Danyeli 2:44 - Luganuzi Luswanu Kuli Wanhu Wose 2002

⁴⁴ Na mu vilo vyo wutemi wuwo wose, Mulungu wa ku wulanga, kolowusimya wutemi wunji wono siwuladuma yaye, hamba kusumwa yaye. No wutemi wuwo, wolowongomeza wutemi wose, ninga wene wokwikala cibitilila ne cibitilila.

Danyeli 2:44 ပူးပေါင်းရင်းမြစ်များ

Mwamulizo 49:10

Ne nghome ye citemi, si yowucila lukulu kuli'gwe Yuda. Ne zindelo zako zotema cibitilila, sunga kono kolokuziza mweneco. Yu yulya mono makungugo gose gomuhulika.

2 Samwili 7:13

Nayo kowa yo munhu mono konzenjela Nyumba yo wikalo wangu. Nane nowusimya wutemi wakwe cibitilila.

2 Samwili 7:16

Nane nowusimya wutemi wako muli wanago cibitilila. No wutemi wako hamba si wuladuma yaye.’ ”

Zabuli 145:13

No wutemi wako, wo wutemi we cibitilila, no wulajilize wako, nha wikalaga cibitilila. U Muwaha Mulungu nha mwihuwilwa, mu wihuwizo wakwe, kanyhi yali lusungu mu nyituma yakwe.

Isaya 60:12

Ne makungugo gono si gokwitumamila gwegwe, ane nogongomezeza lukulu.”

Ezekiyeli 37:25

“Nawo wolokwikala mu yisi yono namupela mwitumami wangu Yakobo, i yisi yono wekalaga walezi wawo. Nawo wolokwikala mu yisi yiyo cibitilila, wene ne wana wawo, hamonga ne wana we wana wawo. No mutemi mono yehwanile u mwitumami wangu Dawudi, yuyo yo kolotema muli wene cibitilila.

Danyeli 2:28

Langa Mulungu du wa ku wulanga, mono kagubulaga zono hundikwe no kuzilajila calinze. Alu kakulajila Gwe go mutemi zono zokwijelela agwe ku mwande. Holeka nokuloloseza ze ndoto hamonga no wugubulilwe wono wapegwa lono wali wugonile.

Danyeli 2:34

Na lono wali wujendeleye kucilanga cihwani cico, libwe liwaha muno, lyono hamba yunji si yalipamiza, likavulumuka, likayikumula migulu ye cuma ne lilongo linamu lye cihwani ci cilya, likacibenanga.

Danyeli 2:35

Lo lulo lulo cuma, ne lilongo linamu, ne shaba ne fweza hamonga ne zahabu, vikasajika, vikawa nhe mawaje ga mu cuga, ga mu vilo vye nhwanga. Mbeho yikavipemhelusa hamba si vyasigala yaye. Libwe lililya likawahapa likawa yitunda lyono likayimemya yinze yose.

Danyeli 2:37

Gwe mutemi, agwe yo gwegwe mono wuli mutemi muwaha muli watemi wose. Mulungu wa ku wulanga yakupela wuwaha no wusume, ne vilungo, hamonga ne lilumbo.

Danyeli 2:43

Kanyhi wukawona cuma cihangahanjile ne lilongo linamu. Nhunizo yayo, wolojela kwilunza mu wutemi wawo mu nzila zo witolanile, ninga hamba si walasumila lukulu, nha vyono cuma si cihangahangaga ne lilongo linamu.

Danyeli 4:3

Vitanjilo vyakwe nha viwaha, vyono Mulungu mumi yakucilajila! Ne mezino ge vilungo nha mawaha gono yakwituma. Mulungu yo Mutemi cibitilila, kanyhi yo kolotema mu zindelo zose.”

