Danyeli 2:34 - Luganuzi Luswanu Kuli Wanhu Wose 2002

³⁴ Na lono wali wujendeleye kucilanga cihwani cico, libwe liwaha muno, lyono hamba yunji si yalipamiza, likavulumuka, likayikumula migulu ye cuma ne lilongo linamu lye cihwani ci cilya, likacibenanga.

Danyeli 2:34 ပူးပေါင်းရင်းမြစ်များ

Zabuli 118:22

Libwe lyono walilema wazenji, lyo lyeza yibwe liwaha lyo musinji.

Isaya 28:16

Ninga 'lu, muhulicize zono Muwaha Mulungu yakumulonjelenyi yakutya, “Alu nane nghuwika mu Sayuni musinji wono wuli vilungo, kanyhi wukamile. Kanyhi nghuwika ne libwe lye nhuzi lyo wuguzi wukamu, lyono lyowa lyandicigwe zinghani azi, ‘Wihuwilo wono wukamile, wina no wukangalizi.’

Isaya 60:12

Ne makungugo gono si gokwitumamila gwegwe, ane nogongomezeza lukulu.”

Isaya 8:9

Holeka mwikongholelaje hanhu hamonga ko woga, anye nyo makungugo! Anye nanye mono muli kutali ku zimhelo ze yinze, muhulicize. Alu, mwiwikanizaje so wihomi, ninga mweze no woga! Heya mwiwikanizaje, ninga mweze no woga!

Ezekiyeli 32:28

“Ayi yo soko yono yololeka i Wamisili wolobeneka wagone hamonga na wono si wamumanyile Mulungu wono wawulagwa ku wulugu.

Ezekiyeli 47:5

Yakajendelela kanyhi, yakapima mita zinji kanyhi, magana mahano. Ne hanhu baho hakawa hatali muno muno, nane hamba si nasuma no kulowocela baho yaye. Hambi malenga nha gali matali muno, gono munhu si kosuma kujenda yalowoce, langa sunga yiwe mu nzila yo kojela du.

Danyeli 2:33

Migulu yayo ya cuma, ne zinzayo ze migulu yayo zali nusu, cuma, na nusu, lilongo linamu.

Danyeli 7:27

Baho, i vilungo no wuwaha wo wutemi wose wa mono'nze, wolopegwa i wanhu wo Mulungu Mono Yalawiliciye. Ne vilungo vyo wutemi wawo, si viladuma yaye. Ne watemi wose wa mono'nze, wolowetumamila no kuwahulika.”

Danyeli 8:25

Kanyhi mwene vyono musugu, holeka kolomoteswa na mu zinzila zakwe zose zo wulambi. Kolowa mwidunhumuzi, kanyhi kolowongomeza wanhu wenji wono wali wazoweye kwikala wapolile. Kanyhi kolokwihoma no Mutemi we watemi. Ninga hamba nhavivyo, kolobenanjizwa, na holowa hasina munhu wo kumutaziza.

Zakaliya 12:3

Ninga vipango vivyo kolo vyafika, ane noyinoza Yelusalemi yiwe kotya yibwe yizito. Ne nghungugo yo yose yono yojela kuyinula Yelusalemi, yolotamiswa muno. Ne zinghungugo zose za mono yinze, zolokwilunza ho ziyihome Yelusalemi.

Zakaliya 4:6

Malayika yakanonjela nghamutegulile Zelubabeli nghani yono yikulawa kuli Muwaha Mulungu, yono yikutya, “Si kwe vilungo, hamba si ko wusume wako go mweneco, aa, ng'o! Langa ko muhe wangu.

Matayo 16:18

Holeka nane nghukulonjela Petelo nghutya, yo gwegwe wuli italawe, na mucanyha ye 'talawe lilino, nolizenga likanisa lyangu, hamba ne lifwa lyeneco du, si lyolisuma yaye.

Yohana 1:13

Wono si waleleywe mu vilungo vye cimunhu munhu, hamba mu vilungo vyo munhu, hamba mu wuhile wo munhu, langa u Mulungu mweneco yo Sogo yawo.

Metumo ge Watumwa 4:11

Yo mwene mono Mandiko Gono Gelile gakutya, ‘Ilibwe lyono mwalilema anye nyo wazenji Lyanozwa kuwa yibwe yiwaha lyo musinji.’

2 Wakolinto 5:1

Hambi nha cimanyile vyono, kaya yiyi ya kono'nze yono cikaye lulu, wo wutya u muwili wetu, kolo yeza yapambulwa, u Mulungu nha kocipela kaya yinji kuko ku wulanga, kaya yono yayinoza mweneco yo wikalo we cibitilila, yono si yizenjigwe ne miwoko.

Wahebelaniya 9:24

Hambi Kilisito nha si yenjila i hanhu Hono Helile hono hazenjigwe ne miwoko ye wanhu, hono henha hwani du ya acilya ce mbeka. Langa u Mwene yenjila ku wulanga du kweneco kono aluno yemile hali u Mulungu ku soko yetu.

1 Petelo 2:7

Ale kuli'nye mono mwihuwiye, ilibwe lilyo lyo lyo wuguzi wukamu, ninga kuli walya wono siwehuwiye, “I libwe lyono walilema iwazenji, ninga alu lyo lyeza libwe liwaha lyo musinji.”

Wugubule 11:15

Hanyuma, nayo malayika wo mupunghati yakayitowa ndulele yakwe. Ne mazi mawaha gakahulikwa ku wulanga gakutya, “Alu u wutemi wa mononze, weza wo Muwaha wetu na Kilisito wakwe. Nayo kotema cibitilila ne cibitilila.”

Wugubule 17:14

Nawo wokwihoma no Mwana we ngholo, ningo Mwana we ngholo, hamonga na wawala wono yawacema, kanyhi yakawahagula, i wanhu wehuwilwa, kowasuma wawo, vyono u mwene yo Muwaha we wawaha, kanyhi yo Mutemi we watemi.”