Danyeli 2:37 - Luganuzi Luswanu Kuli Wanhu Wose 2002

³⁷ Gwe mutemi, agwe yo gwegwe mono wuli mutemi muwaha muli watemi wose. Mulungu wa ku wulanga yakupela wuwaha no wusume, ne vilungo, hamonga ne lilumbo.

Danyeli 2:37 ပူးပေါင်းရင်းမြစ်များ

1 Watemi 4:24

Solomona yakatema yisi yose yo lubavu lwa kumwezi ye likolongo lya Efulata, ku wulawa Tifusa ha Efulata, sunga ko ku mwezi kwi 'kaya lya Gaza. Ne watemi wose wa ku lubavu lwa ku mwezi ye likolongo lya Efulata, wose wakawa wetumami wakwe, nayo yakawa yena mulamu ne zisi zose zono zali zimupilime.

2 Watemi 25:28

Yuyo Evilimelodaki, yakamutendela viswanu muno Yehoyakimu, yakamuwika mu mulimo we lilumbo yiwaha muno kuciza watemi wayagwe wose wono wali wafunjigwe hamonga nayo kuko ku Babiloni.

2 Zinghomo 36:23

“Awu wo wulajilize wangu ane Koleshi, u mutemi wa Pelisiya. U Muwaha Mulungu, u Mulungu wa ku wulanga, kanoza niwe mutemi we yinze yose. Kanyhi yanghomboye nene nimuzenjele ne Nyumba yakwe ku Yelusalemi mu Yuda. Holeka aluno, anye wose mono muli wanhu wo Mulungu, mubite kuko ku Yelusalemi, nayo Muwaha Mulungu, u Mulungu wenyu, yawezane nanye.”

Ezila 1:2

“Ali, lyo lilajilizo lyono yalilavya Koleshi mutemi wa ku Pelisiya, nalyo lyatezaga. U Muwaha Mulungu, u Mulungu wa ku wulanga, yahagula niwe mutemi mu yinze yose, kanyhi yamhela no mulimo wo kumuzenjela Nyumba yakwe ku Yelusalemi ya Yuda.

Ezila 7:12

“Lwandiko luluno lukulawilila kuli mutemi muwaha Alitashasita, kuli'gwe Ezila go mukohani, no munghula wo kumanya malajilizo go Muwaha Mulungu wa ku wulanga.

Zabuli 62:11

Mulungu kalonga nghanghulo monga, nane hulika nghanghulo nyinji, vyono wuwaha wose, yo sawo yo Mulungu,

Zimbazi 8:15

Niwatazaga watemi ho wateme, no kunoza wuling'anizi wuswanu.

Isaya 10:8

Kanyhi yakwilumba yakutya, “I wawaha wose we wasilikale wangu wo wulugu, wose watemi!

Isaya 47:5

Muwaha Mulungu yakuyilonjela Babiloni yakutya nhavi, “Wunyamale twii, mu wutitu, hambi nha hasina munhu wo wose mono kokucema kanyhi nha wuli mugolece we likulu, we makungugo!

Yelemiya 28:14

U Muwaha Mulungu, we mihanga u Mulungu wa Isilayeli, kalonga nha vyono, kogavwika lubano lwa cuma i makungugo gaga gose, nago ho gajendelele kumwitumamila Nebukadineza, u mutemi wa Babiloni. Kanyhi u Muwaha Mulungu yalonga yakatya, nha vyono koganoza sunga ne malimu ga mu mbago gose, gamwitumamile Nebukadineza.”

Yelemiya 34:1

U Muwaha Mulungu, yakanonjela kanyhi, mu mapango lono Nebukadineza u mutemi wa Babiloni, ne wasilikale wakwe wose, no wutemi wose wa mono'nze, lono wali wuli mu vilungo vyakwe, hamonga ne makungugo gose, wehomaga na Yelusalemi ne vikaya vyayo vyose vye behi behi.

Ezekiyeli 26:7

Muwaha Mulungu yakutya, “Nomuleta Nebukadineza u mutemi muwaha mono yacizize watemi wose, u mutemi wa ku Babiloni, yayihome Tulo. Nebukadineza kolokuza ne lipuga yiwaha muno lye wasilikale, ne zifwalasi, ne matuka go wulugu, hamonga ne wasilikale wapanda fwalasi, yakulawilila ku lubavu lwa kusumuka.

Danyeli 1:2

Muwaha Mulungu yakamutajila Yehoyakimu mu miwoko ya Nebukadineza, hamonga ne viya vinji vya mu Nyumba yo Mulungu. U mutemi Nebukadineza yakawasola wafungwa hamonga ne viya yakawa kuvitegula ku Babiloni, yono hanji yacemwaga shinali, yakaviwika mu vinyumba vye viwutwa vya mu nyumba ye milungu yakwe.

Danyeli 2:31

“Gwe mutemi, mu wugubulilwe wako, wawona cihwani ca munhu, ciwaha muno ha mwande yako, cono cikung'alala kanyhi cikogofya na ku wulangwe.

Danyeli 2:44

Na mu vilo vyo wutemi wuwo wose, Mulungu wa ku wulanga, kolowusimya wutemi wunji wono siwuladuma yaye, hamba kusumwa yaye. No wutemi wuwo, wolowongomeza wutemi wose, ninga wene wokwikala cibitilila ne cibitilila.

