Danyeli 2:18 - Luganuzi Luswanu Kuli Wanhu Wose 2002

¹⁸ Yakawalonjela vyono, yiwanojeye walombe kuli Mulungu wa ku wulanga, yawawonele lusungu, no kumulomba yawapele wumanye we nghani yiyo hundikwe, ho walece kuwulagwa hamonga na we mahala wa mu Babiloni.

Danyeli 2:18 ပူးပေါင်းရင်းမြစ်များ

Mwamulizo 18:28

Na lunji yisumice wawe mowali wanhu waswanu wali makumi mane na wahano du, wono si waficile makumi mahano. Wule, kolyongomeza likaya lyose ku soko vyono wacepuce wanhu wahano?” Nayo Mulungu yakamupitula yakatya, “Aa, ng'o! Sinolyongomeza likaya hono wawe mowali wanhu waswanu makumi mane na wahano.”

Zabuli 136:26

Mumulumbe Mulungu wa ku wulanga, hambi lusungu lwakwe, nha lwikalaga cibitilila.

Zabuli 50:15

Ale wunyhemaje lono wuli mu wugaye, nane nokuponya, nagwe konghumya.”

Zabuli 91:15

Nane nomupitula lono yakunyhemeleza, na lono yali mu wugaye, ane nowa nili hamonga nayo. Nomuponya no kumupela cogopo.

Isaya 37:4

Hambi u mutemi wa Ashuli, nha kamutuma mwitumami wakwe ho yaze yamutovule u Mulungu mumi. Holeka nghukulomba, u Muwaha Mulungu, u Mulungu wako yagahulice matovulo gaga, yawalipicize wawo wono wagalonjile. Na kanyhi nghukunena wuwalombele kuli Mulungu i wanhu wetu wono wasigaye.”

Yelemiya 33:3

“Wunyheme 'ne, nane nokupitula, nane nokulajila zinghani zimbaha, zono si wuzimanyile yaye.

Ezekiyeli 36:37

U Muwaha Mulungu yakutya nhavi, “Nane nolowaleka Waisilayeli walombe kanyhi wutazi kuli'ne. Nolowaleka wonjelezece mwi'walo lyawo, wawe wenji nhe 'tewa lye zingholo.

Danyeli 2:23

Nghukulumba no kukukumya, gwe go Mulungu we walezi wangu. Wamhela wumanye ne vilungo, wahulika no wulombe wangu. Wacilajila na zono comuloloseza Mutemi.”

Danyeli 3:17

Langa u Mulungu wetu mono cikumuhemba, yo kosuma kucitaza mwi'lambi lyo moto, hamonga na mu vilungo vyako.

Danyeli 4:26

Na zono Malayika yateye, nha vyono lisina lilekwe mu muhangha. Nhunizo yayo yoyi. Agwe kolowa mutemi kanyhi, wulaza kuwa wakondya kumanya vyono mbeka Mulungu yo yayitemile yinze yose.

Yona 1:9

Nayo Yona yakawatya, “Ane nili Muhebelaniya. Ane nimuhembaga Muwaha Mulungu, u Mulungu wa ku wulanga, mono yanoza yisi nghavu ne lilenga.”

Malaki 3:18

Kanyhi i wanhu wangu, ho wolowuwonela wisimajile wono wolowa, kuli we ling'ani na kuli i wanhu wabi, na kuli munhu mono yakunyitumamila, na kuli yulya mono si yakunyitumamila'ne.”

Matayo 18:12

Alu mukuwona wule? U munhu hono yawe yena ngholo igana limonga, na hono ngholo monga yajilile, kanozaga nhawule? Kozileka azilya ze makumi cenda ne cenda mwi'tunda, nayo yakubita kuyilondola yiyo yono yajiliye.

Matayo 18:19

Kanyhi nghumulonjelenyi vyono wanhu wejete wa muli nyenye, hono welumbanize baha mono'nze, so nghani yono wolomba, u Sogo yangu wa ku wulanga, mbeka kowapela inghani yiyi.

Metumo ge Watumwa 12:4

Petelo yaza kwibatwa, yakawikwa mu jela, yakamuwika hasi ya vipuga vine vye wasilikale wane wane wamwikalize. Helode yahilaga yamulavye cagalanze kuli wanhu, i Pasaka kolo yeza kupuluta.

Walumi 15:30

Holeka wandugu zangu nghumunenenyi ku soko yo Mutwa wetu Yesu Kilisito, na ku soko yo wendo wono wukuletwa no Muhe, mulece kuleka kunombela kuli Mulungu.

2 Petelo 2:9

Ale, holeka, Muwaha yamanyile kuwaponya mu wulipicizwe sunga Mwizuwa lililya lyo wuling'anizwe.

1 Samwili 17:37

Muwaha Mulungu mono yamhonya mu wulawa mu masimba ne madubu, yo yuyo kanyhi mono komhonya mu miwoko yo Mufilisiti yuyu.” Nayo Sawuli yakamupitula yakatya, “Ale, viswanu, ‘Alu wubite, no Muwaha Mulungu yawezane nagwe.’ ”