Danyeli 2:4 - Luganuzi Luswanu Kuli Wanhu Wose 2002

⁴ Nawo wakamupitula mutemi mu nonga ye Cishamu wakamutya, “Gwe mutemi, wuteme cibitilila! Ale wucilonjelaje ndoto yako co wetumami wako, nase cokulonjela nhunizo yayo.”

Danyeli 2:4 ပူးပေါင်းရင်းမြစ်များ

Mwamulizo 31:47

Nayo Labani yakalicemela lilundo lilyo litagwa lya Yegali-sahaduta, ninga Yakobo yakalicemela litagwa lya Galedi.

Mwamulizo 41:8

Wali weza kwela hakali mitondo, Falawo yali yazinguce muno muno. Ale, yakawa kulajiliza i waganga wose na we mahala wose wa mu yisi ya Misili waze kuli mwene. Nawo wali weza kuza, Falawo yakawalonjela ze zindoto zakwe, ninga hasina hamba monga mono yasuma kumuloloseza Falawo nhunizo ye zindoto zizo.

1 Watemi 1:25

Hambi nhe zuwalili du, ho yabitile kulavya likumbiko lya ng'ombe nyinji, hamonga ne zingholo, ne zindama zono zijinile hamonga na Yowabu u muwaha we wasilikale wako wo wulugu, na Abiyatali u mukohani. Na mwi'pango lili baha, wali mu wulye we zindigwa nayo,

1 Watemi 1:31

Nayo Batisheba, yakenama hamwande yo mutemi, yakatya, “Muwaha wangu, u mutemi Dawudi yekale cibitilila!”

2 Watemi 18:26

Hanyuma Eliyakimu na Shebuna hamonga na Yowa, wakamutya mwitumami yu yulya, “Alu wayiko cikukunena, wulece kulonga nase mu nonga ye Cihebelaniya, hambi wanhu wose wono wekaya mwi'jinji nha wakuhulika, langa wulonje nase mu nonga ye Ciashuli, nase nha ciyimanyile nonga yiyo.”

Ezila 4:7

Kanyhi na lono yali yatemile Alitashasita mutemi wa ku Pelisiya, Bishilamu na Miteledati, na Tabeli, hamonga ne wayawo wose, wakandika baluwa kuli mutemi Alitashasita. Baluwa yiyo, yali nyandice mu nonga ye Cialamu. Na lono yasomwaga hamwande yo mutemi, yamula kupitulwa mu nonga ye yisi yakwe.

Nehemiya 2:3

Ninga nghamupitula nghamutya, “Gwe Mutemi, wutemi wako wujendelele cibitilila! Alu noleka wule kukalala, lono nghuliwona likaya lyono walezi wangu wazikwa, lyaweza matongo, ne milango yalyo yaticimizwa no moto?”

Isaya 36:11

Eliyakimu na Shebina na Yowa, nawo wakamulonjela yuyo mwitumami wakatya, “Alu, wulongane nase mu nonga ye Cialameya. Hambi nase nha ciyimanyile nonga yiyo. Ninga wulece kulonga mu nonga ye Cihebelaniya, hambi wanhu wose wono wekaye mucanyha ye lijinji, nha wakuyihulika.”

Isaya 44:25

Yo nene mono nivimilaga vitanjilo vye watowa visangu, no kuwapela lukwale i waganga, yo nene mono niwalambizaga we mahala, no kulajila vyono mahala gawo yo nghani ya wulele du.

Danyeli 1:4

Wawe wazelelo wono wena futa swanu, we mahala muno muno, kanyhi wono weyijize viswanu, wapelupelu ku wizuce, wono wasina hamba cilema mu miwili yawo. Ho wapegwe mulimo wo kuyidima nyumba yo wutemi. Nayo Ashipenazi yawalanjize no kusoma, no kwandika, mu nonga ye Cibabiloni.