Danyeli 4:34

Mutemi yakatya, “Na lono myaka mupunghati yali yakondya kupuluta, nghenula meso gangu kucanyha, ne mahala gangu gakambuyila kanyhi, nghamulumba Mulungu Mono Yalawiliciye, nghamupela lilumbo no lukumyo mwene mono kekalaga cibitilila. “Mwene kolotema cibitilila. No wutemi wakwe hamba siwuladuma yaye.

Danyeli 6:26

Nene Daliyo, nghumulajilizenyi anye wose wa mu wutemi wangu, vyono wanhu wose, munojeye mumogope no kumupela cogopo Mulungu wa Danyeli. “Mwene yo Mulungu mumi, Mono kolotema cibitilila. No wutemi wakwe, siwulahodanjika yaye, ne vilungo vyakwe sivyoloduma yaye.

Danyeli 6:27

Mwene kaponyaga no kudima, ketumaga mapoto no wizine ku wulanga na kono'nze. Kamuponya Danyeli, yalece kuwulagwa ne zisimba.”

Danyeli 7:27

Baho, i vilungo no wuwaha wo wutemi wose wa mono'nze, wolopegwa i wanhu wo Mulungu Mono Yalawiliciye. Ne vilungo vyo wutemi wawo, si viladuma yaye. Ne watemi wose wa mono'nze, wolowetumamila no kuwahulika.”

Danyeli 8:25

Kanyhi mwene vyono musugu, holeka kolomoteswa na mu zinzila zakwe zose zo wulambi. Kolowa mwidunhumuzi, kanyhi kolowongomeza wanhu wenji wono wali wazoweye kwikala wapolile. Kanyhi kolokwihoma no Mutemi we watemi. Ninga hamba nhavivyo, kolobenanjizwa, na holowa hasina munhu wo kumutaziza.

Mika 4:7

Wakawa wakusenzegula, kanyhi wali kutali no kwawo. Ninga hamba nhavivyo nowanozeza mwamulizo mupya wawo wono wasigala, nawo wowa likungugo yiwaha lye vilungo. Nane notema hali wene mwi'tunda lya Sayuni, ku wulawa mu vilo vivyo sunga cibitilila.”

Hagayi 2:22

kanyhi nowuwusa no wutemi wose, no kuvidumya vilungo vyayo. Noyibidusa mituka yawo yo wulugu, hamonga na wono wakuyijendya. Zifwalasi nazo zofwa, hamonga na wono wakuzijendela, wokwiwulaga weneco wose.

Hagayi 2:7

Nane nogacicimya makungugo gose, no wugoli wawo wose, wolosolwa no kuletwa bahano, ne Nyumba yo Mulungu yolomemywa no wugoli.

Matayo 28:18

Nayo Yesu yakaza sunga behi nawo, yakawatya, “Ane mhegwa u wulajilize wose, wa ku wulanga, sunga na wa kono'nze.

Yohana 12:34

Holeka lipuga lye wanhu likamupitula, likatya, “Ase cahulika mu Wulajilize, vyono Kilisito kekalaga cibitilila. Alu agwe kosuma nhawule kutya, ati, ‘U Mwana wo Munhu si koleka kwinulwa?’ Alu yuyo u Mwana wo Munhu yo nani.”

Wahebelaniya 12:28

Holeka ase, yicinojeye cilumbe muno, vyono cikuwubocela u wutemi wono si wukusinjisika. Ciweze ne lilumbo no kumuhemba u Mulungu mu nzila yono yikumwendeza, hamonga no winenenyhezi ne cogopo;

Wugubule 11:15

Hanyuma, nayo malayika wo mupunghati yakayitowa ndulele yakwe. Ne mazi mawaha gakahulikwa ku wulanga gakutya, “Alu u wutemi wa mononze, weza wo Muwaha wetu na Kilisito wakwe. Nayo kotema cibitilila ne cibitilila.”

Wugubule 2:27

Heya, nowapela i vilungo vivilya vyono nane navibocela kulawa kuli Baba.