Danyeli 2:45 - Luganuzi Luswanu Kuli Wanhu Wose 2002

⁴⁵ Kanyhi wawona vyono libwe lyono si lyapamizwa na munhu, likapanduka wulawa mwi'talawe, likacitijinha cihwani ce cuma, ne shaba, ne lilongo linamu, ne fweza, hamonga ne zahabu. Muwaha Mulungu yakukulonjela Gwe mutemi, zono zokwijela mu vilo vyono vikuza. Alu ane nakondya kukuloloseza ze ndoto yako vyono yinha, hamonga ne nhunizo yayo ye mbeka.”

Danyeli 2:45 ပူးပေါင်းရင်းမြစ်များ

Mwamulizo 41:26

Ng'ombe zizilya zo mupunghati ziswanu, yo myaka mupunghati, ne maso nago gagalya go mupunghati maswanu, nago yo myaka mupunghati nhavivyo, ndoto yo monga du.

Mwamulizo 41:28

Nha vyono nghulonjeye 'gwe Falawo, Mulungu kakugubulila zono kozinoza mu vilo vivi.

Mwamulizo 41:32

No wuwuyajile we ndoto yako, 'gwe Falawo, yikukulajila vyono Mulungu yalamula, nayo kozituma zizo mu vilo vivi du.

2 Samwili 7:22

Gwe go Muwaha Mulungu, yo gwegwe du Muwaha wuli wene! Hasina kanyhi hamba yunji wo wose mono yehwanile gwegwe, nase cimanyile vyono yo gwegwe Mulungu du wuli wene.

1 Zinghomo 16:25

Muwaha Mulungu nha yo yalawiliciye, yo munya lilumbo liwaha, kanyhi yo we cogopo kuciza milungu yose.

Nehemiya 4:14

Nghawona i wanhu wose, weza kogopa. Hobaho nghawalonjela wose, hamonga ne walongola wawo, ne wawaha wose nghawa kuwatya, “Mulece kuwogopa i walugu wetu, mukumbucile u wuwaha wo kogofya, wo Muwaha Mulungu wetu, alu, mwihomaje so wandugu zengu wa mu yisi na so wana wenyu, ne wagolece wenyu na ku soko ye zi kaya zenyu.”

Nehemiya 9:32

“Holeka 'gwe Mulungu, go Mulungu wetu, wuwaha wako wucizize! Mono wuli wo kogofya, kanyhi wuli we vilungo! Mono kukamisaga ko wihuwilwa cilagane no lusungu lwako, hamonga no wihuwizo wako. Ku wulawa mu vilo vyono watemi wa Ashuli waciwonelaga, sunga na lulu hose, magayo malinga gono gakondya kucagana! I watemi wetu ne walongola wetu, ne Wakohani wetu, ne wawizi, ne walezi wetu, hamonga ne wanhu wose, cili mu wugaye. Holeka wukumbucile vyono cagaya muno!

Jobu 36:26

Hamba nhavivyo, si cosuma kuwumanyila lukulu wuwaha wakwe, hamba kuyiwala myaka yo wikale wakwe.

Zabuli 135:5

Manyiye lukulu vyono, Muwaha Mulungu yo muwaha yacizize, u Muwaha Mulungu wetu, yo Yalawiliciye mu milungu yose.

Zabuli 145:3

Muwaha Mulungu yo muwaha mono, yanojeye kukumywa muno, no wuwaha wakwe wucizize wumanye wose,

Zabuli 2:9

Nagwe kowapondanjiza ne nghome ya cuma, kanyhi kowatulanga nha nyungu yo muwumbi!’ ”

Zabuli 48:1

Muwaha Mulungu, yo Muwaha, mono yanojeye kulumbwa mu Nyumba yakwe,

Zabuli 96:4

Hambi u Muwaha Mulungu, nha yo yalawiliciye nayo, yo yakukumywa muno muno, kanyhi yo yanojeye kogopwa muno, kuciza milungu yose.

Isaya 28:16

Ninga 'lu, muhulicize zono Muwaha Mulungu yakumulonjelenyi yakutya, “Alu nane nghuwika mu Sayuni musinji wono wuli vilungo, kanyhi wukamile. Kanyhi nghuwika ne libwe lye nhuzi lyo wuguzi wukamu, lyono lyowa lyandicigwe zinghani azi, ‘Wihuwilo wono wukamile, wina no wukangalizi.’

