Danyeli 2:28 - Luganuzi Luswanu Kuli Wanhu Wose 2002

²⁸ Langa Mulungu du wa ku wulanga, mono kagubulaga zono hundikwe no kuzilajila calinze. Alu kakulajila Gwe go mutemi zono zokwijelela agwe ku mwande. Holeka nokuloloseza ze ndoto hamonga no wugubulilwe wono wapegwa lono wali wugonile.

Danyeli 2:28 ပူးပေါင်းရင်းမြစ်များ

Mwamulizo 40:8

Nawo wakamupitula wakatya, “Ase cilota ndoto, na hasina baha hamba munhu monga mono yakusuma kuciloloseza nhunizo ya zizo zindoto zetu.” Nayo Yusufu yakawatya, “Ninga mumanye vyono yo Mulungu du mono kaletaga wusume wo kulolosa zindoto. Ale ta nonjelenyi zindoto zenyu.”

Mwamulizo 41:16

Nayo Yusufu yakamupitula Falawo yakamutya, “Ane mutemi, sina vilungo vyo kusumila kukuloloseza nhunizo ye ndoto yako, ninga u Mulungu yo kokupela lipitulo lyono likwiliye.”

Mwamulizo 41:25

Nayo Yusufu yakamutya Falawo, “Ndoto zako zose vyono nyejete, zina nhunizo monga du. Mulungu kakugubulila zono kozinoza mu vilo vivi.

Mwamulizo 49:1

Hodu, Yakobo yakawa kuwacema wanagwe wose, yakawatya, “Nye wanangu, ale mwikongholelaje hamonga, hambi nha nghusaka nimulonjelenyi zono zomwaganenyi mu vilo vyono vikuza.

Zabuli 115:3

Mulungu wetu'se, yali ku wulanga, nayo mwene ketumaga zose, nha vyono yendile mweneco.

Isaya 2:2

Mu vilo vyono vikuza litunda lyono lizenjigwe Nyumba yo Mulungu, lyolosikamya mucanyha ye matunda lyolokwinulwa kuciza vigongo vyose, ne makungugo gose golokuza kuli lyene,

Yelemiya 10:7

Hamba nani 'mbi kanyhi, mono si kakogopaga gwegwe go mutemi we makungugo gose? Yo gwegwe du wuli wene mono wunojeye kogopwa, hambi nha hasina yunji wo wose, mono yehwanile gwegwe, muli we mahala wose wa mu makungugo, hamba muli watemi wawo.

Yelemiya 30:24

Nalyo likuwo lilyo likali lyo Muwaha Mulungu, hamba si lyolowuka mbela yaye, sunga langa kolo lyakondya kwituma zose no kufisiliza wuhile wakwe. Ne wanhu wakwe, wolozitanga zizi, mu vilo vye ndumo.

Yelemiya 48:47

Ninga hamba nhavivyo, u Muwaha Mulungu, koloyimotya kanyhi Mowabu mu vilo vyono vikuza. Na zizi zose, zo Muwaha Mulungu yalonga nha vyono si zoleka kuyiziza Mowabu.

Ezekiyeli 28:3

Kanyhi agwe, wukwihwesa nha vyono wina mahala menji si nha Danyeli, na vyono hasina nghani yo yose ye cinyele, yono yowa hundikwe hali'gwe.

Ezekiyeli 38:16

Nanye mowahoma i wanhu wangu Isilayeli, nhe libeho liwaha lyo mukukunzo lyono likudumula yisi. Na kolo lipango lyakondya kuza, ane nokutegula wukayihome yisi yangu, ho wuwamanyize we makungugo, wamanye vyono nene nani, na kanyhi wuwamanyize zo wele wangu, mu nzila yono nghwitumila muli'gwe.

Ezekiyeli 38:8

Na kolo yakondya kupuluta myaka minji, ane nolomulajiliza, yabite yakayihome yisi, yono i wanhu wowa wakongholwa no kugomolwa hamonga, ku wulawa mu zinghungugo zinji, nawo luno wekaye wapolile wasina kanyhi woga wo wulugu. Kanyhi kologahoma ne matunda ga Isilayeli, gono gali gakondya kulekwa no kutuga wambuce vilo vinji muno, i hanhu hono aluno i wanhu wekaye wapolile.

Danyeli 1:20

Na muli nghani yo yose yo wizuce, yono mutemi yayiwuzaga, hamba nghani nghamu, wawa i wane, wakejela wo wena wizuce kali kumi kuciza waganga ne wahawi wa mu wutemi wakwe wose.

