Danyeli 2:23 - Luganuzi Luswanu Kuli Wanhu Wose 2002

²³ Nghukulumba no kukukumya, gwe go Mulungu we walezi wangu. Wamhela wumanye ne vilungo, wahulika no wulombe wangu. Wacilajila na zono comuloloseza Mutemi.”

Danyeli 2:23 ပူးပေါင်းရင်းမြစ်များ

Mwamulizo 18:17

U Muwaha Mulungu yakatya, “Si yowa viswanu hono nimuhundice Abulahamu, zinghani zono nohila kuzituma mu vilo vivi.

Mwamulizo 31:42

Nane nghulonga mbeka, vyono Mulungu wa baba, u Mulungu wa Abulahamu, Mulungu mono Isaka kamogopaga, mhali yali yawe si yali hamonga nane, mbeka agwe wali wuminje sina hamba cinji co cose. Ninga 'lu, Mulungu yagawona magayo gangu, hamonga no mulimo wono netuma, holeka kakukalipila mu cilo co wele we zuwali.”

1 Watemi 18:36

Na yikawa mu wulavya likumbiko lye cinyamihe, u muwizi Eliya, yakasejelela ha cikumbicilo yakalomba yakutya, “Gwe go Muwaha Mulungu, go Mulungu wa Abulahamu na Isaka na Yakobo, nghukulomba zuwali, yimanyice nha vyono agwe yo gwegwe go Mulungu wa Isilayeli, na vyono nane nili mwitumami wako. Nane nizinoza zizi zose ku soko ye nghani yako.

1 Watemi 8:57

Muwaha Mulungu wetu yeze yali hamonga nase, na vyono yali yali hamonga ne walezi wetu, yalece kucilecela lukulu, hamba kucisemwa yaye.

1 Zinghomo 29:10

Mutemi Dawudi yakawa kumukumya Muwaha Mulungu ha mwande ye wanhu wose wono wali wehangulize baho, yakatya, “Gwe go Muwaha Mulungu, wo mulezi wetu Yakobo, Agwe yo gwegwe mono wunojeye lukumyo cibitilila ne cibitilila!

1 Zinghomo 29:13

Holeka alu Gwe go Muwaha Mulungu, cikukulumba kanyhi cikulilumba litagwa lyako lyono lyelile.

2 Zinghomo 20:6

Yakalomba kwe'zi waha yakutya, “Gwe go Muwaha Mulungu we walezi wetu, mono wutemile muli makungugo gose ga mono'nze, kuko ku wulanga. Yo gwegwe du mono wuli vilungo, hamba hasina munhu wo wose mono kosuma kukwimila nghani yo yose.

Zabuli 21:2

Kumufisiliziza wuhile wa mu nhumbula yakwe, hamba si wumwimile cisakwa cakwe.

Zabuli 21:4

Yakakulomba wumi, nagwe wukamupela vilo vinji, vyo wikale cibitilila.

Zabuli 25:14

U Muwaha Mulungu, yawendile wose wono wakumuhulika, nayo kawamanyizaga ze cilagane cakwe nhondo zose.

Zabuli 50:14

Lilumbo lyako, liweze lyo likumbiko lyako, kuli Mulungu wumufisilizize wilahe wako, u Mulungu Mono Yalawiliciye Muli Vyose.

Wutuluce 3:15

Wuwalonjele wawo Waisilayeli wutye, Ane, no Muwaha Mulungu, no Mulungu we walezi wawo, u Mulungu wa Abulahamu, no Mulungu wa Isaka, no Mulungu wa Yakobo, yo yanhumile kuli'nye. Lilino lye 'tagwa lyangu cibitilila, na lilino lye 'tagwa lyangu lyono sunga na we zindelo zono zikuza wanojeye wanyheme.

Zimbazi 21:22

No mucekulu we mahala, yadahile kulisola likaya, lyono lina no wulindilizi we vilungo, no kugakumulanga ne majinji gono wagetumbiye.

