Danyeli 2:12 - Luganuzi Luswanu Kuli Wanhu Wose 2002

¹² Na so nghani yiyo, mutemi yakakolwa ne likuwo, no kulajiliza we mahala wose wa mu yisi ya Babiloni wawulagwe.

Danyeli 2:12 ပူးပေါင်းရင်းမြစ်များ

Jobu 5:2

Holeka wumanye, vyono mahwele gawulagaga wanhu ko wusungu, na yowa nghani ya wulele, kanyhi cowa cinhu ca wulele ku witumwe.

Zabuli 76:10

Ne likuwo lye wanhu, likuletelaga lukumyo lono lucizize muno; nawo wono waponile ku wulugu, wowa kuzikumbucila zi sikukuu zako.

Zimbazi 16:14

No munhu we mahala, kajelaga muno kumusangalaza mutemi. Vyono hono mutemi yakolwe ne likuwo, ale, yunji kofwa.

Zimbazi 19:12

Likuwo lyo mutemi, lihwanile ngholoma ye lisimba. Ninga wendezwe wakwe, winha buhe mu mahanze.

Zimbazi 20:2

Yikunojeye wumogope mutemi, lono yakolwa ne likuwo, nha vyono kuyogopaga simba, lono yikukoloma. Na hono wumukoze likuwo, wukwiwulaga go mweneco.

Zimbazi 29:22

Ne wanhu wono wena makuwo ge mbela mbela, waletaga wuma hamonga ne mazozo.

Danyeli 2:24

Baho Danyeli yakabita kuli Aliyoki, mono u mutemi yali yamulajiliza yawawulaje we mahala wose wa he 'kulu. Yakamutya, “Wulece kuwawulaga. Langa wusolaje nene, wunhegule kuli mutemi, nane nomuloloseza ze nhunizo ye ndoto yakwe.”

Danyeli 2:5

Mutemi yakawalonjela yakatya, “Ndoto yeneco nayisemwa, ninga nakondya kulamula vyono nyenye yo munojeye munonjele yiyo ndoto yangu, hanyuma munonjele ne nhunizo yayo. Na hono mulemegwe, modumulwa vibimha vibimha, nizinoze ne zikaya zenyu gawe matongo.

Danyeli 3:13

Lo lulo lulo Mutemi Nebukadineza yakakolwa ne likuwo muno muno, yakawa kulajiliza wa walya wanhu wadatu, waletwe ha mwande yakwe.

Danyeli 3:19

Baho Nebukadineza yakakolwa ne likuwo muno, no wusu wakwe wukakununghala, yakawakolelwa likuwo yiwaha Shedilaki, Meshaki na Abedinego. Hobaho yakawalajiliza wanhu wakwe wonjeleze zingwagu, moto wuwe mukali muno kali mupunghati, kuciza vyono wakaga vilo vyose.

Danyeli 5:19

Nayo yali mogopwe ne wanhu wose we makungugo ne zimbeyu na we milonjele yose, wamogopaga muno muno no kucicima. Lono yasakaga kumuwulaga yunji, yamuwulagaga du. Na lono yasakaga kumuwopolela yunji yekale mumi, yamuwopolelaga du. Yawapelaga lilumbo wono yasakaga, na wono yasakaga kuwanyetye, yawanyetyaga.

Matayo 2:16

Nayo Helode yaza kwizuka vyono wawalya we mahala go wizuce we zinyelezi wamukonga, yakakolwa ne likuwo muno muno. Hobaho yakawa kulajiliza vyono, iwana wose we cilume wono wali mumo mwi'kaya lya Betelehemu, sunga na mu mhelomhelo yayo, wono wena myaka myejete na hasi yayo, wose wawulagwe. Nayo yanoza nhavivyo, ku wutyatya ilipango lyono yazimanyila zizo ku wulawa kuli awalya we mahala go wizuce we zinyelezi.

Matayo 5:22

Ninga ane nghumutyenyi, muli wose mono yakumuwonela likuwo u nduguye, yuyo yimunojeye yaling'anizwe. Nayo mono yakumubedegala u nduguye, yuyo kotegulwa ku wuling'anizwe. Na mono yakumutya u nduguye ‘Go mulele gwe,’ yuyo yanojeye yenjile mu moto we Gehena.