Danyeli 2:46 - Luganuzi Luswanu Kuli Wanhu Wose 2002

⁴⁶ Lo lulo lulo mutemi Nebukadineza yakafugama, yakenama, sunga no wusu wakwe wukapamiza ho hasi. Yakalajiliza vilavywa ne makumbiko vinozwe so Danyeli.

Danyeli 2:46 ပူးပေါင်းရင်းမြစ်များ

Ezila 6:10

Na zizi, zinojeye zitumwe, ho wene wakohani wasume kulavya makumbiko gono gosuma kumwendeza Mulungu wa ku wulanga, akuno wawe kumulomba yamhele wulugutwe nene hamonga ne wanangu.

Danyeli 3:5

Mohulika lizi lye ndulele ne filimbi, ne masumbi, ne mazeze, ne ndonondo, ne vidananda ne mihilimo yose ye masumbi, yono yowa yityatizye. Vyono mulilo wuwo wukwanza du, yinojeye anye wose mwiname ho hasi, mucihembe cihwani cono mutemi Nebukadineza yacisimizye.

Danyeli 3:7

Ale, lo lulo lulo wakahulika masumbi galila, wanhu wose wakenama no kucihemba cihwani ce zahabu, cono mutemi Nebukadineza yacisimizye.

Danyeli 8:17

Nayo Gabuliyeli yakawa kuza kwima behi nane. Ninga 'ne nghenjilwa no woga wuwaha muno, nghagwa ho hasi. Nayo Gabuliyeli yakanonjela yakatya, “Gwe go munhu, ale wuhulicizaje wuyimanye nhunizo yayo. Wugubulilwe wuwu, wukulajila ze ndumilizo ye yinze.”

Walawi 26:31

Noganoza makaya genyu gawe matongo, nohahodanga hanhu henyu ho wuhembelo, nogalemela lukulu no kugabocela ne makumbiko genyu.

Luka 17:16

yakegwisa hasi ha mwande ye magulu ga Yesu, akuno yakumulumba. Nayo yali Musamaliya.

Metumo ge Watumwa 10:25

Baho Petelo lono yenjilaga, Kolineliyo yakamuhinjiliza, yakafugama ha mwande yakwe, yakenama ho hasi.

Metumo ge Watumwa 14:13

Nayo mukohani mono yamwitumamilaga yuyo mulungu Zewusi, mono nyumba yakwe yo wuhembelo vyali vidomile ne likaya, yakaleta ng'ombe no wihambo wa maluwa, sunga ho ha mulango muwaha we likaya, nayo yasakaga vihanje ne wanhu wawalya, wawalavizye yikumbiko iwatumwa.

Metumo ge Watumwa 28:6

Awalya wakawa kulanjilila wakutya lunji kovimba, lunji kofwa lwa kamonga. Ninga waza kulanjilila cidaha, hamba kuwona Pawulo yawe cinji, wakagapitula mahweso gawo, wakatya, yo mulungu.

Wugubule 11:16

Nawo i wawaha wa walya makumi mejete na wane, wono wali wekaye hali Mulungu, mu magoda gawo go wutemi, wakagwa funama, wakamuhemba Mulungu, wakutya,

Wugubule 19:10

Ale, nane nghagwa hasi funama ha magulu gakwe, nghuhila nimuhembe. Ninga mwene yakanonjela yakutya, “Leka! Ane nane nili mwitumami du nha gwegwe, hamonga ne wanduguzo, ase wose mono ciyikamisaga i mbeka yiyilya yono Yesu yayigubula. Muhembo Mulungu!” Hambi i mbeka yono Yesu yayigubula, nha yo yikuwamulicila wawizi.

Wugubule 22:8

Ane yo nene Yohana, mono naziwona no kuzihulika i zinghani zizino. Nane nali neza kukondya kuzihulika no kuziwona, hodu nghegumila hasi, ha mwande ye magulu ga yuyo malayika mono yandajila i zinghani zizino zose, nane nahilaga nimuhembe.