Danyeli 10:14

Nane lu, niza kuli'gwe, ho nghwizushe kuli zono zolowejelela wanhu wako mu vilo vyono vikuza. Na wuwu wo wugubulilwe we vilo vyono vikuza.”

Danyeli 2:18

Yakawalonjela vyono, yiwanojeye walombe kuli Mulungu wa ku wulanga, yawawonele lusungu, no kumulomba yawapele wumanye we nghani yiyo hundikwe, ho walece kuwulagwa hamonga na we mahala wa mu Babiloni.

Danyeli 2:22

U mwene kanzalikaga vinhu vyono vihundice yavimanyile na vyono vihundice mu citi. Kanyhi mwene nha yapilimwe no wuzelu.

Danyeli 2:44

Na mu vilo vyo wutemi wuwo wose, Mulungu wa ku wulanga, kolowusimya wutemi wunji wono siwuladuma yaye, hamba kusumwa yaye. No wutemi wuwo, wolowongomeza wutemi wose, ninga wene wokwikala cibitilila ne cibitilila.

Danyeli 2:45

Kanyhi wawona vyono libwe lyono si lyapamizwa na munhu, likapanduka wulawa mwi'talawe, likacitijinha cihwani ce cuma, ne shaba, ne lilongo linamu, ne fweza, hamonga ne zahabu. Muwaha Mulungu yakukulonjela Gwe mutemi, zono zokwijela mu vilo vyono vikuza. Alu ane nakondya kukuloloseza ze ndoto yako vyono yinha, hamonga ne nhunizo yayo ye mbeka.”

Danyeli 2:47

Mutemi yakatya, “Mbeka Mulungu wako yo Muwaha muli milungu yose. Yo Muwaha Mulungu muli watemi, yo mwene kagubulaga calinze zono hundikwe. Alu nakondya kuzimanya zizi, hambi nha wakondya kundoloseza nghani yiyi yono yali hundikwe.”

Danyeli 4:5

Na lono nali ngonile, nghalota ndoto, na mumo mu ndoto yangu, nghawona wugubulilwe wo kogofya muno.

Hoseya 3:5

Ninga cipango cikuza cono Waisilayeli wolomuwuyila kanyhi Muwaha Mulungu, u Mulungu wawo, no lulelo lwa Dawudi mutemi wawo. Nawo wolomogopa Muwaha Mulungu, u Mulungu wawo, no kubocela vipegwa vyakwe viswanu.

Amosi 4:13

Mulungu yo yanoza matunda no kuwumba mbeho. Mwene kaganozaga mahweso gakwe, gamanyice kuli munhu. Kakawanizaga misi ciwa cilo, no kuhakanyaga hono henuce mu yinze. Ali lyo litagwa lyakwe, Muwaha Mulungu mono yali vilungo!

Wuwale 24:14

Hanyuma kanyhi Balamu yakawa kumulonjela Balaki yakutya, “Alu ane neza kuwuya kwetu kuli wanhu wangu. Ninga lono nghali sinatuluka, nghukusugula no kukumanyiza, ze Waisilayeli, vyono wolowatendela i wanhu wako mu vilo vyono vikuza.”

Matayo 6:9

Ninga munojeye mweze kulomba nhavi: ‘Baba mono wuli ku wulanga, Ilitagwa lyako lyezwe,

Wukumbucize wo Wulajilize 31:19

“Aluno wulwandikaje lwimbo luluno, wuwejize wanhu wa Isilayeli, u lwimbo lulu ho luwe wuhomelezi wa kuli'ne, kuli Waisilayeli.

Wukumbucize wo Wulajilize 4:30

Nanye kolo mwenjila mu magayo, ne zinghani zizo zose zakondya kumwaganenyi, nhondo, ho molomuwuyila Muwaha Mulungu, kanyhi ho molomuhulika.

2 Timoteyo 3:1

Weze kukumbucila vyono, mu vilo vya ku ndumo, vyolokuza vipango vyo wugaye.

Wahebelaniya 1:1

I katali u Mulungu yalonga ne wasetu kali kenji, na mu nzila nyinji, mu nzila ye wawizi,

2 Petelo 3:3

Mukwamula kumanya vyono mu vilo vya ku ndumo wolokuza wanhu wono mikalile yawo yitemigwe ne masulumizi gawo mabi. Wolomuzwajizenyi nyenye,

Wugubule 1:1

Citabu acino, co cina zinghani ze metumo gono gagubulwa na Yesu Kilisito. U Mulungu yamugubulila Kilisito u wugubule wu wuno, ho yawalajile i wetumami wakwe zinghani zono si zotinya kwijela. Kilisito yamutuma malayika wakwe yamumanyize Yohana u mwitumami wakwe, i zinghani zizino,