Zimbazi 24:5

Yili ciba kuwa ne mahala, si nha kuwa wuli vilungo. Na mbeka, wizuce, co cinhu cono cikamile si nhe vilungo.

Zimbazi 8:14

Nane nghali kwihwesa, ho niwawusize lukulu hambi nha nina wizuce kanyhi nili vilungo.

Muganuzi 7:19

Nago mahala gamupelaga vilungo munhu we mahala, kuciza wanhu yikumi, wono watemile mwi'kaya.

Muganuzi 9:16

Ku soko yiyo, holeka nane nghutya nhavi, “Mbeka kumbe mahala gacizize vilungo, hamba yiwe mahala go muciwa si gatondowozwa, ne zinghani zakwe hamba kuhulicizwa yaye.

Muganuzi 9:18

Holeka ku wuwa ne mahala, kuswanu muno, kucizize u witumbila vitwalo. Ninga hamba nhavivyo, u munhu mubi yumonga, kahodangaga nyinji ziswanu.”

Isaya 12:1

Ne lizuwa lyolokuza lono wanhu wolokwimba wawe kutya, “Nghukulumba 'gwe go Muwaha Mulungu! Hamba wuwe wali wungholeywe likuwo, ninga aluno wusindamice, wulece kungholelwa kanyhi likuwo.

Yelemiya 33:3

“Wunyheme 'ne, nane nokupitula, nane nokulajila zinghani zimbaha, zono si wuzimanyile yaye.

Danyeli 1:17

Mulungu yakawapela wawo wazelelo wane wizuce wuwaha, hamonga no wumanya mahala, na mu wumanya kusoma no kwandika. Hamonga na zizo, Danyeli yakapegwa wizuce wo kulolosa zinhunizo ze zindoto no wugubulilwe we hayo hayo.

Danyeli 2:18

Yakawalonjela vyono, yiwanojeye walombe kuli Mulungu wa ku wulanga, yawawonele lusungu, no kumulomba yawapele wumanye we nghani yiyo hundikwe, ho walece kuwulagwa hamonga na we mahala wa mu Babiloni.

Amosi 3:7

U Muwaha siketumaga cinji co cose lono siyawagubuliye wetumami wakwe wawizi.

Matayo 11:25

Mwipango lilyo Yesu yakatya, “Nghukulumba 'gwe Baba, go Muwaha wo wulanga ne yinze, hambi nha kuwahundika we mahala i zinghani zizi, langa wukawagubulila i wana wadodo.

Luka 10:21

Mu cipango cico Yesu yakamemywa Muhe Mono Yelile yakatya; “Nghukulumba, Gwe Baba, Mukala wulanga ne yinze, vyono kuzihundika zizi kuli we mahala no wizuce, wukawagubulila i wadodo, heya Baba, vyo yakwendeza gwegwe.”

Yohana 11:41

Hodu, wakawa kuliwusa libwe. Nayo Yesu yakagalamila ku wulanga, yakatya, “Baba nghukulumba vyono agwe wukuhuliciza ane.

Yohana 15:15

Alu anye, ane si nghumucemenyi wetumami kanyhi, ku soko u mwitumami, si yamanyile zono ketumaga u muwaha wakwe. Ninga ane nimucemenyi anye wendece wangu, ku soko vyono nimulonjelenyi zose zono nazihulika kulawa kuli Baba.

Wugubule 1:1

Citabu acino, co cina zinghani ze metumo gono gagubulwa na Yesu Kilisito. U Mulungu yamugubulila Kilisito u wugubule wu wuno, ho yawalajile i wetumami wakwe zinghani zono si zotinya kwijela. Kilisito yamutuma malayika wakwe yamumanyize Yohana u mwitumami wakwe, i zinghani zizino,

Wugubule 5:5

Hanyuma yumonga wa muli wawalya wawaha yakanonjela yakutya, “Wulece kulila! Wulanje ta! Simba wo mulango wa Yuda, wo lulelo lwa Dawudi, yakondya kusuma. Nayo yo kosuma kuvibena vinamatizo vivyo mupunghati, no kucigubula cico citabu.”