Danyeli 2:25 - Luganuzi Luswanu Kuli Wanhu Wose 2002

²⁵ Lo lulo lulo Aliyoki yakamusola Danyeli, no kumutegula ha mwande yo mutemi Nebukadineza. Yakamulonjela mutemi yakatya, “Nghondya kumutuga yumonga wa muli Wayahudi i wahamywa, mono kosuma kukuloloseza Gwe mutemi i nhunizo ye ndoto yako.”

Danyeli 2:25 ပူးပေါင်းရင်းမြစ်များ

Mwamulizo 41:14

Hodu hobaho, Falawo yakalajiliza Yusufu yaletwe. Nayo yakawa kuwuswa mu jela mbela mbela. Nayo Yusufu yali yeza kukondya kwinyonyola zimvwili zakwe, no kukawaniza vivwalo vyakwe, yakawa kuza ha mwande ya Falawo.

Nehemiya 7:6

Awa wo wali wali mwi'tumbi wono wawuya munhu na hakwe ku Yelusalemi na ku Yuda, ku wulawilila ku Babiloni, ku wuhamywe wono zindelo zawo, zekalaga ku wuhamywe ku Babiloni, lono Mutemi Nebukadineza yawakunza no kuwawika nha wafungwa mu jela.

Zimbazi 24:11

Wulece kuleka kumuponya munhu, mono yaling'anizwe yawulagwe mbula soko.

Muganuzi 9:10

Nghani yo yose yono wendile kuyituma, wuyitumaje kwe vilungo vyako vyose, hambi ku yisi ye wafu kono kobita, nha kusina milimo, hamba lihweso lyo lyose, hamba wumanye, hamba mahala bwete.

Danyeli 1:6

Na muli wawo wono wahagulwa, yali Danyeli, Hananiya, Mishayeli na Azaliya. Na wose wawa, wali wo mulango wa Yuda.

Danyeli 5:13

Lo lulo lulo Danyeli yakaletwa ha mwande yo Mutemi, nayo mutemi yakamutya, “Yo gwegwe Danyeli, ayulya Muyahudi muhamywa, mono waletwa na baba ku wulawilila ku yisi ya Yuda lono baba yali mutemi?

Danyeli 6:13

Hobaho wakamulonjela mutemi wakamutya, “Danyeli yumonga wa muli wahamywa ku wulawilila Yuda, hamba si yakuwukumya wuwaha wako, hamba kuwibata no wulajilize wono walavya. Mwene kamuhembaga du Mulungu wakwe, nghanghulo yidatu nhondo zose.”