Danyeli 2:47 - Luganuzi Luswanu Kuli Wanhu Wose 2002

⁴⁷ Mutemi yakatya, “Mbeka Mulungu wako yo Muwaha muli milungu yose. Yo Muwaha Mulungu muli watemi, yo mwene kagubulaga calinze zono hundikwe. Alu nakondya kuzimanya zizi, hambi nha wakondya kundoloseza nghani yiyi yono yali hundikwe.”

Danyeli 2:47 ပူးပေါင်းရင်းမြစ်များ

Mwamulizo 41:39

Hanyuma yakawa kumutya Yusufu, “Alu vyono Mulungu kakugubulila gwegwe zizi zose, na vyono hasina munhu yunji mono yena wizuce ne mahala nha vyono winha gwegwe.

2 Watemi 5:15

Naamani yakawuya kuli Elisha hamonga ne wanhu wakwe, yakamulonjela Elisha yakamutya, “Elisha! Alu langa ho namanya vyono mbeka hasina mulungu yunji kanyhi, langa hono si Mulungu wa Isilayeli. Holeka alu nghukunena, wubocele cihumbilizwa cangu cono nghukupela.”

Jobu 12:19

Kawanenenyhezaga i wakohani hamonga ne wanhu we vilungo.

Zabuli 136:2

Mumulumbe Mulungu, mono Yalawiliciye mu milungu yose, hambi lusungu lwakwe, nha lwikalaga cibitilila.

Zabuli 136:3

Mumulumbe Muwaha Mulungu, mono yacizize wawaha wose, hambi lusungu lwakwe, nha lwikalaga cibitilila.

Zabuli 72:11

Ne watemi wose wa mono'nze, womupela cogopo, sunga ne wanhu we makungugo gose, womwitumamila.

Zabuli 82:1

Mulungu yo muwaha we libalaza lya ku wulanga, mwene kalamulaga hagati ye milungu.

Zabuli 96:4

Hambi u Muwaha Mulungu, nha yo yalawiliciye nayo, yo yakukumywa muno muno, kanyhi yo yanojeye kogopwa muno, kuciza milungu yose.

Ezekiyeli 26:7

Muwaha Mulungu yakutya, “Nomuleta Nebukadineza u mutemi muwaha mono yacizize watemi wose, u mutemi wa ku Babiloni, yayihome Tulo. Nebukadineza kolokuza ne lipuga yiwaha muno lye wasilikale, ne zifwalasi, ne matuka go wulugu, hamonga ne wasilikale wapanda fwalasi, yakulawilila ku lubavu lwa kusumuka.

Danyeli 11:36

“Nayo mutemi wa Siliya, kolokwituma nha vyono kolowa yendile mweneco. Kolokwidunhumula, no kwiwona vyono mwene yo yeza muwaha kuciza milungu yose, kanyhi yamucizize sunga no Mulungu Mono Yalawiliciye. Nayo kolosuma kuzinoza zizo, sunga lidaha lifice lyono Mulungu kolomulipiciziza. Nayo Mulungu kolokwituma nha vyono yakondya kuwaga.

Danyeli 2:19

Mu cilo cicilya, nghani yiyilya hundikwe, yikejela kuli Danyeli mu wugubulilwe. Lulo yakamukumya Mulungu wa ku wulanga yakatya,

Danyeli 2:22

U mwene kanzalikaga vinhu vyono vihundice yavimanyile na vyono vihundice mu citi. Kanyhi mwene nha yapilimwe no wuzelu.

Danyeli 2:28

Langa Mulungu du wa ku wulanga, mono kagubulaga zono hundikwe no kuzilajila calinze. Alu kakulajila Gwe go mutemi zono zokwijelela agwe ku mwande. Holeka nokuloloseza ze ndoto hamonga no wugubulilwe wono wapegwa lono wali wugonile.

Danyeli 2:29

“Lono Gwe mutemi wali wugonile, walota za kumwande zono zokuziza. No Mulungu mono kagubulaga zihundikwe, yo yakulajiye zono zokwijela mu vilo vyono vikuza.

Danyeli 2:30

Alu, nghani yiyo hundikwe, yakondya kugubulwa kuli'ne. Ninga si vyono ane yo nina mahala menji kuciza wose ng'o. Langa du agwe go mutemi ho wusume kumanya ze nhunizo ye ndoto yiyi, nagwe ho wugamanye mahweso ga mu nhumbula yako.

Danyeli 2:37

Gwe mutemi, agwe yo gwegwe mono wuli mutemi muwaha muli watemi wose. Mulungu wa ku wulanga yakupela wuwaha no wusume, ne vilungo, hamonga ne lilumbo.

Danyeli 3:15

Ale, 'lu, hono muhulice mililo ye zindulele, ne zifilimbi, ne masumbi, ne mazeze, ne zindonondo, ne vidananda, hamonga ne mihilimo yose ye masumbi, hobaho mufugame no kucihemba cihwani. Hono mulece kunoza nhavivyo, mowopwa no kugumilwa mwi'lambi lyo moto. Mukwihwesa 'lo ko yuli mulungu yunji mono komuponyenyi?”

