wose mono kokwijelela yalizenje kanyhi likaya lya Yeliko, kowa mulijitwe hali Muwaha Mulungu. No munhu wo wose mono kokwijelela yawice musinji wayo, kofwilwa no mwanagwe mulongozi kulelwa.” No munhu wo wose mono kokwijelela yawicile malango gayo, kofwilwa no mwanagwe u muziwanda.

1 Samwili 15:33

Nayo Samwili yakawa kumulonjela Agagi yakamutya, “Nha vyono mumaje wako wawanoza wacekulu wawe wafwiliywe ne wana wawo wose, ale, nhavivyo no nyina yako nayo, kofwilwa ne wanagwe wose nhe wacekulu wanji.” Hobaho du Samwili yakawa kumutemasha mutemi Agagi viponje viponje, ha mwande ye cikumbicilo baho ha Giligali.