Danyeli 2:30 - Luganuzi Luswanu Kuli Wanhu Wose 2002

³⁰ Alu, nghani yiyo hundikwe, yakondya kugubulwa kuli'ne. Ninga si vyono ane yo nina mahala menji kuciza wose ng'o. Langa du agwe go mutemi ho wusume kumanya ze nhunizo ye ndoto yiyi, nagwe ho wugamanye mahweso ga mu nhumbula yako.

Danyeli 2:30 ပူးပေါင်းရင်းမြစ်များ

Mwamulizo 41:16

Nayo Yusufu yakamupitula Falawo yakamutya, “Ane mutemi, sina vilungo vyo kusumila kukuloloseza nhunizo ye ndoto yako, ninga u Mulungu yo kokupela lipitulo lyono likwiliye.”

Zabuli 139:2

Agwe wuzimanyile zose zono nitumaga, kanyhi wugamanyile sunga, ne mahweso gangu gose.

Isaya 45:4

Ane nghakuhagula agwe, ho wumutaze mwitumami wangu Isilayeli, wanhu wangu wono nawahagula. Nane nakondya kukupela lilumbo yiwaha hamba wuwe agwe si wumanyile 'ne.

Danyeli 1:17

Mulungu yakawapela wawo wazelelo wane wizuce wuwaha, hamonga no wumanya mahala, na mu wumanya kusoma no kwandika. Hamonga na zizo, Danyeli yakapegwa wizuce wo kulolosa zinhunizo ze zindoto no wugubulilwe we hayo hayo.

Danyeli 2:47

Mutemi yakatya, “Mbeka Mulungu wako yo Muwaha muli milungu yose. Yo Muwaha Mulungu muli watemi, yo mwene kagubulaga calinze zono hundikwe. Alu nakondya kuzimanya zizi, hambi nha wakondya kundoloseza nghani yiyi yono yali hundikwe.”

Danyeli 2:49

Na Danyeli yakamulomba mutemi, yakawawika Shedilaki, Meshaki na Abedinego, nawo wawe wawaha wa mu zinghani zose za mu matumbi ga mu Babiloni. Ninga mwene Danyeli, yakajendelela kwikala mwi'kulu.

Amosi 4:13

Mulungu yo yanoza matunda no kuwumba mbeho. Mwene kaganozaga mahweso gakwe, gamanyice kuli munhu. Kakawanizaga misi ciwa cilo, no kuhakanyaga hono henuce mu yinze. Ali lyo litagwa lyakwe, Muwaha Mulungu mono yali vilungo!

Matayo 24:22

Ne vilo vivyo hono vyali vilece kucepulwa, hali hawe hasina munhu wo wose mono yali yapone, ninga alu, ivilo vivyo vyocepulwa, ku soko ya awalya iwahagulwa.

Maluko 13:20

Na hono u Muwaha yali yalece kuvicepula i vilo vivyo, hasina hamba munhu mono yali yapone. Ninga ku soko ye wahagulwa wakwe, holeka Muwaha yavicepula i vilo vivyo.”

Metumo ge Watumwa 3:12

Na Petelo yaza wawona wanhu wawo, yakawapitucila yakawatya, “Nye mo wanhu wa Isilayeli, so cici mukucilanga sese, mukutya mba, mu vilungo vyetu, lunji mu wuswanu wetu, holeka cimunozize yuyu yajende?

Walumi 8:28

Kanyhi cimanyile vyono, muli zose, u Mulungu ketumanaga no kumalila hamonga na wose wono wamwendile, nha cinji, wawalya wono yawacema nha vyono yali yehwesize.

2 Wakolinto 4:15

Na zizi zose zili ku soko ye cambuzi cenyu nyenye, ho yiwe nha kotya, lihewa lyo Mulungu, likuwaficila wanhu wenji muno muno, nawo ho wasume kulavya lilumbo muno muno ko lukumyo lo Mulungu.