Danyeli 2:24

Baho Danyeli yakabita kuli Aliyoki, mono u mutemi yali yamulajiliza yawawulaje we mahala wose wa he 'kulu. Yakamutya, “Wulece kuwawulaga. Langa wusolaje nene, wunhegule kuli mutemi, nane nomuloloseza ze nhunizo ye ndoto yakwe.”

Danyeli 2:28

Langa Mulungu du wa ku wulanga, mono kagubulaga zono hundikwe no kuzilajila calinze. Alu kakulajila Gwe go mutemi zono zokwijelela agwe ku mwande. Holeka nokuloloseza ze ndoto hamonga no wugubulilwe wono wapegwa lono wali wugonile.

Danyeli 2:29

“Lono Gwe mutemi wali wugonile, walota za kumwande zono zokuziza. No Mulungu mono kagubulaga zihundikwe, yo yakulajiye zono zokwijela mu vilo vyono vikuza.

Danyeli 2:44

Na mu vilo vyo wutemi wuwo wose, Mulungu wa ku wulanga, kolowusimya wutemi wunji wono siwuladuma yaye, hamba kusumwa yaye. No wutemi wuwo, wolowongomeza wutemi wose, ninga wene wokwikala cibitilila ne cibitilila.

Danyeli 8:25

Kanyhi mwene vyono musugu, holeka kolomoteswa na mu zinzila zakwe zose zo wulambi. Kolowa mwidunhumuzi, kanyhi kolowongomeza wanhu wenji wono wali wazoweye kwikala wapolile. Kanyhi kolokwihoma no Mutemi we watemi. Ninga hamba nhavivyo, kolobenanjizwa, na holowa hasina munhu wo kumutaziza.

Hagayi 2:22

kanyhi nowuwusa no wutemi wose, no kuvidumya vilungo vyayo. Noyibidusa mituka yawo yo wulugu, hamonga na wono wakuyijendya. Zifwalasi nazo zofwa, hamonga na wono wakuzijendela, wokwiwulaga weneco wose.

Zakaliya 12:3

Ninga vipango vivyo kolo vyafika, ane noyinoza Yelusalemi yiwe kotya yibwe yizito. Ne nghungugo yo yose yono yojela kuyinula Yelusalemi, yolotamiswa muno. Ne zinghungugo zose za mono yinze, zolokwilunza ho ziyihome Yelusalemi.

Malaki 1:11

Wanhu ku wulawa ku mhelo ye yinze, sunga ko ku mhelo nzagwe, wose wanyogopile nene. Hanhu ho hose wakufusiza wuvumba, no kulavya vilavywa vyono vikwiliye. Na wose wawo, wanyogopile nene!”

Matayo 21:24

Nayo Yesu yakawapitula yakatya, “Alu nane nomuwuzenyi yiwuzo limonga na hono mumhitule, ale, nane ho nomulonjelenyi vyono nghwitumila zizi mu wulajilize wa hayi.

Matayo 24:35

U wulanga ne yinze, heya vyopuluta, ninga i zinghani zangu, si zolopulutila lukulu.”

Luka 17:20

Mwipango linji, Wafalisayo wamuwuza Yesu wakutya, “U wutemi wo Mulungu wolokuza nili?” Nayo yakawapitula, yakatya, “U wutemi wo Mulungu si wuzizaga mu nzila yono yikwijela ne meso.

Wukumbucize wo Wulajilize 10:17

Hambi Muwaha Mulungu, u Mulungu wenyu, nha yo Mulungu we milungu yose, kanyhi yo munghala vilungo vyose. Mwene yo Mulungu mono Yalawiliciye kanyhi yo we vilungo. Holeka yanojeye yogopwe mweneco du. Hambi mwene nha yasina wuwaguzi, hamba si kabocelaga mafupo.

Wugubule 1:19

Holeka, alu wuzandikaje zizi zose zono wukuziwona, zono zokwijela lulu, na zono zolokwijela hanyuma.

Wugubule 19:17

Kanyhi nghawona malayika yunji yemile mwizuwa. Nayo yakalonga yazozize muno, yakucema i zindeje zose zono zikuguluka mu mwanya, yakuzitya, “Anye, nzonyi! Ale mwikongholelaje hamonga so ndigwa ye sikukuu yo Mulungu.

Wugubule 4:1

Hanyuma ya zizi, nghalanga, nghawona mulango wono wuli mwazi ku wulanga. Ne lizi lililya lyono nalihulika hamwamulizo, lyono lyali nha mulilo wa ndulele, likatya, “Wuze ahano hono kacanyha, nane nokulajila zinghani zono zilejela hanyuma.”