Danyeli 2:11 - Luganuzi Luswanu Kuli Wanhu Wose 2002

¹¹ Holeka cono wukuwuza Gwe mutemi, co cinhu cikamu muno muno, cono hasina munhu mono kosuma kukunozeza, langa milungu du, nayo lu, ho siyikalaga muli wanhu.”

Danyeli 2:11 ပူးပေါင်းရင်းမြစ်များ

Mwamulizo 41:39

Hanyuma yakawa kumutya Yusufu, “Alu vyono Mulungu kakugubulila gwegwe zizi zose, na vyono hasina munhu yunji mono yena wizuce ne mahala nha vyono winha gwegwe.

Mwamulizo 41:8

Wali weza kwela hakali mitondo, Falawo yali yazinguce muno muno. Ale, yakawa kulajiliza i waganga wose na we mahala wose wa mu yisi ya Misili waze kuli mwene. Nawo wali weza kuza, Falawo yakawalonjela ze zindoto zakwe, ninga hasina hamba monga mono yasuma kumuloloseza Falawo nhunizo ye zindoto zizo.

1 Watemi 8:27

“Gwe go Mulungu, alu mbeka, kosuma kwikala mono yinze? Wulanje vyono wulanga hamba si wukukwiliye yaye, alu Nyumba yiyi yono nzenjile yo yokukwila?

2 Zinghomo 6:18

“Gwe go Muwaha Mulungu, alu mbeka kosuma kwikala mono'nze, hamonga ne wanhu walume ne wacekulu? Sunga no wulanga nha si wukukwiliye ku wikala mumo. Alu 'mbi Nyumba yako yiyi yono nghuzenjeye, hongo yowa mbaha yono yikukwiliye?

Zabuli 132:14

“Ahano langa, ho wowa wo wikalo wangu, cibitilila, ho hanhu hono notema.

Zabuli 68:18

Yakubita kucanyha, akuno yali hamonga ne mateka gakwe, kabocela vipegwa kuli wanhu, heya nhavivyo sunga na kuli wanhu i wabezi, nayo Muwaha Mulungu kokwikala muli wene.

Wutuluce 29:45

Nane nokwikala muli wana wa Isilayeli, nowa Mulungu wawo.

Wutuluce 8:19

Nawo waganga nhondo wakamutya Falawo, “Gwe mutemi Falawo, azi zinozwa no Mulungu du!” Ninga Falawo yakacila kuwa yasina cihuliko, nha vyono Muwaha Mulungu yalonga du yakutya, “Falawo hamba si kowahulika Musa na Haluni.”

Isaya 47:12

Alu wuwice wuganga wako hamonga ne zimhiji zako zono wetumamilaga wulawa wudodo wako, na lunji zokupela wutazi wudodo, na lunji kosuma kuwogofya walugu wako.

Isaya 57:15

“Hambi ane, nha yonene u Mulungu mono yelile, mono nikalaga cibitilila. Nikalaga i hanhu hono henuce na hono helile. Ninga hamba nhavivyo, nikalaga hamonga ne wanhu wenenenyhezi, kanyhi wono wakondizye kunena. Ho niwasikamye vilungo vyawo vya mu nhumbula, hamonga no witumbilo.

Isaya 8:18

Nane 'lu, nili bahano hamonga ne wana wono Muwaha Mulungu yamhela, Muwaha Mulungu we Mihanga, mono ligoda lyakwe lyo wutemi, lili mwi'tunda lya Sayuni. Nayo kacituma ase ciwa nha vitanjilo ne mezino kuli wanhu wa Isilayeli.

Danyeli 4:4

Nene, Mutemi Nebukadineza nali nyhehile mu kaya yangu, nhulile mwi'kulu lyangu.

Danyeli 5:11

Hambi mu wutemi wako, nha mo yuli munhu yunji, mono yali hamonga ne myuhe ye milungu yono yelile. Lono u sogo mutemi Nebukadineza yali yatemile, munhu yuyo yalajila yihala yiswanu lyo wutanje, no wizuce ne mahweso, nha vyono milungu yikuwa kulajilwa. Lulo mutemi Nebukadineza u sogo, yakamunoza yawe yo muwaha we watowa visangu wose, ne wahawi, hamonga ne walotezi, na we mahala go wizuce we zinyelezi.

Yoweli 3:21

Nane nowalipiciza wono wawawulaga i wanhu wa Yuda hamba si nowalecela yaye i wasutyi. Nane ane no Muwaha Mulungu, nikaye mu Sayuni.”

Wuwale 35:34

Holeka mulecele lukulu kuyavufya yisi yono mwikaye, hambi ane nha yonene Muwaha Mulungu, nane nikaye hamonga ne wanhu wa Isilayeli.”

Matayo 19:26

Yesu nayo, yakawalanga, yakawatya, “Ku wuwe wo munhu inghani yiyi, si yisumice, ninga kuli Mulungu zose nha zisumice.”

Yohana 1:14

I Nghani nayo yakawa munhu, yakekala mwetu. Nase cikayiwona i nhojo yakwe, i nhojo yakwe mwene mono mwana we ciwene wa Baba; yamemile lihewa ne mbeka.

Yohana 14:17

U mwene yo Muhe we mbeka, mono we yinze si wosuma kumubocela, hambi nha si wosuma kumuwona, hamba kumumanya kose. Ninga anye mumumanyile, hambi nha mwikalaga nayo, nayo yali muli nyenye.

Yohana 14:23

Yesu yakamupitula, yakamutya, “Munhu hono yanyende, yuyo kokwibata inghani yangu, na Baba komwenda, nase cokuza kuli mwene, no kwikalana nayo.

2 Wakolinto 6:16

Hamba howuli wulaganeci we Nyumba yo Mulungu ne vihwani vyo wulambi? Hambi ase nha cili wuhembelo wo Mulungu mumi. Nha vyono Mulungu mweneco yalonga yakatya, “Nowunoza u wikalo wangu wuwe muli wene, na muli wene mo nowa jendela, nane nowa Mulungu wawo, nawo wowa wanhu wangu.”

Wugubule 21:3

Hanyuma kanyhi, nghahulika lizi yiwaha likalawilila he'goda lyo wutemi, likutya, “Lanje ta! U Mulungu kawunoza u wikalo wakwe muli wanhu. Nayo kokwikala muli wene, nawo wowa wanhu wakwe, nayo kowa Mulungu wawo.