Danyeli 2:7

Ninga wene wakamupitula mutemi wakamutya, “Gwe mutemi, hono wucilonjele i ndoto yako, nase co watumami wako, cokuloloseza nhunizo yayo.”

Danyeli 3:9

Wakamulonjela mutemi Nebukadineza wakamutya, “Gwe mutemi wikale cibitilila na cibitilila.

Danyeli 4:19

Muli yiyo, Danyeli mono kanyhi yacemwaga Beliteshaza, yali yeza kuzihulika zizo, baho yakakangawala, yakanyamala cipango cidodo. Mutemi yakamulonjela yakamutya, “Beliteshaza, wulece kukangawala so ndoto yiyi hamonga ne nhunizo yayo.” Beliteshaza yakapitula yakamutya, “Gwe mutemi, ane nghwenda ndoto yiyi ne nhunizo yayo, yeze yili muli walugu wako yilece kuwa kuli'gwe.

Danyeli 4:7

Ale, i watowa visangu, ne wahawi, na we mahala go wizuce we zinyelezi, wakaletwa hali 'ne. Nane nghawaloloseza ze ndoto yangu, ninga hamba siwasuma kuyilolosa nhunizo yayo yaye.

Danyeli 4:9

“Gwe Beliteshaza go muwaha we watowa visangu, ane manyile vyono u muhe we milungu yono yelile yili muli 'gwe, na vyono kanyhi, wuzimanyile na zono zihundicigwe zose. Alu ayi yo ndoto yangu yono ndotile, nane nghusaka wunonjele nhunizo yayo.”

Danyeli 5:10

U nyina yo mugolece wo mutemi, yakahulika zinghani zono mutemi yalongaga hamonga na we mahala wakwe. Hodu yakawa kwinjila mwi'kumbo lyo wulilo we sikukuu. Yakatya, “Gwe mutemi, wuteme cibitilila! Kanyhi nghukulomba wulece kugazika no kusininghala muno.

Danyeli 5:8

Baho wanhu we mahala wa mwi'kulu wo walongola, ninga hasina hamba yumonga muli wene, mono yasuma kugasoma mandiko gago, hamba kuyilolosa nhunizo yayo.

Danyeli 6:21

Danyeli nayo yakamupitula yakamutya, “Gwe mutemi wuwumipe cibitilila!

Danyeli 6:6

Hobaho wakekonghola, wakabita kuli mutemi, wakamutya, “Gwe go Mutemi Daliyo, wuwumipe cibitilila!

Danyeli 6:7

Ase wose mono cikulongoza mu wutemi wako, co walanjilizi, ne walongola ne walamuzi, ne wanyamhala wa mu matumbi, na wose wono wena wulajilize na wose wa mu wulongola wuwu, cilumbaniza vyono, Agwe go mutemi, yikunojeye wulavye wulajilize, kanyhi wuwutyatilile viswanu. Alu wulavye lilajilizo wutye, mu vilo makumi madatu, kusina munhu mono kosuma kulomba nghani yo yose kuli mulungu yunji, hamba kuli munhu yunji wo wose, langa hono si kwako du gwegwe go mutemi. No munhu wo wose mono kobena wulajilize wuwo, yimunojeye yagumilwe mu mhango yono yimemile zisimba.

Matayo 21:9

Ne mapuga ge wanhu wono wali wamulongoleye, sunga na walya wono wamutyatyaga, wakazoza ne mazi mawaha wakutya, “Yalumbwe u Mwana wa Dawudi! Yalugutwe yuyo mono yakuziza mwitagwa lyo Muwaha! Yalumbwe u Mulungu kucanyha!”

1 Samwili 10:24

Nayo Samwili yakawalonjela wanhu yakutya, “Ale, ayuno yo munhu mono Muwaha Mulungu yamuhaguye! Na muli'se wose, hasina hamba monga mono yamwihwanile yuyu.” Nawo wanhu wose wakazozeza hamonga wakatya, “Mutemi yawumipe vilo vinji.”