Danyeli 3:28

Mutemi yakatya, “Yalumbwe Mulungu wa Shedilaki, Meshaki na Abedinego! Hambi nha kamutuma Malayika wakwe, kawaponya wawa wanhu wakwe, wono wakumwitumamila no kumwihuwila. Walema malajilizo gangu, wawa kwisuza wumi wawo. Wawona ciba wafwe, si nho kumuhemba mulungu yunji, langa Mulungu wawo du.

Danyeli 3:29

Alu nane nghulajiliza vyono, munhu wo wose wa mu nghungugo yo yose, hamba wa mu lulelo lo lose, hamba wa mu milonjele yo yose, mono kolonga nghani yo yose yimbi kuli Mulungu wa Shedilaki na Meshaki na Abedinego, munhu yuyo kodumulwa vipiligwa piligwa, ne kaya yakwe yonozwa yiwe 'tongo. Ku soko nha kusina Mulungu yunji mono kosuma kuponya nhavivi.”

Danyeli 4:17

Awu wali wo wulamuzi wa Malayika yulya mono yali yewikanize so suguzi. Holeka 'lu, wanhu wose wamanye vyono, u Mulungu Mono Yalawiliciye, yo yatemile mu wutemi wose wa mu wanhu, nayo kamupelaga mono mweneco yendile kumupela. Kanyhi kawapelaga wutemi sunga na wono wasoceye.’ ”

Danyeli 4:25

Kolowingwa mu wikalana ne wanhu wayago, kolokwikalana ne malimu. Nagwe kolowa kulya mahanze nhe zing'ombe, kanyhi kolowa kugona mwi'hala caka, kono wubuhe wono wukulawa ku wulanga, wowa kukugwila sunga yipulute myaka mupunghati. Baho nagwe ho kolomanyila vyono, u Mulungu Mono Yalawiliciye yo yatemile mu wutemi wose wa mu wanhu. Kanyhi na vyono yo yadahile kumupela wutemi munhu wo wose mono mwene komuhagula.

Danyeli 4:32

Nagwe kowinjilwa lukulu muli wanhu, wukekale ne vilimu vya mu mbago, kanyhi kowa kulya mahanze kotya ng'ombe sunga yipulute myaka mupunghati. Baho nagwe ho komanyila vyono, u Mulungu Mono Yalawiliciye, yo yatemile mu wutemi wose wa mu wanhu, kanyhi na vyono yo yadahile kumupela wutemi munhu wo wose mono mweneco komuhagula.”

Danyeli 5:11

Hambi mu wutemi wako, nha mo yuli munhu yunji, mono yali hamonga ne myuhe ye milungu yono yelile. Lono u sogo mutemi Nebukadineza yali yatemile, munhu yuyo yalajila yihala yiswanu lyo wutanje, no wizuce ne mahweso, nha vyono milungu yikuwa kulajilwa. Lulo mutemi Nebukadineza u sogo, yakamunoza yawe yo muwaha we watowa visangu wose, ne wahawi, hamonga ne walotezi, na we mahala go wizuce we zinyelezi.

Amosi 3:7

U Muwaha siketumaga cinji co cose lono siyawagubuliye wetumami wakwe wawizi.

1 Wakolinto 14:25

Na ze cinyele zono zili mu nhumbula yakwe zogubulwa, nayo kufugama no kumuhemba u Mulungu, akuno yakutya, “Mbeka, u Mulungu yali hamonga nanye.”

Wukumbucize wo Wulajilize 10:17

Hambi Muwaha Mulungu, u Mulungu wenyu, nha yo Mulungu we milungu yose, kanyhi yo munghala vilungo vyose. Mwene yo Mulungu mono Yalawiliciye kanyhi yo we vilungo. Holeka yanojeye yogopwe mweneco du. Hambi mwene nha yasina wuwaguzi, hamba si kabocelaga mafupo.

1 Timoteyo 6:15

No wijele wakwe, wolokuziza mwipango lyono linojeye lyono lyawikwa no Mulungu umulugutwe kanyhi mono yo Mutemi yali wene, u Mutemi we watemi no Muwaha we wawaha.

Yoshuwa 22:22

“Mono yali vilungo, yumonga du, nayo yo Mulungu! Umwene yo Muwaha Mulungu mono yali vilungo yumonga du, nayo yo Mulungu! Umwene yo Muwaha Mulungu. Kanyhi mwene yo yamanyile cono caleka ase ciketuma zizi, nalu cikusaka nanye ho mumanye zizi! Hono yiwe mbeka cagaluka, no kuwusa wihuwilo hali Muwaha Mulungu, ale mulece kucileka cijendelele kuwumipa kanyhi!

Wugubule 1:5

kanyhi na ku wulawa kuli Yesu Kilisito, u muhomelezi mwihuwilwa, u mulongozi kuzukulwa muli wafu, mono yatemile i watemi we yinze. Mwene yacendile, na so isakami yakwe, yakaciwopola kulawa mu wubi wetu,

Wugubule 17:14

Nawo wokwihoma no Mwana we ngholo, ningo Mwana we ngholo, hamonga na wawala wono yawacema, kanyhi yakawahagula, i wanhu wehuwilwa, kowasuma wawo, vyono u mwene yo Muwaha we wawaha, kanyhi yo Mutemi we watemi.”

Wugubule 19:16

Na mu vivwalo vyakwe hamonga na mu mugulu wakwe, yali mwandikwe litagwa lya, “U Mutemi we watemi, no Muwaha we wawaha.”