Danyeli 4:19

Muli yiyo, Danyeli mono kanyhi yacemwaga Beliteshaza, yali yeza kuzihulika zizo, baho yakakangawala, yakanyamala cipango cidodo. Mutemi yakamulonjela yakamutya, “Beliteshaza, wulece kukangawala so ndoto yiyi hamonga ne nhunizo yayo.” Beliteshaza yakapitula yakamutya, “Gwe mutemi, ane nghwenda ndoto yiyi ne nhunizo yayo, yeze yili muli walugu wako yilece kuwa kuli'gwe.

Danyeli 4:22

“Gwe mutemi, agwe yo gwegwe wo mubici wuwo mutali muno, kanyhi wuli vilungo. No wuwaha wako wuwiluce sunga ko ku wulanga, ne vilungo vyako vitandaye sunga mu yinze yose.

Danyeli 4:25

Kolowingwa mu wikalana ne wanhu wayago, kolokwikalana ne malimu. Nagwe kolowa kulya mahanze nhe zing'ombe, kanyhi kolowa kugona mwi'hala caka, kono wubuhe wono wukulawa ku wulanga, wowa kukugwila sunga yipulute myaka mupunghati. Baho nagwe ho kolomanyila vyono, u Mulungu Mono Yalawiliciye yo yatemile mu wutemi wose wa mu wanhu. Kanyhi na vyono yo yadahile kumupela wutemi munhu wo wose mono mwene komuhagula.

Danyeli 4:3

Vitanjilo vyakwe nha viwaha, vyono Mulungu mumi yakucilajila! Ne mezino ge vilungo nha mawaha gono yakwituma. Mulungu yo Mutemi cibitilila, kanyhi yo kolotema mu zindelo zose.”

Danyeli 4:32

Nagwe kowinjilwa lukulu muli wanhu, wukekale ne vilimu vya mu mbago, kanyhi kowa kulya mahanze kotya ng'ombe sunga yipulute myaka mupunghati. Baho nagwe ho komanyila vyono, u Mulungu Mono Yalawiliciye, yo yatemile mu wutemi wose wa mu wanhu, kanyhi na vyono yo yadahile kumupela wutemi munhu wo wose mono mweneco komuhagula.”

Danyeli 4:34

Mutemi yakatya, “Na lono myaka mupunghati yali yakondya kupuluta, nghenula meso gangu kucanyha, ne mahala gangu gakambuyila kanyhi, nghamulumba Mulungu Mono Yalawiliciye, nghamupela lilumbo no lukumyo mwene mono kekalaga cibitilila. “Mwene kolotema cibitilila. No wutemi wakwe hamba siwuladuma yaye.

Danyeli 5:18

U Mulungu Mono Yalawiliciye, yo yamunoza sogo Nebukadineza yawe mutemi muwaha. Yakamupela ne nhojo ne lilumbo.

Danyeli 7:14

Yakawa kupegwa vilungo ne lilumbo, hamonga no wutemi, i wanhu wose we zinghungugo zose, na we zimbeyu zose, na we milonjele yose, ho wamwitumamile mwene. Ne vilungo vyakwe vyokwikala cibitilila, no wutemi wakwe si wuladuma yaye.

Hoseya 8:10

Holeka luno ane nowakonghola hamonga, ho niwalipicize. Nawo wokwinyongola ko wusungu musunho, lono mutemi wa Siliya yakuwatendela ko wukali.

Matayo 6:13

Wulece kucitegula mu wujelwe, Langa wuciponye na yulya u Mubi.’ ” [Hambi u wutemi ne vilungo, no wuwaha nha vyako, sunga ku cibitilila. Heya.]

Yohana 19:11

Yesu yakamupitula yakatya, “Si wali wuwe no wulajilize wo wose kuli nene hamba hadodo, hono wali wulece kupegwa no Mulungu. Ku soko yiyo, yuyo mono yandavizye kuli gwegwe, kacila kuwa no wubi.”

Wugubule 1:5

kanyhi na ku wulawa kuli Yesu Kilisito, u muhomelezi mwihuwilwa, u mulongozi kuzukulwa muli wafu, mono yatemile i watemi we yinze. Mwene yacendile, na so isakami yakwe, yakaciwopola kulawa mu wubi wetu,

Wugubule 17:14

Nawo wokwihoma no Mwana we ngholo, ningo Mwana we ngholo, hamonga na wawala wono yawacema, kanyhi yakawahagula, i wanhu wehuwilwa, kowasuma wawo, vyono u mwene yo Muwaha we wawaha, kanyhi yo Mutemi we watemi.”

Wugubule 19:16

Na mu vivwalo vyakwe hamonga na mu mugulu wakwe, yali mwandikwe litagwa lya, “U Mutemi we watemi, no Muwaha we wawaha.”

Wugubule 4:11

“Agwe yo gwegwe go Muwaha nago Mulungu wetu, mono wunojeye lukumyo, ne lilumbo ne vilungo, hambi nha yo gwegwe muwumbi we vinhu vyose, na ku so wuhile wako, vyose vikawa, na vyose vyapegwa wumi no kuwumipa.”

Wugubule 5:12

wakalonga wenuye mazi gawo wakutya, “U Mwana we ngholo mono yawulagwe, yo yanojeye yabocele vilungo, wugoli, mahala, wusume, lukumyo ne lilumbo.”